Fréttablaðið - 11.05.2007, Side 62

BLS. 10 | sirkus | 11. MAÍ 2007
Margir tvíburar í fjölskyldunni
Stóra systir er bæði áhugasöm og hjálpleg,“ segir Ólöf Ingunn
Björnsdóttir en hún og Vilhjálmur
Magnússon eiga tvíburana Björn
Ívar og Magnús Má. Þeir eru eins árs
og stóra systir þeirra, Hafdís Rut, er
að verða sex ára. Ólöf Ingunn segir
að það hafi verið dálítíð sjokk í
fyrstu að fá fréttir um að von væri á
tvíburum en í raun hafi þetta ekki
komið mikið á óvart þar sem mikið
er um tvíbura í fjölskyldunni.
„Mamma mín er tvíburi og pabbi
Vilhjálms líka auk þess sem það eru
fleiri tvíburar í föðurfjölskyldu
minni svo þetta er úti um allt,“ segir
hún brosandi og bætir við að Björn
Ívar og Magnús Már séu afar ólíkir,
enda séu þeir tvíeggja. „Þeir eru eins
og svart og hvítt og margir segjast
aldrei hafa séð svona ólíka tvíbura.
Magnús Már er allur stærri og mikið
matargat á meðan Björn ætlar að
verða lítill og nettur. Þeir eru farnir
að leika sér saman en stundum slett-
ist upp á vinskapinn eins og gengur
og gerist,“ segir hún og bætir við að
það sé notaleg tilhugsun að vita til
þess að þeir hafi hvor annan í
framtíðinni. „Þetta er búið að ganga
alveg rosalega vel en við höfðum
búið okkur undir að fyrsta árið yrði
erfitt. Ég bjóst reyndar við að þetta
yrði erfiðara. Hafdís Rut er mjög
ánægð með bræður sína og dugleg
að hjálpa en henni finnst þetta erfitt
líka enda hafði hún verið eina
barnabarnið svo lengi.“
FÆÐING BARNS ER ALLTAF GLEÐILEG. FÆÐING TVÍBURA ER
HELMINGI GLEÐILEGRI. SIRKUS RÆDDI VIÐ FJÓRAR TVÍBURA-
MÖMMUR.
YNDISLEGT AÐ
EIGA TVÍBURA
KRAFTAVERKABÖRN Hildur Kristín og Ásta María ásamt mömmu sinni.
KEISARAR Heba Pétursdóttir á tvíburana Christian Blæ og Emilí Björt.
Afanum hafði verið spáð tvíburum
V ið vorum ekkert rosalega hissa þegar við fréttum að við ættum von á tvíburum þar sem það hafði verið búið að spá því fyrir pabba,“ segir
Thelma Ögn Sveinsdóttir en hún og Andrés Birkir Sighvatsson eiga tvíburana
Sindra Loga og Söndru Lísu sem eru tíu mánaða. Thelma Ögn segir ágætt að
hafa fengið tvö börn í einu því þau Andrés séu engin unglömb. „Þetta hefði
kannski verið sjokk fyrir tíu árum en þegar maður byrjar svona seint er fínt að
fá tvö strax í byrjun,“ segir hún brosandi og bætir við að systkinin séu oftast
góð saman. „Sandra Lísa er svolítið stríðin og hefur gaman af því að taka af
Sindra Loga dótið. Hún er meiri púki en hann. Annars eru þau voðalega góð,“
segir Thelma sem er nýbyrjuð að vinna eftir fæðingarorlof. „Ég er að vinna á
kvöldin og um helgar og þá er maðurinn minn með þau sem er mun auðveld-
ara en að skilja þau eftir hjá barnapíu.“ Spurð hvort þau ætli að eignast fleiri
börn segir hún framtíðina munu leiða það í ljós. „Ég er allavega ekki tilbúin
strax og ætla að njóta þess að vera með þau lítil. Þau verða líka að fá sinn tíma,
það er nógu erfitt að vera tvíburi og fá ekki þjónustu strax.“
Guðsgjöf og kraftaverkabörn
Þ ær eru mjög ólíkar, bæði í karakter og útliti,“ segir Inga Vala
Jónsdóttir í Súðavík en hún og Loftur
Ingason eiga tvíburadæturnar Hildi
Kristínu og Ástu Maríu. Stelpurnar
fæddust eftir glasafrjóvgunarmeðferð
en Inga Vala þurfti á gjafaeggi að
halda sem systir hennar gaf henni.
Systurnar komu undir í fyrstu tilraun
og eru því sannkölluð kraftaverka-
börn. „Þær eru þvílík guðsgjöf og
ekkert annað en kraftaverkabörn,“
segir mamma þeirra stolt og bætir
við að Ásta María sé skapmeiri á
meðan Hildur Kristín sé meðfæri-
legri. Systurnar eru nýorðnar eins árs
og mamma þeirra segir áhuga þeirra
á hvor annarri að vakna. „Þær eru
farnar að leika sér saman en eiga það
til að klípa hvor aðra. Ég held það sé
voðalega gaman að vera tvíburi,“ segir
Inga Vala brosandi og bætir við að
síðasta ár hafi verið yndislegt. „Þetta
er búið að vera erfitt með tilheyrandi
andvökunóttum en maður lætur sig
hafa það.“ Inga Vala er farin út á
vinnumarkaðinn eftir barneignar-
leyfið og stelpurnar eru komnar á
leikskóla. „Maðurinn minn tók
fæðingarorlof og var heima með þeim
fyrst eftir að ég fór að vinna. Mér
fannst rosalega erfitt að fara frá þeim
en sá fljótlega að karlinn gat þetta líka.
Maður þarf að treysta þessum
karlmönnum. Nú eru þær hins vegar
komnar á leikskóla og tilheyrandi
flensur og veikindi tekin við.“
indiana@frettabladid.is
Skemmtilega ólík tvíburasystkini
Við fengum áfall þegar við vissum að þau væru tvö en þetta hefur
gengið mjög vel,“ segir Heba
Pétursdóttir, 20 ára, sem ásamt
kærastanum sínum, Atla Rafni
Viðarssyni, á tvíburana Christian
Blæ og Emilí Björt sem eru að verða
tíu mánaða. Heba og Atli Rafn voru
nýfarin til Danmerkur í skóla þegar í
ljós kom að Heba var ófrísk. „Við
komum heim áður en þau fæddust
og ákváðum að fresta náminu,“ segir
Heba og bætir við að Christian Blær
og Emilí Björt hafi fæðst mánuði
fyrir tímann. „Fæðingin gekk vel en
þau voru tekin með keisara. Þau
vaxa og dafna eins og um eitt barn
sé að ræða,“ segir hún hlæjandi og
bætir við að þau séu farin að sýna
hvort öðru mikla athygli. „Þau eru
alltaf voðalega glöð að sjá hvort
annað en eru líka farin að slíta og
tæta dótið af hvort öðru.“ Heba segir
systkinin afar ólík, bæði útlitslega
og sem persónur. „Þau eru skemmti-
lega ólík. Hún er mjög ákveðin ung
dama og veit hvað hún vill en hann
er ljúfur og góður,“ segir hún og
bætir við að þau Atli Rafn komi
líklega ekki með fleiri börn á
næstunni. „Þetta varð fullkomið í
þetta skiptið svo við þurfum ekkert
að gera þetta aftur,“ segir hún
hlæjandi.