Fréttablaðið - 30.11.2006, Page 39

Smáauglýsingasími
550 5000
Auglýsingasími Allt
550 5880
Þú getur pantað
smáauglýsingar á visir.is
Framúrstefnulegur stóll úr basti hefur fylgt Önnu
Kristínu frá barnæsku.
Anna Kristín Þorsteinsdóttir bjó í Noregi alla sína barn-
æsku og þar festu foreldrar hennar kaup á forláta fínum
baststól.
„Þessi svokallaði ættarstóll var keyptur í einhvers konar
norskri línu í kringum 1980,“ segir Anna. „Þá var allt svona
í furu og basti og stóllinn þótti mjög nútímalegur. Hann
fylgdi mér svo í gegnum allan uppvöxtinn og hvert sem við
fluttum fór stóllinn með. Ég var alltaf mjög hrifin af þess-
um stól og því var hann alltaf kallaður „stóllinn hennar
Önnu“. Við bróðir minn rifumst reyndar gjarna um hver
mátti sitja í honum, en ég hafði alltaf betur þar sem ég var
bæði eldri og frekari. Þegar ég svo flutti að heiman þá varð
stóllinn eftir í foreldrahúsum í Noregi, en þegar þau fluttu
aftur heim til Íslands þá fékk ég blessaðan stólinn. Um það
leiti var ég að eignast eldri son minn og það vildi svo heppi-
lega til að ég gat líka notað stólinn sem vöggu,“ segir Anna
Kristín hlæjandi og bætir því við að hún hafi síðar einnig
notað stólinn til að vagga dóttur sinni með.
„Svo þegar börnin mín urðu stærri þá tóku þau miklu
ástfóstri við þennan stól og líkt og við bróðir minn rifumst
um hver mætti sitja í honum þá gera börnin mín það í dag.
Þannig er þetta allt að endurtaka sig,“ segir Anna að lokum
glöð í bragði.
Stóllinn
hennar Önnu
Unika fyrir þig