Fréttablaðið - 07.09.2006, Síða 10

10 7. september 2006 FIMMTUDAGUR
NÝSTÁRLEGUR KJÓLL Þessi framúr-
stefnulegi kjóll, sem skartar bæði
neonljósum og farsímum, er eftir
japanska hönnuðinn Mihara Yasuhiro.
Hann var sýndur í Tókýó á þriðjudag.
FRÉTTABLAÐIÐ/AP
DÓMSMÁL Héraðsdómur Reykja-
víkur dæmdi 83 ára gamlan mann
í þriggja mánaða skilorðsbundið
fangelsi fyrir skjalafals í gær.
Hinum dæmda var gefið að
sök að hafa falsað undirskrift
eiginkonu sinnar á skuldabréfi, að
fjárhæð tæpar átta milljónir
króna með veði í fasteign þeirra.
Maðurinn játaði brot sitt fyrir
rétti en hann hafði ekki gerst
brotlegur við lög áður og því var
refsing hans ákvörðuð með
hliðsjón af því.
Fullnustu refsingarinnar var
frestað og mun hún falla niður
eftir tvö ár ef hinn dæmdi heldur
skilorð í tvö ár frá dómsupp-
kvaðningu. - æþe
Áttræður skjalafalsari:
Hlaut þriggja
mánaða dóm
HVALVEIÐAR „Nú fer hann bara á sinn stað og bíður átekta, það á eftir að
gera sitt lítið af hverju en báturinn er til í slaginn,“ sagði Kristján
Loftsson, framkvæmdastjóri Hvals hf., sem gerir út hvalveiðiskipin
fjögur sem setið hafa við Ægisgarð síðan 1989, í tilefni þess að Hvalur
9 var útskrifaður úr slipp í gærdag.
Þegar hvalveiðiskipið var tekið í slipp á dögunum voru sextán ár
liðin frá því að það var síðast yfirfarið. „Nú er hann alveg eins og
barnsrass og til í hvað sem er,“ sagði Kristján, sem var augljóslega
kampakátur í tilefni dagsins.
Að sögn Kristjáns var skrokkur skipsins í mjög góðu ástandi miðað
við tíma í sjó. Skipta þurfti um eins fermetra bút undir sjólínu á
stjórnborðssíðu skipsins og að sögn Kristjáns er það í fyrsta sinn sem
það er gert frá því að skipið var byggt árið 1956.
Kristján segir ekkert því til fyrirstöðu að hvalveiðar hefjist hér við
land að nýju í atvinnuskyni, en neitar að hafa fengið vilyrði um kvóta
frá sjávarútvegsráðuneytinu. „Hvalur 8 er í svipuðu standi nú og
Hvalur 9 var og ég fer með hann í slipp um leið og gefinn verður út
kvóti,“ segir Kristján. „Hvalstofnarnir hér við land þola vel veiðar og
hafa alltaf gert, hvalirnir bíða bara sallarólegir eftir skutlinum.“ - æþe
Hvaðveiðibáturinn Hvalur 9 er kominn úr slipp eftir að hafa legið við bryggju í átján ár án þess að fara á þurrt:
Báturinn er tilbúinn í slaginn við hvalina
HVALUR 9 OG KRISTJÁN LOFTSSON FRAMKVÆMDASTÓRI HVALS HF. Hvalveiðiskipið
fór úr slipp í gærdag og er að sögn Kristjáns Loftssonar, þess sem gerir skipið út,
klárt í slaginn að hefja hvalveiðar á ný. Kristján segir ekkert því til fyrirstöðu að hval-
veiðar hefjist að nýju hér við land. FRÉTTABLAÐIÐ/VILHELM
Fleiri flugfarþegar
Farþegum um Flugstöð Leifs Eiríks-
sonar fjölgaði um tæp 10% í ágúst
miðað við sama tíma í fyrra, eða úr
tæpum 245 þúsund farþegum í um
269 þúsund farþega. Farþegum til og
frá Íslandi fjölgaði um tæp 15% milli
ára, en um 14% færri farþegar milli-
lenda hér á landi á leið yfir Norður-
Atlantshafið.
SAMGÖNGUR
NEYTENDAMÁL Verð á öllu kjöti
hefur hækkað frá sláturleyfishöf-
um til kjötvinnslustöðva frá því í
júní 2005. Forsvarsmenn kjöt-
vinnslustöðva telja hækkanirnar
óeðlilega háar. Forsvarsmenn
afurðastöðva eru því ósammála og
telja að markaðurinn sé að leita
jafnvægis eftir miklar verðsveifl-
ur á undanförnum árum. Fullyrt er
að kjöt hafi verið selt undir kostn-
aðarverði um árabil.
Leifur Þórsson, framkvæmda-
stjóri Ferskra kjötvara, segir að
verð kjötvöru sem hans fyrirtæki
kaupi til úrvinnslu hafi hækkað allt
að tuttugu prósent frá sínum birgj-
um á einu ári og þar er mest hækk-
un á svínakjöti. Þessa hækkun
staðfesta forsvarsmenn annarra
fyrirtækja í kjötvinnslu, en hækk-
un dilka- og ungnautakjöts er um
sautján prósent.
Geir Gunnar Geirsson, fram-
kvæmdastjóri Stjörnugríss, segir
ástæðuna fyrir hækkunum eðli-
lega, þótt hann véfengi að hækkun-
in sé tuttugu prósent, hún sé um ell-
efu prósent eins og verðhækkun til
bænda. „Þetta eru almennar hækk-
anir á markaði auk þess sem kjötið
á sínum tíma var á alltof lágu verði.
Kjötmarkaðurinn hefur verið að
leita jafnvægis í heild sinni, sem
skilar sér í hærra verði til bænda.
Mönnum hlýtur að vera í fersku
minni að fyrir 2005 var verðið langt
fyrir neðan kostnaðarverð, sem
sést á öllum þeim gjaldþrotum sem
voru í þessari grein. Verðhækkanir
núna ættu því ekki að koma svo
mikið á óvart.“
Ingvi Stefánsson, varaformaður
í stjórn Norðlenska ehf., segist ekki
hissa á því að fyrirtæki sem ekki
séu með slátrun beri sig illa. „Þeir
sem eru ekki með allt ferlið á sinni
könnu finna fyrst fyrir því þegar
eftirspurn er meiri en framboð á
markaðnum. Þessir aðilar nutu líka
góðs af offramboðinu sem var hér á
árunum 2002 til 2004. Þá voru þeir
að fá kjöt frá sláturleyfishöfum á
mjög góðum kjörum.“ Ingvi segir
að sláturleyfishafar, eins og Norð-
lenska, reki kjötvinnslu jafnhliða
slátrun og kaupi allt fé af bændum
á fæti. „Því ættu fyrirtæki, sem
hafa góða framlegð út úr því að
vinna kjöt sjálfir, ekki að leggja á
kjöt sem er selt til annarra.“
Forsvarsmenn samtaka bænda
telja að meira eigi að skila sér til
framleiðenda, en forsvarsmenn
afurðastöðvanna fullyrða að hækk-
anir þeirra til úrvinnslustöðva end-
urspegli hækkanir til framleið-
enda. Steinþór Skúlason, forstjóri
Sláturfélags Suðurlands, segir að
verð til bænda frá hans fyrirtæki
hafi hækkað mun meira en Bænda-
samtökin hafi upplýsingar um.
„Það er aftur á móti rétt að hlutur
bænda hefur minnkað á meðan
hlutur smásöluálagningar hefur
aukist.“ svavar@frettabladid.is
Markaður leitar jafnvægis
Forsvarsmenn afurðastöðva telja kjötmarkað vera að leita jafnvægis eftir að kjöt var selt undir markaðs-
verði um árabil. Þeir telja bændur vanmeta hækkanir en smásöluálagning aukist.
SLÁTURTÍÐ Að mati forsvarsmanna afurðastöðva er kjötmarkaðurinn að leita jafn-
vægis eftir að kjötafurðir voru seldar undir markaðsverði. Þeir sem reka kjötvinnslur
telja hækkanir síðasta árs of háar. Myndin tengist ekki efni fréttarinnar. MYND/HÖRÐUR