Fréttablaðið - 06.01.2007, Qupperneq 44

Mataræðið er sumum ofarlega í
huga eftir jólahátíðina og margir
þurfa að horfast í augu við þann
napra veruleika að hafa bætt á sig
fleiri kílóum en gert var ráð fyrir.
Margir vilja þá grípa til þess ráðs
að svelta sig til að koma á jafn-
vægi í líkamanum en það er kol-
röng aðferð að mati Sölva Fannars
Viðarssonar, einkaþjálfara og höf-
undar bókarinnar Kaloríukvótinn.
„Ég hef unnið að ráðgjöf og
þjálfun á annan áratug og gegn-
um árin hefur maður séð ákveðin
mynstur. Þessi bók er samantekt á
þeim aðferðum sem ég hef séð skila
árangri hjá flestum. Einstaklingar
eru mjög ólíkir að upplagi og því er
erfitt að koma með ráðleggingar sem
henta öllum. Þó að fólk þurfi mis-
munandi hlutfall af næringarefnum
og mismikið af hitaeiningum þá trúi
ég því að það sé hægt að ná stjórn á
mataræðinu með því að beita heil-
brigðri skynsemi. Ég held að flestir
viti hvað þeir eru og ættu að láta
ofan í sig. Ef við sveltum okkur þá
fer líkaminn í það að geyma fitu
og brenna vöðvum en með því að
gefa líkamanum nóg að borða og
höfða til almennrar skynsemi hvers
og eins geta allir náð takmarki sínu.
Við vitum öll hvað er hollt og hvað
er óhollt en okkur hættir til að fest-
ast í vítahring með mataræðið. Það
sem virðist gerast hjá
flestum er
að við förum að lesa alls konar
bækur og greinar og gera tilraunir
með mataræðið sem virka skyn-
samlegar fyrst í stað en virka svo
ekki. Ég hef margoft lent í því að
fá fólk til mín sem er í þjálfun en
borðar allt of lítið og hægir þannig
á brennslunni.
Undirstöðupælingin í Kaloríu-
kvótanum er einfalt reikningsdæmi.
Ef við þurfum 2.000 hitaeiningar
á dag og við borðum morgunverð
upp á 300 og hádegisverð upp á 500
og svo ekkert fram að kvöldmat þá
skuldum við líkamanum 1200 hita-
einingar sem hann þarf til að starfa
eðlilega. Og líkaminn innheimtir
þessa skuld. Við nörtum á meðan
við eldum, borðum miklu meira en
við vitum að við höfum gott af og
svo erum við komin með sætindin í
hendurnar án þess að vita hvernig
það gerðist. Þá líður okkur eins og
við höfum engan sjálfsaga. Þannig
að það er lykilatriði að borða nóg
yfir daginn. Annað lykilatriði
er að velja rétt. Eitt Snickers
inniheldur um það bil sama
magn hitaeininga og einn
banani, ein appelsína og eitt
epli. Ávextirnir gefa miklu
betri og meiri orku sem end-
ist lengur, trefjar, vítamín
og steinefni á meðan
súkkulaðið inniheld-
ur lítið annað
en hitaein-
ingar. Við getum alltaf valið skárri
kostinn en hvorn kostinn við velj-
um getur munað mörgum kílóum
á hverju ári og muninum á því
að vera sáttur við sjálfan sig eða
mjög ósáttur. Þó að báðir kostir séu
kannski slæmir munar alltaf um
það að velja skárri kostinn. Ham-
borgari með brauði og kokteilsósu
inniheldur tvöfalt fleiri hitaeiningar
en hamborgari með brauði án sósu.
Þetta er eins og að spara hundrað-
kall á dag. Við tökum kannski ekki
mikið eftir því en á einu ári spar-
ast 36.500 krónur. Það er eins með
hitaeiningarnar. Það að velja skárri
kostinn getur munað mörgum kíló-
um á ári þó að við
tökum varla eftir
því á meðan
það er að
gerast.“
- bb
{ heilsublaðið }
Getum valið skárri kostinn
Sölvi Fannar Viðarsson einkaþjálfari gefur góð ráð í baráttunni við aukakílóin. Hann
telur að hægt sé að ná góðum árangri með því að beita heilbrigðri skynsemi.
Sjúkraþjálfun Styrkur • Stangarhyl 7 • 110 Reykjavík
Nánari upplýsingar
og skráning er í síma 587 7750.
Í Sjúkraþjálfun Styrk að Stangarhyl 7 í
Reykjavík eru leikfimihópar og hópþjálfun að
hefjast að nýju.
• Vefjagigtarhópur fyrir konur -
úthaldsþjálfun, liðleiki og styrkur
• Hjartahópar - viðhaldsþjálfun fyrir hjarta-
og lungnasjúklinga með reglulegum
mælingum
• Leikfimi fyrir konur - áhersla á
líkamsvitund, styrk og teygjur
• Tækjasalur - mánaðarkort / árskort í vel
útbúinn tækjasal
Takmarkaður fjöldi verður í hópana og vel er
fylgst með hverjum og einum.
Leiðbeinendur eru allir sjúkraþjálfarar.
Frír aðgangur að tækjasal fylgir
hópþjálfuninni.
Bjóðum nýja þátttakendur velkomna.
OKKAR STYRKUR
- YKKAR STYRKUR