Fréttablaðið - 10.12.2006, Blaðsíða 92
Tíunda umferðin í DHL-
deild karla í handbolta verður
leikin í dag. Topplið Vals heim-
sækir Stjörnuna í Garðabæinn,
Akureyri fær Hauka í heimsókn,
botnliðin Fylkir og ÍR mætast í
Árbænum og Íslandsmeistarar
Fram taka á móti HK í Safamýr-
inni.
Leikur Fram og HK er athyglis-
verður m.a. vegna þess að þá
mætir markvörður HK Egidijus
Petkevicius sínum gömlu félögum
í Fram. Petkevicius lék með Fram
í þrjú ár en gekk í raðir HK í haust
eftir mikið þras við Safamýrarlið-
ið.
„Fyrir mér eru allir leikir sér-
stakir. Fram eru meistarar og við
lentum í smá vandræðum með þá
fyrr á þessu tímabili en ég lít ekki
á þennan leik neitt öðruvísi en aðra
leiki,“ sagði Petkevicius í samtali
við Fréttablaðið í gær. „Ég lék með
Fram í þrjú ár og spilaði alla leiki
liðsins á þeim tíma þannig að það
verður ef til vill svolítið skrítið að
spila gegn þeim.“
Petkevicius segist ekki vera
gramur yfir því hvernig ferill hans
hjá Fram endaði. „Þetta heyrir
sögunni til og ég er tilbúinn að
gleyma þessu. Nú verð ég bara að
einbeita mér að þessum leik.“
Fram hefur verið á góðu róli að
undanförnu en Petkevicius er klár
á því að HK eigi möguleika á að
sigra þá í dag. „Þeir eru með góða
leikmenn í öllum stöðum en við
verðum að spila á 100% krafti ef
við ætlum að vinna. Ef við mætum
ekki ákveðnir þá verður þetta
mjög erfitt.
Það er mjög mikilvægt fyrir
okkur að vinna þennan leik í topp-
baráttunni. Deildin er mjög jöfn
og öll stig eru mikilvæg. Eins og
staðan er í dag þá eru Fram, Valur
og HK í baráttunni um meistaratit-
ilinn og því eru öll stig í innbyrðis-
viðureignum þessara liða mjög
mikilvæg,“ sagði Petkevicius en
allir leikir dagsins hefjast klukkan
16.
Petkevicius mætir aftur í Safamýrina
Ellefu ára ferill Allens Iver-
son hjá Philadelphia 76ers virðist
vera á enda eftir að hann var ekki
í hópnum þegar liðið tapaði fyrir
Washington Wizards í fyrrinótt,
113-98. Iverson fór fram á það
fyrr í vikunni að fara frá Phila-
delphia.
Iverson gaf frá sér yfirlýsingu
vegna málsins þar sem fram
kemur að hann búist við því að
yfirgefa Philadelphia. „Eins erf-
itt og það er að viðurkenna það,
þá er breyting sennilega það
besta fyrir alla aðila. Mér leiðist
að segja þetta af því að mér þykir
vænt um strákana í liðinu og mér
þykir vænt um borgina, Phila-
delphia. Mig langaði virkilega til
að enda ferilinn hjá Philadelp-
hia.“
Ed Snider, stjórnarmaður hjá
Philadelphia 76ers, sagði að Iver-
son væri líklega búinn að spila
sinn síðasta leik fyrir félagið.
„Við ætlum að láta hann fara.
Stundum kemur maður að þeim
tímapunkti þar sem maður verð-
ur að viðurkenna að samstarfið er
ekki að virka. Iverson vill fara og
við erum tilbúnir að láta hann
fara,“ sagði Snider.
Sögusagnir herma að Iverson
sé á leið til Minnesota Timber-
wolves og Kevin Garnett, stærsta
stjarna Minnesota-liðsins, segist
vilja fá Iverson til liðsins. „Endi-
lega, ég elska Iverson. Við munum
taka á móti honum með opnum
örmum. Hvar er Kevin McHale?“
sagði Garnett og átti þar við fram-
kvæmdastjóra Minnesota-liðsins
og fyrrum stjörnu Boston Celtics.
Allen Iverson að yfirgefa Philadelphia?
Rafa Benítez, knatt-
spyrnustjóri Liverpool, segist alls
ekki hræðast aukna pressu sem
kæmi í kjölfarið á yfirtöku á
félaginu. Viðræður standa enn
yfir um yfirtöku Dubai Inter-
national Capital sem er í eigu
Sheikh Mohammed bin Rashid Al
Maktoum frá Dubai. Þessi
hugsanlega eigendabreyting mun
gera það að verkum að Liverpool
getur farið að keppa við lið eins
og Chelsea á leikmannamarkaðn-
um.
„Ég vil vinna allar keppnir,
þannig pressa á að vera til staðar.
Augljóslega verður lið betra með
aukinni samkeppni innan þess, ef
leikmenn vita það að þeir þurfa
að leggja sig fram til að halda
sæti sínu. Öll lið sem eru í
fremstu röð vilja styrkja sig, við
höfum samkeppnishæft lið við þá
bestu ef allir leikmenn eru heilir
heilsu en breiddin er ekki
nægilega mikil,“ sagði Benítez.
Tekur aukinni
pressu fagnandi
Gary Speed varð í gær
fyrsti leikmaöurinn til að ná 500
leikjum í úrvalsdeildinni en hann
hefur ekki í hyggju að leggja
skóna á hilluna í bráð. Speed
hefur spilað fyrir Leeds, Everton,
Newcastle og nú Bolton Wander-
ers en leikurinn gegn West Ham í
gær var númer 500 hjá honum.
„Margir hafa sagt mér að
halda áfram að spila eins lengi og
ég sé fær um það. Meðan
líkaminn leyfir og ánægjan er til
staðar þá mun ég halda áfram,“
sagði Speed.
Sam Allardyce, knattspyrnu-
stjóri Bolton, segir það mikinn
heiður að fá að vinna með hinum
37 ára Wales-verja. „Leikmenn á
hans aldri sem eru enn að spila
nota reynsluna til að halda áfram.
Hann er í það góðu líkamlegu
formi að hann þarf þess ekki.
Hann er góð fyrirmynd og getur
vel spilað í þessari deild í tvö til
þrjú ár í viðbót, jafnvel lengur,“
sagði Allardyce.
Speed varð enskur meistari
með Leeds á sínum tíma.
Er ekkert á því
að hætta strax
Liverpool virðist vera að
vakna til lífsins í ensku úrvals-
deildinni en liðið vann 4-0 sigur
gegn Fulham á heimavelli sínum í
gær. Brian McBride fékk besta
færið í fyrri hálfleik fyrir gestina
en í þeim síðari voru yfirburðir
Liverpool algjörir. Ísinn var brot-
inn á 53. mínútu þegar Liverpool
fékk dæmda vítaspyrnu. Fyrirlið-
inn Steven Gerrard fór á punkt-
inn, Jan Lastuvka varði spyrnuna
en Gerrard fylgdi vel á eftir og
skoraði. Af öllum mönnum skor-
aði Jamie Carragher næsta mark
en þetta var hans fyrsta deildar-
mark síðan í janúar 1999. Luis
Garcia skallaði boltann laglega í
netið og kom Liverpool þremur
mörkum yfir eftir fyrirgjöf frá
varnarmanninum Daniel Agger
en það var síðan Mark Gonzalez
sem innsiglaði sigurinn í viðbót-
artíma með marki úr auka-
spyrnu.
„Áhorfendur skemmtu sér
konunglega, við skoruðum fjögur
mörk og héldum aftur hreinu. Við
stjórnuðum leiknum í fyrri hálf-
leik en tókst ekki að skora, ég
sagði við leikmenn mína í hálfleik
að halda áfram af sama krafti og
við myndum ná að skora. Um leið
og við náðum því fyrsta inn varð
þetta auðveldara. Það var ánægju-
legt að sjá Carra skora og það var
laglegt mark, hann er snjall leik-
maður og les leikinn vel. Hans
fyrsta mark á þessari öld!“ sagði
Rafa Benítez, knattspyrnustjóri
Liverpool. „Við hugsum ekkert
um töfluna heldur reynum að
halda okkar striki og sjáum hvað
það skilar okkur eftir tvo mán-
uði.“ Heiðar Helguson kom inn
sem varamaður í liði Fulham á
lokamínútunni.
Búlgarski sóknarmaðurinn
Dimitar Berbatov er að vinna sig
inn í hug og hjörtu stuðnings-
manna Tottenham en hann skor-
aði tvö mörk í 5-1 sigri liðsins á
Charlton. Jafnræði var með liðun-
um þar til Berbatov skoraði eftir
hálftíma leik eftir sendingu frá
Aaron Lennon. Aðeins tveimur
mínútum síðar bætti Teemu Tain-
io við marki en sjálfsmark
Michaels Dawson fyrir hálfleik
gerði það að verkum að Totten-
ham hafði aðeins eins marks for-
skot í hálfleik. Í seinni hálfleik
skoraði Steed Malbranque sitt
fyrsta mark fyrir Tottenham og
Berbatov skoraði sitt annað mark
í leiknum en hann hefur nú náð að
skora fimm mörk í fimm leikjum.
Martin Jol, stjóri Tottenham,
var að sjálfsögðu hæstánægður
með sigur sinna manna. „Berbat-
ov aðlagast leikstíl okkar betur og
betur. Ég er sérstaklega ánægður
með vinnusemina hjá honum. Það
er ekki langt í liðin þarna fyrir
ofan okkur á töflunni, efstu liðin
eru ekki líkleg til að tapa mörgum
stigum en við ætlum að leggja
okkur fram og stefnum sem hæst.
Framundan er erfiður kafli á leik-
tímabilinu og ljóst að við þurfum
að bæta árangur okkur á útivöll-
um til að ná okkar markmiðum,“
sagði Jol.
Charlton er í slæmum málum í
næstneðsta sæti deildarinnar en
Hermann Hreiðarsson lék allan
leikinn fyrir liðið en átti ekki
góðan leik eins og oft áður á tíma-
bilinu. „Allt sem við gerðum rétt í
leiknum gegn Blackburn á mið-
vikudaginn gerðum við vitlaust í
þessum leik. En liðsandinn er enn
til staðar og við vitum hvað við
þurfum að bæta,“ sagði stjóri
Charlton, Les Reed. Charlton
hefur stigi meira en Watford sem
gerði markalaust jafntefli gegn
Reading í gær. Ívar Ingimarsson
lék allan leikinn fyrir Reading en
Brynjar Björn Gunnarsson sat
hins vegar á bekknum allan tím-
ann.
Spútniklið deildarinnar, Port-
smouth, vann 2-0 sigur á Everton
og er í þriðja sæti. Fyrra mark
liðsins var magnað en það skoraði
Matthew Taylor þegar hann tók
boltann á lofti við miðjubogann,
og flaug boltinn yfir Tim Howard,
markvörð Everton, og söng í net-
inu. Klárlega eitt af mörkum árs-
ins í Evrópufótboltanum og algjört
draumamark knattspyrnumanns-
ins. Meðal annarra úrslita í gær
má nefna að Newcastle vann 3-1
sigur á Blackburn á útivelli þar
sem Obafemi Martins skoraði tví-
vegis.
Eftir markalausan fyrri hálfleik héldu Liverpool-mönnum engin bönd í þeim síðari gegn Fulham og unnu
þeir 4-0 sigur. Tottenham var einnig í miklum ham gegn lánlausum Charlton-mönnum og vann 5-1 sigur.