Fréttablaðið - 17.07.2006, Blaðsíða 57
Í sumar hafa 20 skapandi
sumarhópar verið starfandi
hjá Hinu húsinu.
Á fimmtudaginn gátu gestir og
gangandi kynnt sér starfsemi
þessara hópa á skemmtun sem
haldin var í Tjarnarsal Ráðhúss-
ins í Reykjavík þar sem hver hóp-
ur sýndi brot af sinni starfsemi á
svokallaðri lokahátíð. Hóparnir
og verkefni þeirra voru mjög fjöl-
breytt og ljóst er að það vantar
ekki hugmyndagleðina hjá þess-
um listamönnum framtíðarinnar
sem ábyggilega eiga eftir að láta
meira til sín taka í listalífinu.
List framtíðarinnar
GIRNILEGAR KÖKUR Hönnunartvíeykið
Stígvél bjó til þetta girnilega bakkelsi en á
bak við það standa þær Ingunn Jónsdóttir
og Þórunn Árnadóttir, nemar í þrívíddar-
hönnun við Listaháskóla Íslands.
KVINTETTINN ATLAS Tónlistarfólkið Herdís Anna Jónasdóttir, Grímur Helgason, Þorbjörg
Daphne Hall, Matthildur Anna Gísladóttir og Eygló Dóra Davíðsdóttir fluttu lagið Garðurinn
eftir Jónas Tómasson úr verkinu Fjögur Andalúsíuljóð.
RANNSÓKNARSVIÐ ÍSLENSKRAR ÞJÓÐ-
MENNINGAR Árni Kristjánsson, Friðgeir
Einarsson,og Kolbrún Björt Sigfúsdóttir,
nemendur í Fræði og framkvæmd við
leiklistardeild Listaháskóla Íslands, kynntu
vinnu síns hóps sem tók íslenska þjóð-
menningu fyrir.
GÓÐ MÆTING Hátt í 80 einstaklingar tóku
þátt í hinu skapandi starfi sumarhópa Hins
hússins. Hér eru þau Gunnar, Sólveig og
Þóra.FRÉTTABLAÐIÐ/HEIÐA
SVÍNSLEG LIST Fjöllistahópurinn Grísa-
lappalísur framdi gjörning en í honum eru
myndlistarnemarnir Rósa Valtingojer, Saga
Ásgeirsdóttir, Steinunn Gunnlaugsdóttir og
Una Björk Sigurðardóttir.
UMFJÖLLUN
[KVIKMYNDIR]
Þrátt fyrir það hversu ágæt og
upplífgandi kvikmyndagrein ungl-
ingahrollvekjan er verður það
samt að segjast að meirihluti þess
efnis sem framleiddur er innan
hennar er óttalegt rusl og það er í
raun mesta furða að fólk skuli enn
dunda sér við að slátra gröðum og
útúrreyktum gelgjum á hvíta
tjaldinu eftir að Scream-myndirn-
ar rústuðu greinina með háði og
spotti. En unglingahrollurinn er
einfaldlega jafn ódrepandi og
Freddy Krueger, Michael Myers
og Jason og það verður alltaf
markaður fyrir öskrandi ljóskur
sem enda ævina á röngum enda
búrhnífsins. See No Evil er dæmi-
gerð unglingahrollvekja en slefar
sem betur fer upp fyrir meðallag
og er því vel bíómiðans virði fyrir
þá sem fá útrás við að horfa á geð-
sjúkling refsa ungdómnum fyrir
saurugar hugsanir, græðgi og
dópreykingar.
Fyrrverandi klámmyndaleik-
stjóranum Gregory Dark tekst að
byggja upp þokkalega spennu
innan staðlaðrar frásagnarinnar
og býður um leið upp á mátulegan
skammt af splatterviðbjóð sem
verður þó að teljast frekar mein-
laus eftir að Eli Roth setti alger-
lega ný viðmið í þeim efnum með
hinni yfirgengilega viðbjóðslegu
Hostel.
Dark klikkar hins vegar alveg á
því að bjóða upp á nekt en eins og
Roth hefur sýnt eftirminnilega
fram á eru ber brjóst og rassar
alveg ómissandi þáttur í myndum
af þessu tagi. Miðað við aldur og
fyrri störf Darks hefði maður
búist við fagmannlegum tilþrifum
í strippli og kynlífi en hann heldur
sig örugglega aftan við markalín-
una sem Roth dró með Hostel.
Annars er allt til alls hérna.
Slatti af afbrotaunglingum fær
tækifæri til að stytta sakadóma
sína með því að þrífa yfirgefið og
niðurnítt hótel með ótal ranghöl-
um og dimmum skúmaskotum.
Með þeim í för er einhent lögga
sem missti útliminn nokkrum
árum áður í átökum við snældubil-
aðan fjöldamorðingja sem hafði
þann leiða ávana að plokka augun
úr fórnarlömbum sínum.
Það líður svo ekki á löngu fyrr
en lík með gapandi augntóttir fara
að skjóta upp kollinum í hrörleg-
um hótelherbergjunum og lögg-
unni okkar verður ljóst að morð-
inginn sem hjó handlegginn af
honum er síður en svo dauður úr
öllum æðum þótt okkar maður
hafi sett byssukúlu í hausinn á
honum. Þetta er hið besta mál þar
sem þetta er fínasti skúrkur og
það er alltaf eitthvað notalegt og
næstum eðlilegt við geðsjúklinga
sem myrða í nafni Guðs og Biblí-
unnar.
Persónurnar týna svo tölunni
eftir kúnstarinnar reglum en Dark
bryddar þó upp á þeirri nýbreytni
að stúta krökkunum ekki eftir
staðlaðri goggunarröð og það
kemur skemmtilega á óvart
hversu lífseig ljóskan er að þessu
sinni. Ýmis önnur smáatriði og
frávik frá staðalforminu ná að
lyfta myndinni upp en allt endar
þetta úti í móa í lokin enda virðast
það vera flókin vísindi og á fárra
færi að loka hryllingsmynd á sann-
færandi hátt.
Heildaráhrifin eru samt ásætt-
anleg og Dark verður því varla
sendur aftur í klámið og mun sjálf-
sagt fá að spreyta sig frekar í
þessum bransa. Þórarinn Þórarinsson
Ef hægra auga þitt tælir þig...
SEE NO EVIL
LEIKSTJÓRI: GREGORY DARK
Aðalhlutverk: Glen Jacobs, Christina Vidal,
Samantha Noble, Steven Vidler
Niðurstaða: See No Evil er unglingahrollur
sem skríður upp fyrir meðaleinkunn og skilar
því sem til er ætlast. Það næst meira að segja
upp spenna innan staðlaðrar formúlunnar
og viðbjóðurinn er mátulegur og fer ekki út
fyrir velsæmismörk sem eru þó á undanhaldi
innan greinarinnar.
Kynlífsverslunin Exxxotica sem var
til húsa á Barónsstígnum í mörg ár
hefur nú vikið fyrir arktitektastof-
unni Skapað og skerpa. Blaðamaður
sló á þráðinn til Jóhanns Sigurðsson-
ar hjá stofunni og spurði hann út í
breytingarnar. „Við fluttum nú bara
inn fyrir tæpum tveimur vikum og
erum að koma okkur í gang. Þú getur
rétt ímyndað þér hvað nágrannarnir
eru ánægðir með þessi skipti,“ segir
hann hlæjandi.
„Það er þó alltaf einn og einn sem
slysast hingað inn sem var á leiðinni
í búðina, en áttar sig fljótt á því að
það er búið að breyta. Nágrannarnir
eru flestir yfir sig hrifnir af þessu.
Sumir hafa meira að segja komið
hingað niður bara til þess að þakka
fyrir að það sé komið eitthvað annað
hingað í húsið,“ segir hann en tekur
það þó fram að engin leiðindi hafi
verið á milli eigenda kynlífsbúðar-
innar og íbúa í nágrenninu. „Ég er
alveg viss um að verðgildi íbúðar-
innar fyrir ofan okkur hafi aukist
nokkuð við þetta.“
Húsnæðið við Barónsstíg er
ennþá eldrautt í litum kynlífsbúð-
arinnar og segir hann það á stefnu-
skránni að mála húsið í nýjum lit.
Jóhann segist þó ekki hafa orðið
mikið var við óánægjuraddir frá
traustum kúnnum Exxxotica.
„Það var reyndar einn hérna sem
kom hingað inn og sagði okkur
hvað það væri slæmt að missa
búðina úr hverfinu. Ég held þó að
það hafi verið meira í gríni en
alvöru,“ segir Jóhann léttur í
bragði. -vör
Arkitektar fyrir klámbúð
SKAPAÐ OG SKERPA Starfsfólk nýju arkitektastofunnar segir að nágrannarnir hafi tekið sér
fagnandi. FRÉTTABLAÐIÐ/HRÖNN
SUPERMAN RETURNS
SUPERMAN RETURNS VIP
THE BREAK UP
THE FAST AND THE FURIOUS 3
BÍLAR ísl. tal
CARS enskt tal
SHE´S THE MAN
KL. 3:50-4:50-7-8-10:10-11:10
KL. 4:50-8-11:10
KL. 3:50-6-8-8:15-10:20-10:30
KL. 8-10:20
KL. 3-5:30
KL. 3:30
KL. 6
B.I. 10
B.I. 12
SUPERMAN RETURNS
THE BREAK UP
BÍLAR ísl. tal
KL. 6-9KL.
8-10:10
KL. 5:40
B.I. 10
*SÝNDAR Í STAFRÆNNI ÚTGÁFU. MYND OG HLJÓÐ
* SUPERMAN RETURNS
THE BREAK UP
BÍLAR ísl. tal
*CARS enskt tal
KL. 4-6-8-10
KL. 8:20-10:30
KL. 3:30-6
KL. 3:30
B.I. 10 SUPERMAN RETURNS
THE BREAK UP
THE LAKE HOUSE
CARS enskt tal
BÍLAR ísl. tal
KEEPING MUM
POSEIDON
KL. 5:50-9-10:40
KL. 6-8:15-10:40
KL. 6-8:15-10:30
KL. 8:15
KL. 5:50
KL. 6-8:15
KL. 10:30
B.I. 10
B.I. 12
B.I. 14
SUPERMAN RETURNS
THE LAKE HOUSE
KL. 7-11
KL. 8-10:10
B.I. 10
SAMBÍÓIN SÍMI: 575-8900 www.sambioin.is