Tíminn - 07.05.1978, Blaðsíða 2

Tíminn - 07.05.1978, Blaðsíða 2
iFsrrn" •¦»¦¦<¦ Sunnudagur 7. mai 1978. DUFGUS: Nemendaleikhúsið Það var ánægjulegt aö sjá sýningu Nem- endaleikhússins á leikriti Flosa Ólafssonar, Slúðrinu í Lindarbæ. Ekki af því að leikritið væri framúrskarandi,það hefur sennilega hvorki verið betra né verra en til var ætlazt. Hins vegar gaf það leikendum mikil tæki- færi til þess að sýna f jötbreytni í leik og vissulega er það kostur þegar um er að ræða leikhóp sem fyrst og fremst sýnir hæfni sína að loknu námi. En það er skemmst frá því að segja,nemendur allir sýndu mikla hæfni í grundvallaratriðum leiklistar, oq sýndu bar að auki umtalsverð tilprif og lyftu sjálfu leikverkinu langt upp fyrir það sem textinn gaf tilefni til. Þessi sýning sýndi að Leiklistarskólinn ungi er góður skóli og þaðan er að vænta nýrra manna með meiri kunnáttu en islenzkir leikarar hafa almennt haft yfir að ráða hingað til, og hef ur þó ekkert skort á að hér kæmu fram margir frábærir leikarar. Hitt er svo annað mál að litlar líkur eru á þvíaðsáf jöldi sem útskrifast úr Leikiistar- skólanum í framtíðinni muni fá störf við leiklist. Markaðurinn fyrir leikara er fak- markaður og ekki horf ur á að það breytist til muna á næstunni. Og það er eftirsjá í því að f á ekki að sjá allt þetta unga f ólk á leik- sviði aftur. En við því er ekkert að gera, enda hefur þessu fólki væntanlega verið það Ijóst, þegar það hóf nám, að atvinnu- möguleikar fyrir svo stóran hóp væru tak- markaðir. Skólastjóri Leiklistarskólans ræddi þetta vandamál i viðtali i vetur og lét þá þau orð falla að ríkisvaldið hefði gleymt því þegar það stofnaði skólann að það þyrfti að út- vega f ólkinu atvinnu. Þetta voru ósmekkleg orð og ósæmileg. Gerð var krafa til ríkis- valdsins um stofnun skólans. Sú krafa var endurtekin árum saman af vaxandi þunga. Þá var það rökstutt að þörf væri f yrir þenn- an skóla en aldrei minnzt á það einu orði að ríkið ætti einnig að sjá því f ólki sem þaðan útskrifaðistfyrirævistarfi. Enþví miður er ekki við skólastjóra Leiklistarskólans einan að sakast, það er að verða óþarf lega al- gengur hugsunarháttur hér að ríkið eigi að sjá fyrir öllu og öllum. Þessi hugsunarhátt- ur v'erður að hverfa og vonandi hafa þeir nemendur Leiklistarskólans sem nú eru að útskrifast þann manndóm að leggja ekki árár í bát, þó að samfélagið leggi ekki allt upp í hendurnar á þeim. Það eru nefnilega ýmsar aðrar leiðir til. Kvikmyndagerð er hér á algeru frumstigi og þyrfti þar sannarlega að taka til hend- inni. Það verður að vísu löng barátta og hörð því að allt þarf sinn tíma til þróunar. Kvikmyndagerð hér á landi kemur varla til með að verða verkefni ríkisvaldsins nema að litlu leyti. Til þess að hef ja kvikmynda- gerð til vegs og virðingar þurfa að koma framtakssemi, hugkvæmni, dugnaður og kjarkur einstaklingsins. Það er verðugt verkefni fyrir ungt fólk. Það kunna einnig að vera f leiri möguleik- ar. Víða úti á landsbyggðinni er mikill áhugi fyrir leiklist og áhugastarf stendur með töluverðum blóma. Það væri mikill fengur f yrir þá staði að f á ungt vel menntað fólk til starfa. Það er sannfæring mín að víða yrði hinum ungu leikurum veitt aðstaða til þess að fá lífvænlegt aðalstarf sem veitti síðan möguleika til að leiða áhugamannastarfið og lyfta því upp. Það yrði til mikils menningarauki fyrir landsbyggðina. A uppstingingardag opnaði Fanney Jónsdóttir málverkasýningu að Laugavegi 21, en Fanney hefur áður haldiö sýningu ;i6 Klausturhólum. A þessari sýningu verða um 40 myndir, flest oliumálverk og vatnslita- myndir. Megnið af þeim er uunio á þessu og si&astliðnu ári. Sýningin verður opin daglega frá ki. tvö til sex fram að hvitasunnu. Aðgangur er ókeypis. Fanney hefur málað lengi, en liún stundaði nám ásinum tfma f Kaupmannahöfn. Sýning Ragnars Páls hleypir f jöri í Kjarvalsstaði FI Hátt á fjórða þúsund manns hafa nú þegar séð sýningu Ragn- ars Páls listmálara að Kjarvals- stöðum, en sýningin stendur til 7. maí. A sýningunni eru 78 máiverk alls, þar af voru 40 til sölu og seld- ust þau öll fyrsta daginn. Þrjátiu málverk seldust fyrsta klukku- tlmann. Hefur mjög lifnað yfir Kjarvaisstöðum við þessa geysi- legu aosökn. Ragnar Páll sagöi i samtali við Timann i gær, að margir úr dreif- býlinu hefðu komið á þessa sýn- ingu og var hann þakklátur fyrir það. Menntamálaráðherra hefði komið tvisvar á sýninguna og nokkrir stjórnmálamenn aðrir litið inn. Eins og vanalega hafa fulltrúar Listasafns rikisins ekki látið sjá sig en Ragnar Páll kvað lágmark að þeir kæmu og skoð- uðu sýningar. Myndirnar á sýningunni voru mest blómamyndir, landslags- myndir og nokkur „portrait", sem eru f einkaeign. Þar á meðaí af Agústi Þorvaldssyni fyrrver- andi alþingismanni, Þórði frá Dagverðará og Hannibal Valdi- marssyni. „Annars ber sýningin það með sér", sagöi Ragnar Páll, „að ég átti þess kost i fyrrasumar að vera mikið úti á landsbyggðinni, sérstaklega meöal fólks á Austur- landi og I Mývatnssveit. Kynntist ég þarna mörgu úrvalsfólki og eru margir staðir mér hugstæðir Nótt eftir Ragnar Pál. Myndin er úr Borgarfirði eystra. síðan, eins og t.d. Borgarfjörður eystri." Sýning Ragnars Páls á Kjar- valsstöðum er niunda einkasýn- ing hans og önnur i rööinni á Kjarvalsstöðum. Sonur Indiru fangelsaður Nýja Delhi/Reuter Sanjay Gandhi sonur Indiru Gandhi fyrr- um forsætisráðherra Indlands var i gær dæmdur i mánaðar fangelsi vegna tilraunar til að múta manni er bera átti vitni i máli gegn honum. Tveim klukku- stundum siðar var Gandhi færður i fangelsi. Hann er nú ákærður fyrir að hafa gert tilraun til að eyðileggjakvikmyndir er fjölluðu úm spillingu stjórnmálamanna i Indlandi. Allmörg vitni hafa breytt framburði sinum við réttarhöldin frá þvi er þau höfðu áður borið. A meðan Indira Gandhi stjórnaði Indlandi undir neyðar- lögum á árunum 1975 og 1976 var Sanjay einn áhrifamesti stjórn- málamaður i landinu. Talið er að áætlanir hans um að hefta fólks- fjölgun i Indlandi hafi átt hvað drýgstan þatt i að flokkur Indiru Gandhi beið ósigur i sfðustu kosningum. Bændur Röskur drengur á 13. ári óskar eftir sveita- dvöl. Getur byrjað strax Upplýsingar í síma 3- 66-12, eftir kl. 8 á kvöldin.

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.