Fréttablaðið - 07.09.2006, Qupperneq 44

■■■■ { austurland } ■■■■■■■■■■■■■■■■■■■■■■■■■■■■■■■■■■■■■■■■■■■■■■■2
Dagana 29. september til 1. október
stendur Guðmundur Rafnkell Gísla-
son fyrir fimmtu árlegu trúbadora-
hátíðinni á Austurlandi.
„Ég rak skemmtistaðinn Egils-
búð í níu ár og byrjaði þá með
þetta. Við höfum verið í samstarfi
við Rás 2 sem hefur haldið trúba-
dorakeppni í tengslum við hátíð-
ina. Það verður væntanlega eins í
ár,“ segir Guðmundur.
„Allir nafntoguðustu trúbador-
ar landsins hafa spilað á hátíðinni
síðustu fjögur árin. Þemað í ár eru
trúbadorarnir sem eru að spila á
börum um allt land, það er einn
anginn af þessum bransa. Áður
höfum við verið að horfa á trúba-
dora sem eru að gefa út plötur og
eru með frumsamið efni en nú er
það ekki skilyrði heldur er hátíðin
tileinkuð trúbadorum sem flytj-
endum.“
Guðmundur segir að þótt góð
textasmíði sé án efa eitt af frum-
skilyrðum þess að eiga láni að
fagna í faginu sé ekki síður mik-
ilvægt að vera lunkinn á gítar og
góður söngvari. „Á hátíðina hafa
alltaf komið nýir eða ungir trú-
badorar sem hafa lítið látið að
sér kveða fram að því. Sá yngsti
sem hefur tekið þátt var ellefu ára.
Hátíðin er vettvangur fyrir þá sem
eru með trúbadora í maganum og
ég er viss um að það leynist mikið
af óuppgötvuðu hæfileikafólki hér
fyrir austan, tónlistarhefðin er svo
rík hér.
Þetta er kærkomið tækifæri
fyrir þá sem hafa verið í felum með
gítarinn inni í herberginu sínu til
að stíga fram og sýna hvað í þeim
býr. Það er ennþá opið fyrir skrán-
ingu og þeir sem vilja vera með
geta sent póst á valsmyri@simnet.
is. Það geta allir spilað sem vilja,“
segir Guðmundur.
29. september verða tónleikar í
Mjóafirði, þann 30. í Neskaupstað
og 1. október á Stöðvarfirði. Nán-
ari upplýsingar um staðsetningar
og tíma verða gefnar á www.egils-
bud.is þegar nær dregur. -elí
Trúbadorar stíga á stokk
í fimmta sinn
Fimmta árlega Trúbadorahátíðin fer fram síðustu helgina í september.
Guðmundur Rafnkell segist ekki vera trúbador sjálfur en hefur látið að sér kveða sem
söngvari hljómsveitarinnar Sú Ellen.
Bubbi Morthens er meðal þeirra sem hafa komið fram á Trúbadorahátíðinni á síðustu
árum.
Skógræktarnemar frá Landbúnað-
arháskólanum á Hvanneyri fóru
nýlega um landið og mældu tré í
öllum helstu skógum þess. Mark-
mið mælinganna var að finna
hæsta tré landsins og samkvæmt
þeim var hæsta tréð sitkagreni
sem vex á Kirkjubæjarklaustri og
mældist það 23,7 m á hæð.
Starfsfólk Skógræktar ríkisins í
Hallormsstaðarskógi var ekki sátt
við niðurstöðuna, en hæsta tréð
sem skógræktarnemarnir mældu
þar var 23,1 m há alaskaösp og
taldist hún annað hæsta tré lands-
ins. „Við vissum af lundi þar sem
eru nokkuð há tré og fórum á stúf-
ana og fundum alaskaösp sem er
24,2,“ segir Þór Þorfinnsson, skóg-
arvörður í Hallormsstaðarskógi.
Þriðja hæsta tré landsins sam-
kvæmt mælingum skógræktar-
nemanna var síðan 22,5 m há
alaskaösp sem vex í Múlakoti í
Fljótshlíð.
Þór segir að það sé svona meira
til gamans gert að reyna að finna
hæsta tré landsins en hann er ekki
ósáttur við að það hafi fundist í
Hallormsstaðarskógi. „Við hömp-
um titlinum núna og gerum það
eitthvað áfram nema Sunnlend-
ingar séu að fínkemba svæðið hjá
sér og finni hærra tré.“ - eö
Hæsta tré landsins
á Hallormsstað
Nýlega voru mæld tré í öllum helstu skógum Íslands.
Lárus Heiðarsson, skógræktarráðunautur á Austurlandi, við mælingar á alaskaöspinni í
Hallormsstaðarskógi.
„Það eru tvær sýningar í gangi, sem
eru þær síðustu í sýningaröð sum-
arsins,“ segir Hildigunnar Birgis-
dóttir, annar tveggja sýningarstjóra
í Gallerí Vesturvegg, sem starfrækt
hefur verið síðan árið 2003.
„Á jarðhæðinni sýna Pétur Már og
Kristján verk sem eru undir áhrifum
frá sögunni um William Tell, en hann
skaut ör í epli á höfði ungs sonar síns
sem varð aftur kveikjan að skilgrein-
ingu Ísaks Newton á þeim öflum sem
eru að verki í þyngdarlögmálinu,“
útskýrir Hildigunnur.
„Listamennirnir höfðu sterk áhrif
hvor á annan í verkum sínum sem
eru fyrir vikið nátengd, en sú stefna
var sett þetta árið að setja alltaf upp
sameiginlega sýningu tveggja lista-
manna,“ heldur Hildigunnur áfram.
Hildigunnur bætir við að sýning-
in á efri hæð hússins sé ekki síður
áhugaverð en þar sýna Guðný Rósa
Ingimarsdóttir og Gauthier Hubert.
„Guðný er með teikningar og mál-
verk en Gauthier með teikningar og
innsetningar, þrívíð skúlptúrverk
sem eru eingöngu sett upp fyrir
þessa sýningu,“ segir hún.
„Verk Guðnýjar eru óræðin og
óhlutbundin en hún nýtir form,
lögun og liti til að koma því sem
erfitt er að segja með orðum í orð,
ef svo má að orði komast,“ segir
Hildigunnur.
„Gauthier er mjög pólitískur með
myndir sem tilheyra syrpu af verk-
um sem hann hófst handa við árið
2004 og mun ljúka innan tveggja
ára,“ segir Hildigunnur. „Það er ein-
staklega gaman að sjá hvernig þau
blanda verkunum sínum saman. Nú
er bara um að gera að kíkja við í
galleríið, sem er til húsa í menning-
armiðstöðinni Skaftfelli.“ - rve
Þyngdarlögmál Newtons að verki
Í Gallerí Vesturvegg á Seyðisfirði stendur yfir sýning á verkum Péturs Más Gunnars-
sonar og Kristjáns Loðmfjörð sem sækja efnivið sinn til sögunnar um William Tell og
Ísak Newton.
Verk Péturs Más Gunnarssonar og Kristjáns Loðmfjörð eru undir sterkum áhrifum frá
sögunni um William Tell, sem setti líf sonar síns í hættu þegar hann skaut ör í epli á höfði
hans. MYND/SKAFTFELL
Á efri hæð hússins er stórskemmtileg
sýning á verkum Guðnýjar Rósu Ingimars-
dóttur og Gauthiers Hubert. MYND/SKAFTFELL
Stór boli, kallaður Guttormur, málaður á vegg sýningasalarins, lítur yfir þrjár teikningar sem
horfa á hann. Hver þessara teikninga lýsir vilja til að öðlast ógnarkraft, án þess að ná settu
marki. MYND/SKAFTFELL