Fréttablaðið - 30.11.2006, Qupperneq 76

Nú eru síðustu forvöð að upplifa
myndbands-sviðsetningu Kristín-
ar Helgu Káradóttur í Listasafni
ASÍ við Freyjugötu. Sýningin
nefnist „Þráðlaus tenging“ og er í
svokallaðri Gryfju listasafnsins.
Listakonan kemur sjálf fram í
stuttum myndskeiðum sem er
varpað upp í Gryfjunni. Mynd-
skeiðin eru á mörkum þess að vera
málverk, ljósmynd og kvikmynd.
Myndböndin fléttast saman við
sýningarsalinn sem umlykur þau
með mjúkum leiktjöldum. Til að
undirstrika stemninguna hefur
tónlistarmaðurinn Bjarni Guð-
mann úr hljómsveitinni Úlpu,
samið tónlist við verkin.
Mörg af fyrri myndböndum
Kristínar Helgu eru tilvistarlegs
eðlis. Þau lýsa kenndum eða
aðstæðum sem áhorfandanum
gefst kostur á að upplifa á sinn
hátt. Kristín Helga skipuleggur
sjaldnast myndbönd sín fyrirfram
heldur lætur þau ráðast í vinnu-
ferlinu. Hún vinnur út frá tilfinn-
ingunni og notar orðlausa og leik-
ræna tjáningu.
Kristín Helga útskrifaðist úr
Listaháskóla Íslands árið 2004 með
viðkomu í Listakademíunni í Kaup-
mannahöfn, sem skiptinemi. Sýn-
ingin stendur til sunnudagsins 3.
desember en safnið er opið milli
13 og 17.
Persónulegar kenndir
Kl. 20.00
Hljómsveitin Villifé heldur útgáfu-
tónleika í Tjarnarbíói. Samnefnd-
ur diskur þeirra inniheldur fjöl-
breytt lög eftir Árna Hjartarson en
þar bregður fyrir skandinavískum
fiðluvölsum, finnskum tangótakti,
pólskum polka, sveitasöngvum,
harmkvæðum og hetjuljóðum og
allt verður þetta fléttað með þjóð-
lagakenndu ívafi og tilþrifum.
Leikritið Leitin að jólunum eftir
Þorvald Þorsteinsson við tónlist
Árna Egilssonar naut mikilla vin-
sælda á fjölum Þjóðleikhússins í
fyrra en verkið hefur nú verið
tekið til sýninga á ný. Sýningin
hlaut Grímuverðlaunin sem besta
barnaleiksýning ársins í fyrra.
Tveir skrítnir og skemmtilegir
náungar taka á móti litlum leikhús-
gestum við aðalinngang Þjóðleik-
hússins. Með þeim í för eru tveir
hljóðfæraleikarar og saman leiða
þeir börnin með leik og söng um
leikhúsið. Meðal viðkomustaða eru
Kristalssalurinn, Leikhúsloftið og
Leikhúskjallarinn, auk þess sem
börnin fara um baksviðs í leikhús-
inu. Börnin ferðast inn í ævintýra-
veröld jólanna og sjá leikþætti um
jólin í gamla daga og í nútímanum.
Jólasveinavísur Jóhannesar úr
Kötlum fléttast inn í ævintýrið sem
ætti að koma öllum í sannkallað
hátíðarskap.
Leikstjóri sýningarinnar er Þór-
hallur Sigurðsson en leikarar eru
Rúnar Freyr Gíslason, Þórunn
Erna Clausen, Hrefna Hallgríms-
dóttir, Sigurður Hrannar Hjaltason
og Margrét Kaaber en þau tvö síð-
astnefndu eru nýir þátttakendur í
sýningunni sem tekur tæpa klukku-
stund.
Tónlistin úr verkinu hefur nú
verið gefin út á geisladiski sem
fæst í miðasölu Þjóðleikhússins og
í verslunum Hagkaupa.
Enn leitað að jólunum
!
Það er stutt fyrir Jón
Óskar að fara að heiman í
galleríið sem hann sýnir
jafnan í, Gallerí 101, á bak
við Alþjóðahúsið á Hverf-
isgötu. Það er lengri vegur
úr vinnustofum hans, í
Vestmannaeyjum, Kína,
South Beach í Flórída,
Skúlatúninu í Reykjavík
og Höfðahverfinu þar sem
hann hefur unnið.
Þar hefur hann unnið við nýja
hönnun á útliti tímarita Fróða
sem eitt sinn var og nú heitir
Birtingur. Myndverkin sem hann
setti upp í gær á Hverfisgötunni
koma lengra að. Verkin sem Jón
sýnir í Gallerí 101 eru dagbókar-
skissur − alls um sextíu verk
segir hann. „Dálítið stórar skiss-
ur − allt að 130 cm sinnum 70.
Þetta eru dagbókarteikningar.
Sumar eru unnar í Kína þar sem
ég er kominn með vinnustofu og
íbúð. Þær eru allar frá 2004 og
eru allar unnar á kínverskan
hríspappír, málaðar á gólfi með
þessum kínversku penslum sem
þeir nota og kínversku bleki.
Aðrar vann ég í South Beach
haustið 2005. Þær myndir eru
gerðar á ómerkilegan amerískan
pappír en málaðar með pennum
sem eru eins og túss og eru fyrir
stimpla, þeir eru með kúluhaus
eins og svitalyktareyðirinn og
gefa illa frá sér sem skapar sér-
staka áferð í teikningunni.“
Viðfangsefnin? „Allt þetta smáa,
matur, fólk, skordýr, allt þetta
góða sem er í kringum okkur og
við tökum aldrei eftir.“ Öll verk-
in á sýningunni eru til sölu. „Það
er alltaf sama góða verðið á
mínum verkum,“ segir Jón. Þessi
sýning er raunar bara tilhlaup
að stórri sýningu sem hann er
tekinn til við að undirbúa norður
á Akureyri eftir áramótin í Lista-
safninu á Akureyri. Þar verða
verk frá lengra tímabili, bæði
gömul og ný. Jafnframt hyggst
hann gefa út glanstímarit, 72
síður og prentað í vandaðri
íslenskri prentsmiðju. Það heitir
eðlilega Jón Óskar. Sýning Jóns
opnar í Gallerí 101 á morgun kl.
17.
Sigur Rós í Svasílandi