Fréttablaðið - 07.09.2006, Qupperneq 52

■■■■ { austurland } ■■■■■■■■■■■■■■■■■■■■■■■■■■■■■■■■■■■■■■■■■■■■■■■10
„Við erum að vinna við að markaðs-
setja Djúpavog og nágrenni hans
fyrir hinn sífellt stækkandi hóp
fuglaáhugamanna og þá ekki síst
erlenda ferðamenn. Við settum
af stað þriggja ára verkefni, sem
hófst síðasta haust í samstarfi við
Útflutningsráð, þar sem við vorum
með verkefnisstjóra til þess að vinna
gagngert að þessu,“ segir Andrés og
bætir við að markmiðið hafi sömu-
leiðis verið að skapa Djúpavogi
vissa sérstöðu í ferðamannaiðnað-
inum.
Nýlega voru sett upp þrjú skilti
í kringum Djúpavog sem sýna
nokkrar af helstu fuglategundum í
nágrenni þorpsins, en þó ekki nærri
því allar því að sögn Andrésar er
Berufjörður eitt mesta fuglalífs-
svæði á Íslandi. Þá er fram undan
að setja upp glæsilegt fuglaskoð-
unarskýli til þess að þjónusta betur
þá sem koma á Djúpavog. „Það er
afskaplega ríkt af fugli hérna, það
er til dæmis ekki óalgengt að sjá
tíu til tólf tegundir af öndum auk
fjölda flækinga á sama staðnum,“
segir hann.
„Djúpivogur liggur þannig land-
fræðilega að fuglarnir koma fyrst
hingað og fara héðan seinastir svo
það eru gríðarlega góð tækifæri
til þess að lengja ferðamannatím-
ann frá apríl og út september með
þessum hætti. Það er það sem við
viljum endilega gera með þessu
verkefni enda eru haustin og vorin
frábær tími til fuglaskoðunar.“
Andrés segir Papey einnig hafa
verið að sækja verulega í sig veðrið
meðal fuglaáhugamanna enda séu
fastar ferðir með ferju þangað yfir
sumartímann. „Við höfum orðið
vör við aukinn áhuga eftir að mark-
aðssetningin fór af stað. Við fram-
leiddum líka sérstakan bækling þar
sem fólk sér upplýsingar um nokkra
helstu fuglana og svo getur það
merkt við hjá sér hvaða fugla það
telur sig hafa séð. Loks skilar það
bæklingnum til okkar og þá er það
komið í happdrættispott.“ - vör
vefsíða: www.birds.is
Svæði ríkt af fuglalífi
Andrés Skúlason vinnur um þessar mundir að því að markaðssetja næsta nágrenni við
Djúpavog fyrir fuglaskoðara hvaðanæva úr heiminum.
Í kringum Djúpavog er eitt mesta fuglalífssvæði landsins. Hér spókar bláönd sig um á svæðinu. MYNDIR/BIRDS.IS
550 5000
AUGLÝSINGASÍMI