Fréttablaðið - 01.09.2006, Side 4

4 1. september 2006 FÖSTUDAGUR
GENGIÐ 31.8.2006
GJALDMIÐLAR KAUP SALA
HEIMILD: Seðlabanki Íslands
122,0226
GENGISVÍSITALA KRÓNUNNAR
68,84 69,16
131,23 131,87
88,41 88,91
11,85 11,92
10,937 11,001
9,54 9,596
0,5873 0,5907
102,37 102,99
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
STJÓRNMÁL Prófkjör Samfylking-
arinnar í Reykjavík fyrir þing-
kosningarnar í vor verður 11. nóv-
ember. Tillaga þess efnis var
samþykkt á fundi fulltrúaráðs í
fyrrakvöld.
Rétt til þátttöku hefur flokks-
fólk í Reykjavík en aðrir þurfa að
lýsa yfir stuðningi við Samfylk-
inguna. Verða nöfn þeirra skráð á
sérstaka stuðningsmannaskrá til
afnota fyrir flokkinn og frambjóð-
endur.
Í tillögum stjórnar fulltrúa-
ráðsins var kveðið á um að heimilt
yrði að ákveða netkosningu, sam-
hliða skriflegri eða rafrænni kosn-
ingu á kjörstað. Margrét S. Björns-
dóttir mælti gegn hugmyndinni og
flutti tillögu um frávísun. Eftir
talsverðar umræður lagði Ingi-
björg Sólrún Gísladóttir formaður
til að afgreiðslu yrði frestað og að
haldinn yrði sérstakur fundur um
málið. Á það féllust fundarmenn.
Einnig var ákveðið að ræða síðar
um hámarkskostnað frambjóð-
enda en tillögur stjórnar kváðu á
um að hann yrði bundinn við eina
milljón króna. Hins vegar var
samþykkt að beina þeim tilmælum
til kjósenda að þeir hefðu kynja-
jafnrétti til hliðsjónar er þeir
fylltu út kjörseðilinn.
Frambjóðendur í prófkjöri
Samfylkingarinnar í Reykjavík
þurfa að greiða 40.000 króna þátt-
tökugjald. - bþs
Prófkjör Samfylkingarinnar í Reykjavík verður laugardaginn 11. nóvember:
Netkosning rædd á aukafundi
INGIBJÖRG SÓLRÚN GÍSLADÓTTIR Sér-
stakur fundur verður um kosti og galla
netprófkjörs.
SACRAMENTO, AP Arnold Schwarz-
enegger, ríkisstjóri í Kaliforníu,
hefur náð samkomulagi við Demó-
krata á Kaliforníuþingi um strang-
ar takmarkanir á útblæstri
gróðurhúsalofttegunda. Sam-
komulagið þykir marka ákveðin
tímamót, meðal annars vegna þess
að það gengur þvert á stefnu
Bandaríkjastjórnar og Bush for-
seta í umhverfismálum.
Sjálfur segir Schwarzenegger
samkomulagið vera öðrum ríkjum
Bandaríkjanna til eftirbreytni
„meðan baráttan gegn loftslags-
breytingum heldur áfram“.
Flokksbræður Schwarzenegg-
ers í Repúblikanaflokknum eru
hins vegar engan veginn ánægðir
með þetta framtak ríkisstjórans.
Þeir segja að nýju reglurnar muni
litlu breyta, en hafa þau áhrif að
Kalifornía verði erfitt rekstrar-
umhverfi fyrir fyrirtæki. „Þetta
frumvarp leiðir til efnahagshruns
í Kaliforníu,“ sagði öldungadeildar-
þingmaðurinn Dennis Holling-
worth.
Umhverfisverndarsinnar fögn-
uðu samkomulaginu og sögðu það
skref í rétta átt, en sumir framá-
menn í viðskiptalífinu í Kaliforníu
gagnrýndu það. Þeir segja að sam-
komulagið auki kostnað fyrir-
tækja sinna og þeir sjái sig því til-
neydda að draga úr umsvifum
sínum í Kaliforníu.
Samkvæmt frumvarpinu þurfa
iðnfyrirtæki í Kaliforníu að draga
úr útblæstri sínum um 25 prósent
fyrir árið 2020. Til þess að liðka
fyrir því að þessi markmið náist
fá fyrirtækin leyfi til þess að
kaupa og selja mengunarkvóta.
Útblástur gróðurhúsaloftteg-
unda er hvergi meiri en í Banda-
ríkjunum, en Kalifornía er fjöl-
mennasta ríki Bandaríkjanna og
útblástur gróðurhúsalofttegunda
þar er svo mikill að Kalifornía ein
teldist vera í tólfta sæti yfir þau
ríki heims sem stórtækust eru í
menguninni.
Töluverðu munar því um fram-
lag Kaliforníu í þessum málum.
Hlýnun jarðar, þótt ekki væri
nema um fáeinar gráður, myndi
auk þess hafa margvísleg neikvæð
áhrif í Kaliforníu þar sem veður-
far er fyrir býsna hlýtt.
Samningaviðræður um frum-
varpið hafa staðið vikum saman.
Á miðvikudaginn var frumvarpið
samþykkt í Öldungadeild Kali-
forníuþings með 23 atkvæðum
gegn 14. Hljóti það einnig sam-
þykki í neðri deild þingsins, sem
líklegt þykir að verði fljótlega
fær ríkisstjórinn það til undirrit-
unar.
„Helsta markmið mitt var að fá
lög sem umhverfisverndarhópar
geta kynnt öðrum ríkjum og sagt:
Þetta gerði Kalifornía, þið eigið að
gera það líka,“ sagði demókratinn
Fabian Nunez, sem er forseti neðri
deildar þingsins. „Og okkur tókst
það.“ gudsteinn@frettabladid.is
RÍKISSTJÓRINN GEFUR EIGINHANDARÁRITANIR Í nóvember ganga Bandaríkja-
menn til kosninga og þá verður meðal annars kosið um framtíð Schwarzeneggers í
ríkisstjóraembættinu. Samkvæmt skoðanakönnunum hefur hann þrettán prósenta
forskot á mótframbjóðanda sinn. FRÉTTABLAÐIÐ/AP
Schwarzenegger vill
minnka mengun
Ríkisstjórinn í Kaliforníu gengur þvert á stefnu Bandaríkjaforseta í umhverfis-
málum. Arnold Schwarzenegger hefur samið við Demókrata um að draga úr
útblæstri gróðurhúsalofttegunda.
ÁLVERSFRAMKVÆMDIR Hafnarstjórn
Norðurþings hefur ákveðið að
hefja viðræður við Siglingastofn-
un um frumhönnun hafnarmann-
virkja sem mæta þörfum Alcoa
vegna flutninga að fyrirhuguðu
álveri við Bakka.
Hugmyndir Alcoa snúast um að
sigla á sextíu þúsund tonna
skipum til Húsavíkur, að sögn
Gauks Hjartarsonar hafnarstjóra,
og er áætlaður kostnaður við höfn
sem getur tekið á móti slíkum
skipum um 2,6 milljarðar króna.
„Það er ekki farið að ræða um
kostnaðinn við hönnunina en þessi
framkvæmd er alfarið á vegum
sveitarfélagsins. “ - sdg
Undirbúningur fyrir álver:
Stækkun hafn-
ar á Húsavík
LÖGREGLUFRÉTTIR Brotist var inn í
efnalaug í höfuðborginni í
gærdag og þaðan stolið tveimur
skyrtum að sögn lögreglu. Alls
voru sjö innbrot tilkynnt til
lögreglunnar í Reykjavík
síðastliðinn sólarhring.
Tilkynnt voru fjögur innbrot í
bifreiðar þar sem verðmætum
var stolið og þá var brotist inn í
íbúðarhúsnæði í Grafarvogi um
hádegisbilið í fyrradag.
Brotist var inn í vinnuskúr við
Vesturlandsveg og þar unnar
skemmdir. Ekki er vitað hvort
einhverju hafi verið stolið.
Lögregla segir að töluvert beri
á gaskútaþjófnuðum um þessar
mundir. Fjölda gaskúta hefur
verið stolið úr fellihýsum,
hjólhýsum og gasgrillum að
undanförnu og lögregla ráðþrota.
- æþe
Erilsamt hjá lögreglunni:
Brotist inn og
skyrtum stolið
STJÓRNMÁL „Samfylkingin þarf að
leggja meiri áherslu á að tala um
það sem skiptir fólk máli,“ segir
Steinunn Valdís Óskarsdóttir
borgarfulltrúi, sem sækist eftir
fjórða sætinu í prófkjöri
Samfylkingarinnar í Reykjavík
11. nóvember vegna þingkosn-
inganna í vor.
Steinunn Valdís segir tíma
kominn á ríkisstjórn með
manngildi, velferð og jöfnuð að
markmiði. „Ég vil koma þessari
ríkisstjórn frá. Eftir hana liggja
verk sem ég er ósátt við.“
Steinunn Valdís hefur setið í
borgarstjórn Reykjavíkur síðan
1994 og gegndi embætti borgar-
stjóra í tæp tvö ár. Verði hún
kjörin til Alþingis segist hún
munu víkja úr borgarstjórn. - bþs
Steinunn Valdís Óskarsdóttir:
Fer í prófkjörs-
slaginn
STEINUNN VALDÍS ÓSKARSDÓTTIR Segir
sig úr borgarstjórn nái hún kjöri til
Alþingis.
STJÓRNMÁL Steingrímur J.
Sigfússon, formaður Vinstri-
hreyfingarinnar
- græns fram-
boðs, ræðir
samstarfsmögu-
leika flokksins
og áherslurnar í
kosningabarátt-
unni á fundi
flokksráðs VG í
dag.
Fundurinn er
sagður marka
upphaf baráttu VG fyrir þing-
kosningarnar á næsta ári en
einnig verður farið yfir úrslit
sveitarstjórnarkosninganna í vor.
Á morgun hefst svo ráðstefna
sveitarstjórnarfulltrúa flokksins.
Í flokksráði sitja allir helstu
trúnaðarmenn flokksins, stjórnar-
menn og kjörnir fulltrúar. - bþs
Steingrímur á flokksráðsfundi:
Ræðir mögulegt
stjórnarsamstarf
STEINGRÍMUR J.
SIGFÚSSON
15 ára handtekin
Fimmtán ára gömul unglingsstúlka
var handtekin í Telemark í Noregi í
gær, grunuð um að hafa beitt móður
sína svo ofsafengnu ofbeldi að
konan lést. Lík móðurinnar, sem var
frá Sómalíu, fannst á heimili þeirra í
gærmorgun. Í samráði við lögfræðing
sinn neitaði stúlkan að leyfa lögreglu
að yfirheyra sig í gær.
NOREGUR