Fréttablaðið - 18.01.2007, Qupperneq 92

FIMMTUDAGUR 18. janúar 2007 55
FóTbolTI Landsliðsmaðurinn Ólaf-
ur Ingi Skúlason er eftirsóttur af
liðum á Norðurlöndum. Hann æfði
fyrr í vikunni með sænska liðinu
Helsingborg og hefur þegar sýnt
mikinn áhuga á því að ganga til
liðs við félagið. Hann er úti í
kuldanum hjá enska liðinu Brent-
ford, sem er tilbúið að leyfa honum
að fara og er Ólafur nú í leit að
nýju félagi.
„Þetta gekk mjög vel og báðir
aðilar eru mjög sáttir, svo sjáum
við bara hvað gerist á næstu
dögum. Þeir fara í keppnisferða-
lag á sunnudaginn til Suður-Afríku
og vilja fá mig með sér í það.
Æfingarnar hafa verið innandyra
á gervigrasi og þeir vilja sjá mig á
grasi og á stórum velli. Ég er að
fara yfir stöðuna en nokkur önnur
lið í Skandinavíu hafa sýnt áhuga
á mér, bæði frá Danmörku og Nor-
egi. Næsta skref hjá mér er samt
ekki alveg klárt og því vil ég sem
minnst segja,“ sagði Ólafur Ingi
við Fréttablaðið.
Sænskir fjölmiðlar fullyrtu í
gær að norska liðið Vålerenga
væri meðal liða sem hefðu áhuga á
Ólafi og að hann væri á leið til
æfinga hjá liðinu. Það fer þó ekki
á milli mála að Ólafur er mjög
spenntur fyrir Helsingborg. „Mér
leist mjög vel á þennan klúbb,
þjálfarann og alla í kringum þetta.
Ég æfði með þeim í þrjá daga og
mér sýnist þetta vera ágætis lið.“
„Þeir voru reyndar að missa
sóknarmann sem Sheffield United
keypti frá þeim á tvær milljónir
punda (Lucas Shelton) og ég held
að þeir séu að leita að arftaka hans
og eiga víst eftir að styrkja liðið
frekar. Þeir eru meðal sterkustu
liða Svíþjóðar og stefna enn hærra
og það líst mér vel á. Ég féll vel
inn í þetta á æfingunum og finnst
þetta spennandi kostur. Þetta
hefur þokast eitthvað nær en það
á margt eftir að gerast svo þetta
verði neglt niður.“ - egm
Helsingborg hefur mikinn áhuga á Ólafi Inga en fleiri lið eru komin í slaginn:
Vilja fá Ólaf með til Suður-Afríku
ólafur ingi
Stóð sig vel á æfingum með
sænska liðinu Helsingborg.
nordic pHotoS/getty
FóTbolTI Andri Lindberg Karvels-
son hefur tekið skóna úr hillunni
eftir tveggja ára frí vegna náms.
Andri, sem lék með ÍA, hefur
ákveðið að semja við Fram þar
sem hann hittir fyrir fyrrum
þjálfara sinn, Ólaf Þórðarson.
Andri, sem er fæddur 1979, lék
æfingaleik með Fram á mánudag
þegar liðið vann Fjölni 2-1 og var
í kjölfarið ákveðið að semja við
hann. - egm
Leikmannamál hér á landi:
Andri til Fram
bADMInTon Evrópumót B-þjóða í
badminton hófst í Laugardalshöll-
inni í gær og lýkur því á sunnu-
dag. Þetta er stærsta badminton-
mót sem haldið hefur verið hér á
landi og keppir íslenska landsliðið
gegn fimmtán öðrum þjóðum um
sæti í keppni A-þjóða. Ísland
vann Króatíu 4-1 í sínum fyrsta
leik í sínum riðli í gær en eftir
riðlakeppnina verður leikið um
sæti. Þrjú efstu liðin munu
komast í Evrópukeppni A-þjóða.
- egm
Evrópumóti í badminton:
Ísland sigraði
Króatíu öruggt
helvetia cup Fer fram í reykjavík um
þessar mundir. nordic pHotoS/getty
FóTbolTI Samkomulag milli KSÍ
og deildardómara hefur enn ekki
náðst en þrátt fyrir það verður
engin töf á því að Reykjavíkur-
mótið fari af stað. „Þessi mál eru
öll í vinnslu en það er enginn
ágreiningur varðandi leiki núna í
byrjun. Það er verið að vinna í
því að landa þessu og ég hef verið
fullvissaður um að það verði ekki
vandamál varðandi leikina núna í
upphafi. Vonir standa til að það
takist að ná samkomulagi á
næstunni,“ sagði Halldór B.
Jónsson, varaformaður KSÍ og
formaður dómaranefndar, við
Fréttablaðið í gær.
Nýr samningur KSÍ við
dómara var felldur á fundi félags
deildardómara á sunnudag en
samkvæmt upplýsingum Frétta-
blaðsins er málið að þokast í rétta
átt. - egm
Dómaradeilan umtalaða:
Fyrstu leikir
ekki í hættu
úrslit leikja í gær
Iceland Express deild kv.
grindavík-keFlavík 88-82
stig grindavíkur: tamara Bowie 36, ingibjörg Jak-
obsdóttir 16, Hildur Sigurðardóttir 13, íris Sverris-
dóttir 11, Jovana Stefánsd. 11, alma garðarsd. 1.
stig keflavíkur: María Ben erlingsdóttir 24, tak-
esha Watson 22, Bryndís guðmundsdóttir 20,
Svava Stefánsdóttir 10, Birna valgarðsdóttir 3,
Margrét kara Sturludóttir 2, ingibjörg vilbergsd. 1
HaMar-íS 50-56
BreiðaBlik-Haukar 42-121
KöRFUbolTI Grindavík vann í gær
afar óvæntan sigur á toppliði
Keflavíkur í Iceland Express
deild kvenna. Lokatölur voru 88-
82, heimamönnum í hag.
Frábær byrjun hjá Grindavík
vó þungt í þróun leiksins en
Tamara Bowie skoraði 20 stig í
fyrsta leikhluta og tók 13 fráköst.
Staðan þá var 27-17 og náði
Keflavík aldrei að jafna metin
eftir það.
Bowie skoraði 36 stig og tók 27
fráköst. 16 ára stúlka, Ingibjörg
Jakobsdóttir, átti einnig stórleik
og skoraði 16 stig og gaf fimm
stoðsendingar. - óój
Iceland Express deild kvenna:
Toppliðinu skellt