Fréttablaðið - 11.05.2007, Side 75

www.xf.is Skeifan 7 | Reykjavík | sími 553 6061
Aldraðir og öryrkjar hafa ekki notið kjarabóta á undanförnum árum til jafns
við aðra og úr því verður að bæta án tafar. Frjálslyndi flokkurinn vill rétta hlut
aldraðra og öryrkja, bæta kjör þeirra og leggja áherslu á mannréttindi fólks.
Frjálslyndi flokkurinn leggur áherslu á eftirfarandi aðgerðir:
• Bætur almannatrygginga eiga að fylgja almennri launavísitölu og nægja til framfærslu
• Skattleysismörk verði hækkuð í 150.000 kr. á mánuði fyrir þá sem hafa tekjur allt að
1.800.000 kr. á ári. Almenn skattleysismörk verði 112.000 kr. á mánuði séu tekjur hærri
en 3.000.000 kr. á ári.
• Lífeyrissjóðstekjur verði ekki skattlagðar sem atvinnutekjur heldur meðhöndlaðar sem
fjármagnstekjur og beri því einungis 10% skatt.
• Heimilt verði að hafa tekjur allt að 1.000.000 kr. á ári án skerðinga á greiðslum frá
Tryggingastofnun ríksisins.
• Afnumin verði tekjutenging við maka.
• Komið verði á umönnunarbótum til aðstandenda eða vina sem annast aldraða einstaklinga
í heimahúsum. Sérstaklega þarf að gæta að stöðu og stuðningi við aðstandendur
alzheimersjúklinga.
• Byggð verði 1.000 ný hjúkrunarrými á næstu 4 - 6 árum og þannig verði fjölbýlum á
öldrunarstofnunum og biðlistum eftir hjúkrunarrýmum eytt. Eldra fólk þarf að eiga kost
á fjölbreyttum möguleikum varðandi búsetu í samræmi við óskir og þarfir hvers og eins.
Mikilvægt er að aldraðir geti valið um stuðning í heimahúsum eða dvöl í vernduðu
umhverfi.
• Málefni aldraðra, þar með heimahjúkrun, verði færð frá ríki til sveitarfélaganna ásamt því
fjármagni sem til þarf. Frjálslyndi flokkurinn lítur á þjónustu við aldraða sem nærþjónustu
og að gæði hennar verði best tryggð með því að færa forræði yfir þjónustunni sem næst
þeim sem hennar skulu njóta.
• Nái tillögur Frjálslynda flokksins fram að ganga munu kjör aldraðra og öryrkja batna til
mikilla muna og þjónusta við þá taka stórstígum framförum. Málflutningur Frjálslynda
flokksins undanfarin 7 ár sýnir að okkur er full alvara.
Með bestu kveðjum,
Frjálslyndi flokkurinn
BRÉF TIL ALDRAÐRA OG ÖRYRKJA