Fréttablaðið - 31.10.2006, Síða 8

8 31. október 2006 ÞRIÐJUDAGUR
Veistu sVarið?
1 Hversu margir börðu
trumbur til þess að slá heims-
met í slíkum gjörningi á Ind-
landi um helgina?
2 Hvaða fyrrverandi forseta-
frambjóðandi lýsti yfir ánægju
sinni með friðarsúlu Yoko Ono í
Fréttablaðinu í gær?
3 Íslensk landsliðskona varð
þriðja markahæst í sænsku
úrvalsdeildakeppninni í knatt-
spyrnu sem lauk á sunnudag.
Hvað heitir hún?
sVörin eru á bls. 46
LÖGREGLUMÁL Tæplega þrítug kona leggur í dag
fram kæru vegna tilraunar til nauðgunar á
skemmtistaðnum Viktor í Hafnarstræti í
Reykjavík aðfaranótt sunnudags. Eiginmaður
hennar mun einnig leggja fram kæru vegna
meiðsla sem hann varð fyrir þegar hópslags-
mál brutust út.
Hjónin voru nýkomin inn á skemmtistaðinn
og konan brá sér á salerni sem er á fyrstu hæð
skemmtistaðarins. Það er ætlað fyrir fatlað
fólk, en á efri hæð eru karla- og kvennasalerni.
Lásinn á umræddu salerni var bilaður. Næst
gerðist það að fjóra karlmenn bar að og
hugðust þeir nota salernið. Konan hélt þá við
hurðina þannig að þeir gátu ekki opnað hana
umsvifalaust. Einn mannanna beitti þá afli,
þeytti upp hurðinni og ruddist inn. Hann hafði
á orði við konuna að hann ætlaði að koma fram
vilja sínum við hana og hafa við hana samfarir.
Maðurinn hóf að toga buxurnar niður um
konuna, sem þá féll í gólfið og hrópaði á hjálp.
Maður hennar heyrði hrópin og vildi komast
inn til hennar. Hófust þá stympingar sem
enduðu með hópslagsmálum þar sem fleiri
komu við sögu.
Lögregla og dyraverðir skárust í leikinn og
tókst þeim að binda enda á slagsmálin. Tíu
karlmenn voru handteknir, fluttir á lögreglu-
stöð og yfirheyrðir þar. Þetta voru átta
Pólverjar og tveir Litháar sem allir eru
búsettir hér á landi.
Maðurinn slasaðist í átökunum; hlaut skurði
í andliti auk þess sem tennur brotnuðu úr
honum. Hann var fluttur á slysa- og bráðadeild
en konan fékk aðhlynningu á neyðarmóttöku
slysadeildar.
Mönnunum var öllum sleppt eftir yfir-
heyrslur hjá lögreglu sem stóðu fram eftir
sunnudeginum. Ekki er vitað til þess að þeir
hafi slasast í átökunum. Hjónin eru að sögn
miður sín eftir atburðinn en þau munu legga
fram kæru í dag vegna hans hjá lögreglunni í
Reykjavík eins og áður sagði. jss@frettabladid.is
Veitingastaðurinn Viktor Það var á neðri hæð
skemmtistaðarins Viktors sem atburðurinn átti sér stað,
en þar brutust út hópslagsmál eftir að konan hafði
kallað á hjálp.
Kæra nauðgunartilraun
Hjón leggja fram kærur hjá lögreglunni í Reykjavík í dag vegna nauðgunartilraunar og líkamsárásar að-
faranótt sunnudags. Atburðurinn átti sér stað á veitingastaðnum Viktor í Reykjavík.
SvíÞJóÐ Tveir bræður fundu stór-
an fjársjóð frá víkingatímum á
Suður-Gautlandi, nærri Sundre-
kirkju, í síðustu viku, kom fram á
fréttavef Dagens Nyheter í gær.
Að sögn sérfræðinga er um að
ræða þrjú kíló af silfurpeningum,
líklega frá tíundu öld.
„Þegar ég sá þetta hugsaði ég,
„Vá.“ Ég sá að þetta var arabísk
silfurmynt svo ég skildi strax að
það var eitthvað í þessu,“ sagði
Edvin Svanborg, tvítugur sagn-
fræðinemi, en hann og sautján ára
bróðir hans, Arvid, voru að ryðja
land fyrir nágranna sinn þegar
þeir rákust á peningana.
„Við grófum upp 129 eða 130
peninga á hálftíma,“ sagði Edvin.
Bræðurnir fóru með fjársjóð-
inn til landeigandans og saman til-
kynntu þeir svo fundinn til yfir-
valda, sem tóku svo við
uppgreftrinum. Enn sem komið er
hafa fundist um 1.100 peningar og
nokkur armbönd. Munirnir eru
flestir í nokkuð góðu ástandi, jafn-
vel þó að kanínur hafi reynt að
gæða sér á nokkrum peningum,
segir í frétt sænska blaðsins.
Svanborg-bræðurnir munu fá
fundarlaun frá sænska ríkinu, en
hversu há sú upphæð verður vita
þeir ekki fyrr en uppgreftrinum
lýkur og ljóst er hversu stór fjár-
sjóðurinn er. - smk
Ungir bræður finna víkingafjársjóð á Gautlandi:
Þrjú kíló af silfurpeningum
Víkingaskip Þeir hafa kannski ferðast
á svona skipi, víkingarnir sem áttu
fjársjóðinn sem fannst í Gautlandi í
síðustu viku.
OAxAcA, AP Alríkislögreglan í Mex-
íkó náði í gær miðborginni í Oaxaca
á sitt vald og ruddi burt kennurum
og öðrum mótmælendum sem hafa
hafst þar við undanfarna fimm
mánuði.
Stjórn landsins ákvað að senda
lögreglusveitirnar á vettvang eftir
að kennarar höfðu fallist á að hefja
störf á ný, en í gær var óvíst hvort
kennsla myndi hefjast eða hvort
nærvera lögreglunnar myndi tefja
fyrir því.
Sumir kennarar sögðust ætla
að mæta í vinnu, en aðrir sögðust
ætla að sitja heima. Meira en ein
milljón skólabarna hefur verið án
kennslu í suðurhluta Mexíkó.
Mótmælin hófust þegar kenn-
arar í borginni Oaxaca fóru í verk-
fall síðastliðið vor. Mótmælin urðu
fljótt víðtækari þegar stjórnleys-
ingjar, stúdentar og indjánar
gengu til liðs við kennarana og
kröfðust þess að Ulises Ruiz ríkis-
stjóri segði af sér.
Vicente Fox, forseti landsins,
sem lætur af embætti 1. desem-
ber, hafnaði því jafnan að senda
lögreglu á svæðið fyrr en á
laugardaginn, þegar samið hafði
verið við kennara.
Lögreglumenn og liðsmenn
öryggissveita hafa þó stundum
skotið á mótmælendur og komið
þannig af stað átökum sem hafa
kostað að minnsta kosti átta manns
lífið. - gb
lögreglumenn í oaxaca Lögreglusveitir rýmdu miðborgina þar sem mótmælend-
ur hafa hafst við. fréttabLaðið/ap
Óeirðir í borginni Oaxaca í Mexíkó:
Lögreglan nær mið-
borginni á sitt vald
kJARAMÁL Kennarar við Digranes-
skóla krefjast þess að Kópavogur
og önnur sveitarfélög sem standa
að launanefnd sveitarfélaga
leiðrétti laun grunnskólakennara
með vísan til greinar í gildandi
kjarasamningi. Er þar kveðið á
um að meta skuli fyrir 1. sept-
ember 2006 hvort breytingar á
skólakerfinu eða almenn efna-
hags- og kjaraþróun gefi tilefni til
viðbragða.
Kennarar telja að stjórn
Kennarasambands Íslands þurfi
að beita sér af alefli og er þess
krafist að kjörin verði bætt með
hliðsjón af almennri launaþróun.
- sdg
Kennarar við Digranesskóla:
Vilja leiðrétt
laun kennara
Þrenging kalkofnsvegar
Vegna framkvæmda er Kalkofnsvegur
milli Lækjargötu og faxagötu nú ein
akrein í hvora átt í stað tveggja. Verið
er að færa nýtt frárennslisrör út fyrir
lóðamörk tónlistar- og ráðstefnuhúss.
VegaframkVæmdir
maður fórst í þyrluslysi
Einn maður týndi lífi þegar þyrla
sem hann flaug hrapaði norðan við
Katrineholm í Svíþjóð í gærmorgun.
Eldur kom upp í þyrlunni og er hún
gjörónýt. Verið er að rannsaka upptök
slyssins, en veður var gott sem og
skyggni þegar þyrlan hrapaði.
sVíÞjóð
Hauge látin
Leiðtogi norsku andspyrnuhreyf-
ingarinnar í síðari heimstyrjöldinni,
Jens Christian Hauge, lést í Osló í
gær, 91 árs að aldri. Hauge gekk í
andspyrnuhreyfinguna Milorg eftir að
Þýskaland hertók Noreg árið 1940.
noregur