Fréttablaðið - 07.09.2006, Side 80

7. september 2006 FIMMTUDAGUR44
maturogvin@frettabladid.is
Í MATINN
Hvaða matar gætir þú síst
verið án? Ég held að ég gæti
allra síst verið án mjólkur, hún
er bara svo góð.
Besta máltíð sem þú hefur
fengið? Máltíð sem meðleigj-
andi minn í Mílanó útbjó í félagi
við mömmu sína á afmælisdag-
inn sinn. Ekta margréttuð ofur-
máltíð þar sem aðalrétturinn var
ofnréttur með djúpsteiktu egg-
aldini eða Parmigiana á móður-
málinu. Mamman gerði sér sér-
staka ferð frá Suður-Ítalíu til að
koma með efnivið í máltíðina
og taka þátt í eldamennskunni.
Útkoman var algjör snilld.
Er einhver matur sem þér
finnst vera vondur? Já, sumt er
bara vont en þeim fæðutegund-
um sem ég borða ekki fer fækk-
andi með árunum. Mér finnst
reyndar majónes alveg hrikalega
vont og allt sem er með majón-
esi í borða ég helst ekki.
Leyndarmál úr eldhússkápn-
um? Var að koma frá Ítalíu
og ég á því mörg kíló af ekta
parmesanosti inni í skáp sem
mér finnst ómissandi í góða
matargerð.
Hvað borðar þú til að láta þér
líða betur? Hafragraut með
köldu slátri og mikilli mjólk.
Besti matur sem ég fæ en nauð-
synlegt er að hafragrauturinn sé
þykkur, annars gerir hann ekk-
ert gagn.
Hvað áttu alltaf til í ísskápn-
um? Ég reyni alltaf að eiga ost
og gúrku og brauð í frystin-
um enda mikill aðdáandi
ristaðs brauðs með osti
og gúrku.
Ef þú yrðir föst á eyði-
eyju, hvaða mat tæk-
irðu með þér? Ég mundi
taka mömmu hennar
Federicu sem bjó með
mér á Ítalíu af því að ég
er nokkuð viss um að ekta
ítölsk húsmóðir gæti auð-
veldlega lifað á landinu og
töfrað fram snilldarmat
í hvert mál með því
sem eyjan hefði upp
á að bjóða.
MATGÆÐINGURINN: EYRÚN MAGNÚSDÓTTIR FYRRVERANDI FRÉTTAKONA Í KASTLJÓSINU
Hafragrautur með slátri kemur skapinu í lag
> Prófaðu
... hveitigrasstaupið í
Heilsuhúsinu. Staupið
er stútfullt af vítamínum
og steinefnum sem hreinsa blóðið og
kemur skapinu í lag. Einnig er hægt
að bæta engiferrót út í til að fá auka
bragð og koma í veg fyrir kvef.
Á þessum árstíma fer
slen og þreyta að gera
vart við sig hjá þjóðinni
með lækkandi sól. Flest-
ir kannast við það að vera geispandi
fram eftir morgni þegar haustið
gengur í garð og margir hverjir þurfa
oftar að taka sér kríublund eftir lang-
an vinnudag. Við spurðum Sigrúnu
Magnúsdóttur, verslunarstjóra í
Heilsuhúsinu, hvað landsmenn ættu
að gera til að koma í veg fyrir vaxandi
þreytu með lækkandi sól.
„Ég mæli fyrst og fremst með C-
vítamíni. Það ættu allir að taka góðan
skammt af þeim á hverjum einasta
morgni enda styrkir það ónæmis-
kerfið og er mjög ríkt af andoxunar-
efnum,“ segir Sigrún og bætir því við
að að það sé gott að auka skammt-
inn af c-vítamíni til að koma í veg
fyrir veirusýkingar sem liggja alltaf á
landsmönnum á veturna. Einnig segir
Sigrún að hvítlaukshylki séu rosalega
vinsæl og í Heilsuhúsinu eru til lyktar-
laus hylki sem er góður plús enda er
hvítlaukslykt úr munni ekkert sérstak-
lega vinsæl. Grænt te og Spirúlína
séu einnig góðar lausnir fyrir skóla-
fólk enda eykur það einbeitingu og
gefur aukinn kraft.
„Útivera er einnig besta lausnin
gegn þreytu og sleni og það er svo
skrítið hvað fólk virðist vera hrætt
við að vera úti á haustin og veturna.
Rigningin er ekkert hættuleg.“ Sigrún
segir að frískt loft sé besta meðalið
gegn þreytu. Berjatínsla á haustin sé
einnig mjög góð vegna útiverunnar
og svo færðu ekki betri efni en þau
sem fyrirfinnast í berjum.
C-vítamín best gegn þreytu
Höskuldi Eiríkssyni, lög-
fræðingi hjá Logos og fyrir-
liða fótboltaliðs Víkings, er
margt til lista lagt og eitt af
því er eldamennska. Hann
segist þó láta kærustu sína
um allt dúllerí eins og hann
orðar það og sér sjálfur
um grófu og karlmannlegu
hlutina eins og að grilla og
krydda kjötið.
„Ég er eiginlega alltaf á æfingum
í matartímanum þannig að mér
gefst ekki mikill tími til að æfa
mig í eldamennskunni,“ segir
Höskuldur en bætir því þó við að
þetta standi allt saman til bóta og
að hann vilji læra meira og gefa
sér góðan tíma í eldhúsinu.
Höskuldur segir að Freyja unn-
usta hans sé afbragðskokkur og að
hún stjórni eiginlega eldhúsinu en
þegar frí er á æfingum eða um
helgar reyni hann að láta til sín
taka og langoftast verða kjúkl-
ingaréttir fyrir valinu.
„Þessi uppskrift er í miklu
uppáhaldi hjá mér en ég get þó
ekki eignað mér heiðurinn af
henni. Ég fékk hana í gegnum
fjölskyldu Freyju en hún birtist
fyrir mörgum árum í Morgun-
blaðinu í viðtali við Snæfríði Þóru
Egilson.“ Rétturinn ber nafnið
Mexíkóskur Enchilada kjúklinga-
réttur og uppskriftin er svohljóð-
andi:
HRÁEFNI:
2 msk. ólífuolía
1 laukur, saxaður smátt
2-3 hvítlauksrif
3 græn chilipiparaldin, fræ-
hreinsuð og fínsöxuð
1 msk. ferskur kóríander, saxað-
ur smátt
1 dós niðursoðnir tómatar
1-2 msk. tómatmauk
salt og pipar
250 g soðinn kjúklingur
250 g rifinn ostur
250 g kotasæla
12 hveititortillur
Aðferð
Hitið ofninn í 200 gráður og smyrj-
ið grunnt eldfast mót. Hitið olíuna
á pönnu og steikið lauk og hvítlauk
í 5-10 mín eða þar til hann mýkist
án þess að brúnast. Bætið við chili-
pipar og kóríander og síðan tómöt-
um og tómatmauki ásamt salti og
pipar. Látið hræruna krauma í 20
mín. Blandið saman smátt skornu
kjúklingakjöti, osti og kotasælu og
setjið í skál. Fyllið tortillurnar
með blöndunni, vefjið up og raðið
þétt á fatið með samskeytin niður.
Hellið tómathrærunni yfir tortill-
urnar, setjið álpappír yfr fatið og
bakið í 30 mín. Takið þá álpappír-
inn af fatinu og bakið í 15 mín. í
viðbót. Skreytið réttinn með söx-
uðum kóríander og berið fram
heitan. Nauðsynlegt er að hafa
kröftugt grænmetissalat með rétt-
inum.
Höskuldur segist þó vera mikill
lambalærismaður og fær hann sér
það á vel völdum tækifærum.
Hann segir að þau skötuhjúin séu
dugleg að bjóða góðum vinum í
mat og velji þá oftast lambalæri
enda er það þekktur hátíðismatur.
„Eftir að við eignuðumst okkar
fyrsta barn, Ragnheiði Völu, fórum
við að hugsa meira um að hafa fjöl-
breytt mataræði og eldum til
dæmis mun oftar fisk núna,“ segir
Höskuldur. Hann segist treysta
Freyju mjög vel í eldhúsinu enda sé
hún með mjög frjótt ímyndunarafl
og reynir hann að fylgjast með
henni við störf til að læra. „Ég á
ennþá margt ólært í eldamennsku
og vonandi í framtíðinni get ég
farið að elda meira enda er ég ann-
álaður áhugamaður um mat,“ segir
þessi ungi og efnilegi lögfræðingur
og fótboltamaður að lokum.
Mikill áhugamaður um
mat og eldamennsku
HÖSKULDUR EIRÍKSSON Er margt annað til lista lagt en að sparka í bolta og hér deilir
hann með lesendum góðri uppskrift að mexíkóskum kjúklingarétti. FRÉTTABLAÐIÐ/HÖRÐUR
ÞRÚGUR GLEÐINNAR
> EINAR LOGI VIGNISSON
Í vikunni neitaði Arnold Schwarzenegger, ríkisstjóri í Kaliforníu, að
skrifa undir frumvarp um að þrúgan zinfandel yrði opinber þrúga
ríkisins og merkja mætti vínin sem „söguleg vín Kaliforníu“. „Það
væri skaði“ sagði ríkisstjórinn í yfirlýsingu sem fylgdi höfnuninni,
„að gera með þessu lítið úr öðrum þrúgum. Kalifornía framleiðir
sum albestu vín í heimi, hvort sem það er cabernet frá Napa eða
Sonoma, fínlegt pinot noir frá Central Coast eða zinfandel úr San
Joaquin-dalnum eða hlíðum Sierra-fjallanna. Vín frá Kaliforníu
hafa veitt rithöfundum og listamönnum innblástur og verið umfjöll-
unarefni kvikmynda sem unnið hafa til Óskarsverðlauna.”
Neitun ríkisstjórans kom ekki á óvart, hann er mikill vínáhuga-
maður og þótti þessi tillaga þingkonunnar Carole Midgen ódýr
brella sem kalifornísk vín þyrftu ekki á að halda. Í umræðum á vín-
síðum á vefnum hafa margir vínáhugamenn fagnað mótstöðu Tor-
tímandans austurríska við þessari tilraun Kaliforníumanna til að
eigna sér þessa bragðmiklu rauðvínsþrúgu. Bent hefur verið á að
þrúgan sé ræktuð víða um heim þótt vissulega sé Kalifornía höfuð-
héraðið og flest frægustu zinfandel-vínin þaðan. Þingkonan sjálf
stendur keik við sitt, segist drekka sódavatn fremur en zinfandel og
viðskiptaástæður fremur en vínáhugi hafi ráðið för. „Þetta átti fyrst
og fremst að vera til að vekja athygli á kalifornískum vínum. Sumir
hafa sagt að aðgerðin hefði veitt zinfandel-vínum forskot í sam-
keppni en hvað er kalifornískara en einmitt slíkt?“
Zinfandel-þrúgan hefur verið ræktuð í Kaliforníu síðan um miðja
nítjándu öld. Talið er að hún sé upprunin í Króatíu og skyld þrúg-
unni primitivo sem einkum er ræktuð á Suður-Ítalíu. Zinfandel
hefur breiðst út til fleiri vínræktunarsvæða hin síðari ár en lang-
samlega elsti vínviðurinn er í Kaliforníu og hvergi hafa vín-
bændur náð meiri leikni í ræktun þrúgunnar. Það má því
færa ákveðin rök fyrir því að kalla hana kaliforníska.
Fleira en heimspekilegur áhugi á vínum kann að spila inn í
ákvörðun Schwarzeneggers, einkum ótti við að styggja
aðra framleiðendur því þrátt fyrir útbreiðslu zinfandel er
ræktun hennar í ríkinu aðeins um tíu prósent af heildar-
framleiðslunni.
Stór og mikil vín úr zinfandel kalla á stórsteikur,
geta t.d. verið framúrskarandi með villibráð. Einfaldari
vínin eru mildari og auðdrekkanlegri og ganga því
betur með fjölbreyttum mat eða ein og sér. Fá rauðvín
eru betri með súkkulaði og jafnframt ágætur valkostur
með pinnamat.
Schwarzenegger kremur frumvarp
VERT AÐ SPÁ Í: Hér á landi hafa zinfandel-vín átt vaxandi vinsæld-
um að fagna þótt ekki séu þau áberandi í hillum vínbúðanna.
Átta rauðvín eru á boðstólum auk nokkurra rósavína eða „blush”.
VÍTAMÍN Á þessum tíma árs þarf fólk
að fara að auka inntöku vítamína
vegan veirusýkinga og þreytu sem
oftast fylgja lækkandi sól.