Fréttablaðið - 16.02.2007, Page 16

Landhelgisgæslan
hefur fengið tilboð upp á 100 millj-
ónir króna í mengunarvarnabúnað
um borð í nýja varðskipið sem er í
hönnun og smíði í Chile. Tilboðið
fylgdi heildartilboðinu frá Asmar
skipasmíðastöðinni í Chile, sem
smíðar nýja skipið, en Rolls Royce
í Noregi hannar og smíðar búnað-
inn.
Tilboð Asmar hljóðar upp á 400
metra af flotgirðingum til að halda
utan um olíuflekki og mengandi
efni og búnað til að veiða olíuna
upp úr sjónum og dæla um borð í
varðskipið.
Halldór B. Nellet, fram-
kvæmdastjóri aðgerðasviðs Land-
helgisgæslunnar, segir að nýi bún-
aðurinn eigi að geta tekið 800-900
tonn af úrgangsolíu í tvo tanka um
borð til að byrja með og jafnvel
meira við vissar aðstæður. Búnað-
urinn verði sambærilegum þeim
sem er um borð í norsku varðskip-
unum.
Þó að tilboðið frá Asmar liggi
fyrir er ekki búið að ganga frá því
hvaða búnaður verður keyptur um
borð í nýja varðskipið. Verið er að
fara yfir teikningar af skipinu og
athuga hvernig megi koma þess-
um búnaði fyrir og kanna hvort
önnur fyrirtæki vilji gera tilboð í
sama eða svipaðan búnað.
Kaupin á mengunarbúnaðinum
eiga sér stað í samstarfi Land-
helgisgæslunnar og Umhverfis-
stofnunar. Davíð Egilsson, for-
stjóri Umhverfisstofnunar, segir
að stofnunin eigi búnað til að nota
fyrir utan hafnasvæði. Miklu
skipti að nýi búnaðurinn rími við
þann búnað sem fyrir er þannig að
unnt verði að nota gamla tækja-
búnaðinn um borð í varðskipum.
„Þetta er alltof lítið land til að vera
með mismunandi aðferðir,“ segir
hann.
Georg Lárusson, forstjóri Land-
helgisgæslunnar, segir að nýja
varðskipið verði afhent fyrri hluta
árs 2009 og því verði ákvörðun um
nýja mengunarvarna- og hreins-
unarbúnaðinn að liggja fyrir í lok
febrúar. „Við
reiknum með að í
skipið verði settur
besti búnaður sem
völ er á. Með þessu
skipi teljum við að
við eigum að geta
brugðist við helstu
mengunarslysum
en að sérútbúið
skip yrði fengi frá
útlöndum ef hér yrði stórslys,“
segir hann.
Tilboð er komið í eftirlitsflug-
vél Landhelgisgæslunnar. Hún
verður með fullkominn búnað til
að greina mengun í sjó í björtu og
myrkri. Þá er til athugunar að
Landhelgisgæslan komi búnaði til
að taka sýni úr sjó um borð í
þyrlurnar.
Tilboð í mengunar-
varnir frá Noregi
Landhelgisgæslan hefur fengið tilboð í mengunarvarna- og hreinsibúnað á
sjó frá Rolls Royce. Verið er að kanna önnur tilboð í svipaðan og sams konar
búnað. Nýi búnaðurinn á að geta tekið 900 tonn af úrgangsolíu um borð.
Lögreglan á höfuð-
borgarsvæðinu rannsakar nú
sendingu sem innihélt 220.000
efedríntöflur.
Það var í síðustu viku sem toll-
verðir hjá Tollgæslunni í Reykja-
vík stöðvuðu sendingu sem átti að
innihalda fæðubótarefni í töflu-
formi samkvæmt innihaldslýsingu.
Efnið var sent til greiningar hjá
Rannsóknarstofnun í lyfja- og eit-
urefnafræðum. Niðurstöður þeirra
rannsóknar sýndu að um væri að
ræða töflur sem innihéldu efedrín
og koffín. Þarna sé um að ræða
langstærstu sendingu af efedrín-
töflum sem lagt hefur verið hald á
hér á landi. Sendingin var merkt
tilteknu fyrirtæki í Reykjavík.
Rannveig Gunnarsdóttir, for-
stjóri Lyfjastofnunar, segir að efe-
drín sé örvandi og ávanabindandi.
„Þetta flokkast undir ávana- og
fíknilyf hjá Lyfjastofnun og inn-
flutningur þess með þessum hætti
er lögbrot,“ segir hún. „Efedrín
getur verið hættulegt vegna
áhrifa þess á hjarta. Vitað er til
þess að dauðsföll hafi orðið í
Bandaríkjunum og Kanada sem
rakin eru til fæðubótaefna sem
innihéldu þetta efni.“
Lögregla rannsakar
efedrínsendingu Stjórnvöld á Kýpur
sóttu á þriðjudag formlega um
inngöngu í myntbandalag Evrópu-
sambandsins. Gera
þau sér vonir um að af
aðildinni verði um
næstu áramót.
Þetta staðfesti
talsmaður fram-
kvæmdastjórnar ESB
í Brussel, en eftir að
umsóknin er lögð
fram leggur bæði
framkvæmdastjórnin
og Seðlabanki Evrópu
mat á það hvort
kýpverskt efnahagslíf
uppfylli aðildarskil-
yrðin. Endanleg ákvörðun verður
síðan tekin á leiðtogafundi í
sumar. Gangi áformin eftir verður
Kýpur fjórtánda evrulandið. Malta
stefnir einnig að því að taka upp
evruna á næsta ári.
Kýpur sækir
um evruaðild
GRENSÁSVEGI 48 • SÍMI 553 1600
Í NAUTI ERUM VIÐ BESTIR
Áttu von
á gestum?
„Það eru áreiðanlega
engar ófyrndar sakir í þessu máli,
hvernig sem á það er litið,“ sagði
Geir H. Haarde forsætisráðherra
í umræðum um skýrslu kalda-
stríðsnefndarinnar á Alþingi í
gær. Því sé út í hött að tala um
sakaruppgjöf.
Skýrsla nefndarinnar var rædd
að ósk Bjarna Benediktssonar
Sjálfstæðisflokki, sem sagði
niðurstöður hennar hljóta að vera
æsingamönum mikil vonbrigði.
Kvað hann augljóst að ekki hefði
verið hlerað vegna innra öryggis
ríkisins eftir 1968 og að engin
dæmi væru um hleranir án dóms-
úrskurða.
Stjórnarandstæðingar voru á
öðru máli og sögðu málið rétt að
byrja; enn ætti eftir að rannsaka
það.
Össur Skarphéðinsson Sam-
fylkingunni sagði ályktanir
stjórnarliða fráleitar – ýmislegt
benti til að hlerað hefði verið eftir
1968. Menn, sem hefðu verið þjálf-
aðir í njósnastörfum hjá erlendum
leyniþjónustum, upplýstu ekki um
verk sín nema refsiábyrgð væri
aflétt. Því kæmi ekki annað til
greina en að fara norsku leiðina
svokölluðu og gefa þeim upp sakir
sem að málum hefðu komið. Undir
það tóku aðrir talsmenn stjórnar-
andstöðunnar.
Forsætisráðherra sagði ekkert
tilefni til slíks enda ætti málið
ekkert skylt við það sem gerðist í
Noregi.
Við reiknum með að
í skipið verði settur
besti búnaður sem völ er á.