Fréttablaðið - 24.12.2006, Qupperneq 2
Fréttablaðið kemur næst út
miðvikudaginn 27. desember.
Móttaka Fréttablaðsins er
lokuð í dag, á jóladag og annan í
jólum en opið verður aftur á
miðvikudag. Smáauglýsingadeild-
in er lokuð á sama tíma og verður
opnuð aftur klukkan átta á
miðvikudagsmorgni.
Kemur næst út
á miðvikudag
Skrifað var í gær
undir samning um að skipasmíða-
fyrirtækið ASMAR í Chile myndi
smíða nýtt varðskip fyrir íslensk
stjórnvöld. Björn Bjarnason
dómsmálaráðherra, Árni Mathie-
sen fjármálaráðherra og Carlos
Fanta de la Vega, forstjóri
ASMAR, skrifuðu undir samning
þess efnis í gær.
Varðskipið verður öflugra og
betur búið en varðskipin sem eru
fyrir, Ægir og Týr. Það verður 93
metra langt, sextán metrar á
breidd og samtals 4.000 brúttó-
tonn.
Skipið verður hannað af Rolls
Royce í Noregi auk þess sem
aðalvélar skipsins verða frá Rolls
Royce.
Heildarkostnaður vegna
skipasmíðinnar nemur 29,4
milljónum evra eða rúmum 2,6
milljörðum króna. Skipið verður
tilbúið um mitt ár 2009.
Verður tilbúið
um mitt ár 2009
Á bilinu 1.600 til
1.700 manns sóttu um aðstoð
Hjálparstarfs kirkjunnar og
Mæðrastyrksnefndar um þessi
jól, að sögn Jónasar Þóris Þóris-
sonar, framkvæmdastjóra Hjálp-
arstarfs kirkjunnar. Að baki hverri
umsókn eru þó að meðaltali 2,4
einstaklingar. Samtökin hafa unnið
saman undanfarið og auk þess
leggur Reykjavíkurdeild Rauða
krossins þeim lið. Þórir segir það
aukningu um 150 til 200 umsóknir
síðan í fyrra.
Ragnhildur G. Guðmundsdótt-
ir, formaður Mæðrastyrksnefnd-
ar, segist sjá sömu andlitin ár eftir
ár. „En það eru alltof margir nýir
sem bætast við. Þeir hópar sem
bætast við eru helst eldri borgar-
ar, öryrkjar og ungt fólk sem er að
hefja búskap. Fólk sem þarf að
lifa á 100 þúsund krónum á mán-
uði getur ekki tekið þátt í lífs-
gæðakapphlaupinu og mér finnst
misskiptingin í þjóðfélaginu orðin
gríðarleg.“
Vilborg Oddsdóttir, félagsráð-
gjafi hjá Hjálparstarfi kirkjunnar,
tekur í sama streng. „Það hefur auk-
ist að ellilífeyrisþegar leiti aðstoðar
okkar og erlendir verkamenn eru
einnig nýr hópur sem leitar sér
aðstoðar þótt hann sé ekki stór.“
Fjölskylduhjálpin veitti fimm
hundruð fjölskyldum aðstoð fyrir
þessi jól og var hópur nýrra styrk-
þega þó nokkur. Ásgerður Jóna
Flosadóttir, formaður Fjölskyldu-
hjálparinnar, segir mest áberandi
hópana vera ungar einstæðar
mæður á örorkubótum, erlenda
verkamenn og forsjárlausa ein-
hleypa karlmenn.
„Vegna þess fjölda sem leitaði
aðstoðar fyrir þessi jól var brugð-
ið á það ráð að reisa tjald einn
úthlutunardaginn en þann dag
leituðu yfir 200 manns aðstoðar
okkar. Það var Theódóra Þor-
steinsdóttir markaðsstjóri Smára-
lindar sem tók tjaldið á leigu og
lét koma því upp.“
Nú geta fyrirtæki og einstakl-
ingar styrkt fjölskyldur með
milligöngu Fjölskylduhjálparinn-
ar en þetta er nýtt verkefni sem
kallast Hjartagjöf. Ásgerður
segir verkefnið felast í því að
Fjölskylduhjálpin sjái um að
finna fjölskyldu og tengja hana
styrkþega. „Verkefnið fer vel á
stað og fyrir skömmu ákvað eitt
fyrirtæki að styrkja fjölskyldu
um 75 þúsund krónur sem kom
sér afskaplega vel.“
Ríflega tvö þúsund
leituðu aðstoðar
Hjálparstofnunum bárust rúmlega 2.000 umsóknir fyrir þessi jól og er það
nokkur aukning frá því í fyrra. Að baki hverri umsókn eru að meðaltali 2,4 ein-
staklingar. Talsvert fleiri ellilífeyrisþegar leita aðstoðar nú en áður.
Stærsta hljómplötufyrirtæki í
heimi, Universal, hefur lýst yfir áhuga á að
semja við Garðar Thór Cortes óperusöngv-
ara um útgáfu í Bretlandi og um allan heim.
Forstjóri Universal Classic & jazz í
Bretlandi hefur fylgst náið með Garðari
síðustu tvo mánuði og í síðustu viku voru
Garðar og Einar Bárðarson boðaðir á fund í
höfuðstöðvar fyrirtækisins.
„Universal mun kynna tilboð sitt fyrir
okkur í byrjun janúar. Auðvitað er það
spennandi. Þetta verður þó bara allt að
koma í ljós. En það er gaman að þeir skuli
taka eftir því sem við erum að gera,“ sagði
Garðar sem kom heim frá Bretlandi seint á
föstudagskvöldið.
Hljómplötufyrirtækið Believer Music í
Bretlandi, sem er í mestum hluta í eigu
Einars Bárðarsonar og fjárfestingasjóðsins
Tónvís, gerði í haust framleiðslu og útgáfu-
samning við Garðar. Í kjölfarið hélt Garðar
í mikla tónleikaferð með Katherine Jenkins
en með henni kom Garðar fram á 27
tónleikum. Gagnrýnendur hafa hlaðið
tenórinn hrósi og hefur honum oftar en einu
sinni verið líkt við Pavarotti.
„Við erum í þeirri skemmtilegu stöðu að
geta gefið þessa plötu út sjálfir en hins
vegar hefur Universal sterkasta dreifingar-
kerfi í heimi og gríðarlega mikla þekkingu
þegar kemur að markaðssetningu og
kynningu á klassískri tónlist,“ sagði Einar
Bárðarson.
Í síðustu viku átti Universal níu af tíu
söluhæstu plötunum á listanum yfir sölu-
hæstu klassísku plöturnar í Bretlandi.
Bandaríska geimskutlan
Discovery lenti í Flórída á
föstudagskvöld með sjö manna
áhöfn. Óvissa hafði ríkt um
lendinguna vegna veðurs, en
mikil rigning var í Flórída og
hvasst í Kaliforníu, sem var
varalendingarstaður skutlunnar.
Ekki kom í ljós að mögulegt yrði
að lenda í Flórída fyrr en
klukkutíma fyrir lendingu.
Discovery fór í 13 daga ferð til
alþjóðlegu geimstöðvarinnar, þar
sem gert var við stöðina. Þriðju
geimferðinni á vegum NASA á
þessu ári er því lokið, en geim-
ferðastofnunin áætlar að fara í
fimm ferðir á næsta ári.
Lenti heil eftir
13 daga ferð
Fimmtíu ár eru í dag
liðin frá komu fyrstu flóttamann-
anna til Íslands. Þeir voru á meðal
þeirra 200.000 Ungverja sem flúðu
land eftir innrás Sovétmanna.
Mikill fjöldi Ungverja hélt til
Austurríkis, þar sem stjórnvöld,
Flóttamannastofnun Sameinuðu
þjóðanna og Alþjóðasamband
Rauða krossins unnu að því að
veita fólkinu skjól og aðstoð.
Óskað var eftir aðstoð frá ríkjum
víða um heim og buðu íslensk
stjórnvöld 52 flóttamönnum hæli
hér á landi. Ísland hafði þá verið
aðili að flóttamannasamningi SÞ í
tæpa tíu mánuði, en í dag hefur
531 flóttamaður hlotið hæli á
Íslandi.
50 ár frá komu
Ungverjanna
Loftur, er allt loft úr viðræðum
eða munuð þið ná lendingu
fyrir áramót?
Allir þeir aðilar sem
komu að, eða hefðu átt að koma að,
rekstri og eftirliti með Byrginu,
kristilegu líknarfélagi, verða kall-
aðir á fund í félagsmálaráðuneyt-
inu milli jóla og nýárs. Félags-
málaráðuneytið sendi Byrginu
fyrirspurn þann 19. desember og
bárust svörin í fyrradag. Þau,
ásamt öðrum gögnum, þykja gefa
tilefni til frekari rannsóknar. Taka
skuli til athugunar stjórn og eftir-
lit með Byrginu í gegnum árin.
Að sögn Þórs Jónssonar, upp-
lýsingafulltrúa félagsmálaráð-
herra, á að upplýsa um málefni
Byrgisins svo hægt verði að taka
ákvörðun í ráðuneytinu á málefna-
legum, traustum grunni. Þór segir
að boðaðir verði „menn eða stofn-
anir sem hafa komið að rekstrin-
um með ýmsum hætti, til dæmis
þeir sem hafa vísað mönnum til
[Byrgisins] í vist. Einnig opinber-
ar stofnanir sem hefðu átt að koma
að málunum. Við viljum bara upp-
lýsa málið.“
Félagsmálaráðuneytið mun að
svo stöddu ekki athuga sérstak-
lega málefni Guðmundar Jónsson-
ar, forstöðumanns Byrgisins, enda
sé hans hlutur í málinu í lögreglu-
rannsókn.
Nú styttist í að öll kurl komi til
grafar, segir Þór, því fyrstu niður-
stöður úr rannsókn Ríkisendur-
skoðunar á fjármálum Byrgisins
verði birtar fyrir áramót.
Neyðarfundur um Byrgið
Samiðn, samband
iðnfélaga, ákvað að veita Íslands-
deild Amnesty International
fjárstuðning um þessi jól í stað
þess að senda út jólakort.
Í tilkynningu frá Samiðn segir
að starf Amnesty International
samræmist í mörgu starfi
verkalýðsfélaga víða um heim en
hér á landi hafi Samiðn tekið
virkan þátt í að gæta að réttind-
um, kjörum og aðbúnaði erlends
verkafólks hérlendis. Mikil
aukning erlends verkafólks á
Íslandi kalli á aukna eftirfylgni
með stöðu þeirra og réttindi.
Fjárstuðningur
í stað jólakorta