Fréttablaðið - 16.02.2007, Side 29

Ljóð seljast illa og því leita
ljóðskáld stöðugt nýrra leiða
til að koma sköpun sinni á
framfæri. Ljóð á kaffipokum
eru ein leiðin enda eiga kaffi-
og ljóðamenning samleið.
Ljóðskáldin og bókmenntafræði-
nemarnir Helgi Sigurbjörnsson
og Ragnar Ólafsson hafa í vetur
prentað ljóð á kaffipoka fyrir
gesti Kaffitárs. „Ég og Helgi
erum í því að steypa okkur sem
ljóðskáld og mikið að velta fyrir
okkur hvernig best sé að koma
ljóðlistinni á framfæri,“ segir
Ragnar. „Ljóðabækur seljast illa
og það eru helst önnur ljóðskáld
sem kaupa ljóðabækur. Okkur
langaði að finna leið til að koma
ljóðum til fólks sem öllu jöfnu les
ekki ljóð og þá varð til sú hug-
myndafræði að gefa ljóð út í öðru
formi en í bókum.“
Eftir nokkur heilabrot varð
niðurstaðan sú að prenta ljóð á
kaffipoka sem dreift yrði ókeyp-
is á kaffihúsi. „Við höfum verið í
samstarfi við Kaffitár og prentað
eitt ljóð á viku sem gestir geta
fengið ókeypis,“ segir Ragnar.
„Kaffimenning á Íslandi er mjög
spennandi í dag og mikið lagt upp
úr listahlið kaffisins og mikil list-
gerjun á sér stað á kaffihúsum.
Þess vegna fannst okkur tilvalið
að kynna ljóðin á þessum vett-
vangi.“
Ljóðin eru stutt enda á lestur
þeirra að taka jafn langan tíma
og að drekka espressó. „Það má
segja að maður neyti ljóðsins rétt
eins og maður neyti kaffiboll-
ans,“ segir Ragnar. „Maður kaup-
ir kaffi á hlaupum og kippir einu
ljóði með til að auðga andann.“
Vel hefur gengið að kynna
ljóðlistina með þessu móti og
verður áframhald á samstarfi
skáldanna og Kaffitárs. „Við
erum alltaf að leita að nýjum og
nýjum leiðum en þessi leið virð-
ist virka vel,“ segir Ragnar. „Mót-
tökurnar hafa verið góðar en
stutt ljóð virðast renna ljúflega
niður með ljóðrænu bragði góðs
kaffis.“
Tekur sama tíma að lesa
ljóð og drekka espressó
SÓMABAKKAR
Nánari uppl‡singar á somi.is
*Gildir a›eins ef panta› er fyrir meira en 3.000 kr.
PANTA‹U Í SÍMA 565 6000 / FRÍ HEIMSENDING*