Fréttablaðið - 07.09.2006, Page 82

7. september 2006 FIMMTUDAGUR46
Breska hljómsveitin Arctic
Monkeys var valin besta hljóm-
sveitin á Mercury Awards sem
haldin var fyrir stuttu í Bret-
landi.
Það kom ekki mörgum á óvart
að hljómsveitin skyldi hafa hamp-
að verðlaununum en plata þeirra,
Whatever People Say I Am, That‘s
What I‘m Not, seldist upp í Bret-
landi um leið og hún kom út í
febrúar á þessu ári.
Hljómsveitin er ung að aldri
og varð mjög vinsæl áður en
fyrsta plata þeirra kom út vegna
mikils umtals í netheiminum.
Meðlimir Arctic Monkeys voru
ánægðir en hissa yfir verðlaun-
unum og þökkuðu vel fyrir sig á
afhendingakvöldinu.
Hljómsveitin hlaut auk heið-
ursins rúma tvær og hálfa millj-
ón króna í peningaverðlaun sem
strákarnir munu eflaust geta nýtt
sér vel í hinum harða heimi tón-
listarinnar.
Arctic Monkeys bestir á Mercury
ARCTIC MONKEYS Þrátt fyrir ungan aldur var þessi breska hljómsveit valinn sú besta á Mercury-verðlaunaafhendingunni fyrir stuttu.
Pönkamman Patti Smith
hélt tónleika í gær í Há-
skólabíói. Trausti Júlíusson
var meðal gesta.
Patti Smith hóf tónleikana sína í
Háskólabíói á þriðjudagskvöldið á
því að tilkynna áhorfendum að tón-
leikarnir væru hluti af nýrri árlegri
hefð. „Við spiluðum á Nasa fyrir ári
og nú erum við komin aftur. Á
næsta ári spilum við uppi á jökli,
eða kannski á staðnum þar sem
stórfyrirtækið heldur að það sé að
fara að setja niður álver ...“ Þessi
inngangur gaf tóninn fyrir kvöldið.
Patti var mjög persónuleg, dásam-
aði land og þjóð og þakkaði nokkr-
um af sínum nýju íslensku vinum
sérstaklega fyrir góðar móttökur,
en svo var hún líka hápólitísk inni á
milli.
Þetta voru órafmagnaðir tón-
leikar. Patti og gítarleikari hennar
til margra ára, Lenny Kaye, byrj-
uðu kvöldið tvö ein á sviðinu, en
eftir hlé bættist 19 ára dóttir Patti-
ar, Jesse, við á hljómborð. Tónleik-
arnir fóru frekar stirðlega af stað,
en strax eftir hlé var kominn meiri
kraftur í þá. Patti tók 16 lög, þar á
meðal sín frægustu lög, Because
the Night, Dancing Barefoot og
People Have the Power. Á milli laga
sagði hún sögur og afsakaði sig
fyrir að vera ekki nógu góður gítar-
leikari.
Það verður ekki hjá því komist
að bera þessa tónleika saman við
tónleikana á Nasa í fyrra. Þá mætti
Patti með fullskipaða rokkhljóm-
sveit sem gaf vel inn. Þeir tónleikar
eru á meðal bestu tónleika sem ég
hef upplifað. Tónleikarnir á þriðju-
dagskvöldið standa þeim nokkuð að
baki. Lagavalið var svipað og mörg
þessara laga voru ágætlega flutt,
en það vantar bara svo mikið í lög
eins og Redondo Beach og Because
the Night þegar trommuleikinn og
bassaleikinn vantar. Patti er frá-
bær söngkona með mikla útgeislun
og það var mjög gaman að fá að sjá
hana og heyra aftur við svona
breyttar aðstæður. Mér finnst samt
að hún mætti vinna meira með
þetta órafmagnaða form. Nota
tækifærið og brjóta þetta svolítið
upp; t.d. lesa ljóð yfir grúv eða
spuna eins og hún gerði í Seven
Ways of Going, ekki bara syngja
sömu lögin í útsetningum sem
verða alltaf lakari en með hljóm-
sveitinni.
Á heildina voru þetta ágætir tón-
leikar. Bíóið var nokkuð þéttsetið
og stemningin var frábær. Þegar á
leið var nokkuð um að ölvaðir ein-
staklingar væru með frammíköll,
en Patti tók þá á húmornum, enda
oft lent í aggressívari áhorfendum
á ferlinum. Eftir kröftugt uppklapp
tók hún lagið Gloria og hvarf svo á
braut. Ég læt mig ekki vanta þegar
Patti mætir aftur að ári.
SPENNINGUR Ingi Björn Björnsson, Mar-
grét Erla Þorláksdóttir, Harpa Flóvents-
dóttir og Þorlákur Guðmundsson voru
að vonum spennt fyrir tónleikunum.
GAMAN Á PATTI Jóhanna Friðrika Sæmundsdóttir, Ásta Dögg Jónasdóttir og Hera
Sigurðardóttir voru mættar til að sjá Patti Smith. FRÉTTABLAÐIÐ/HRÖNN
Pólitísk og persónuleg Patti Smith
LÉTU SIG EKKI VANTA Tinna Karlsdóttir,
Atli Björn Eiríksson og Þórarinn Jónsson
létu sig ekki vanta.
VINKONUR Bresku vinkonurnar Carla Jackson og Sofie Baker-Britton kíktu á tónleikana.
Á HJÓLI Ólafur Tryggvi Magnússon og
Björg Vilhjálmsdóttir komu hjólandi á
tónleikana.
PATTI SMITH Í heildina séð ágætir tónleikar. Þeir fóru rólega af stað en eftir hlé var
kominn meiri kraftur í þá. FRÉTTABLAÐIÐ/HRÖNN
Stórtónleikar verða haldnir í Iðnó
annað kvöld. Fram koma Apparat
Organ Quartet, Flís, Benni Hemm
Hemm, Paul Lydon og Kira Kira,
ásamt Hilmari Jenssyni.
Tónleikarnir eru haldnir í til-
efni af fyrirhugaðri ferð þessara
tónlistarmanna til Japans dagana
27. nóvember til 7. desember.
„Japanir eru þekktir fyrir að
hafa áhuga á ótrúlegustu hlutum,
til dæmis ganga þarna gamlar
Óðmannaplötur kaupum og sölum.
Við erum dálítið spenntir yfir að
komast loksins þangað og kynnast
landi og þjóð og sjá hvernig tón-
listin fer í þá,“ segir Úlfur Eld-
járn, meðlimur Apparats, um för-
ina til Japans. „Þetta er merkilegt
fyrir okkur í Apparat. Við erum
miklir áhugamenn um rafmagns-
hljóðfæri, sérstaklega gömul, og
höfum átt mikil viðskipti við
Yamaha. Þetta er hálfgerð píla-
grímsferð fyrir okkur líka,“ segir
hann. Ætla þeir félagar meðal ann-
ars að heimsækja höfuðstöðvar
Yamaha í Tókýó og kynnast starf-
seminni þar.
Iðnó opnar klukkan 22.00 annað
kvöld og er miðaverðið 1.200 krón-
ur í forsölu en 1.500 krónur við
inngang. Forsala fer fram í versl-
un 12 Tóna.
Hitað upp
í Iðnó
JAPANSFARAR Fjölmargir tónlistarmenn
eru á leiðinni til Japans í nóvember. Til
að hita upp fyrir þá för verða tónleikar á
Iðnó annað kvöld.
Kvikmyndaleikstjórinn David
Lynch fékk heiðursverðlaun á
kvikmyndahátíðinni í Feneyjum
sem nú stendur yfir.
Nýjasta mynd Lynch er jafn-
framt sýnd í Feneyjum en hún
heitir Inland Empire. Í henni ljáir
Naomi Watts meðal annars kanínu
rödd sína.
„Þegar kvikmyndir koma út er
eins og þær séu að koma í nýjan
heim, inn í hið óþekkta,“ sagði
Lynch. „Þið eigið samt ekki að
vera hrædd við að nota innsæi
ykkar og nota tilfinningarnar til
að komast í gegnum myndirnar,“
Lynch
heiðraður
DAVID LYNCH Leikstjórinn virti fékk
heiðursverðlaun í Feneyjum.
Erlendir fjölmiðlar hafa sýnt tut-
tugu ára afmæli Höfðafundarins
og komu Mikhail Gorbatsjov hing-
að til lands í október mikinn áhuga,
þar á meðal CNN og CBS.
Fjöldi blaða, tímarita og sjón-
varpsstöðva hafa sýnt afmælinu
áhuga og von er stórum hóp fjöl-
miðlamanna- og kvenna frá þess-
um miðlum og fer listinn stækk-
andi.
Undirbúningur komu Gorbat-
sjov, nóbelsverðlaunahafa, fyrr-
verandi aðalritara sovéska Komm-
únistaflokksins og leiðtoga
Sovétríkjanna, til Íslands er nú á
lokasprettinum.
Tilgangur ferðar hans hingað
er að minnast þess að hinn 12. okt-
óber eru nákvæmlega 20 ár síðan
leiðtogafundur Ronalds Reagan,
fyrrum Bandaríkjaforseta, og
Gorbatsjovs var haldinn í Höfða.
Af því tilefni mun Gorbatsjov,
sem var valinn maður níunda ára-
tugarins af tímaritinu Time, flytja
hátíðarfyrirlestur í Háskólabíó
þann sama dag.
Fyrirlesturinn er opinn öllum
og miðasala er hafin á www.conc-
ert.is, midi.is, verslunum Skífunn-
ar og BT úti á landi.
Áhugi hjá CNN
LEIÐTOGAFUNDUR
Tuttugu ár eru liðin í október síðan leið-
togafundurinn var haldinn í Höfða.