Fréttablaðið - 30.05.2007, Blaðsíða 5

MARKAÐURINN
Eggert Þór Aðalsteinsson
skrifar
Gengi stofnfjárbréfa í þremur af stærstu spari-
sjóðum landsins hefur tvöfaldast á ekki lengri
tíma en frá ársbyrjun. Þetta eru Byr sparisjóður,
Sparisjóðurinn í Keflavík og Sparisjóður Kópa-
vogs.
Sérfræðingar nefna að hugarfarsbreyting hafi
orðið í viðhorfi fjárfesta til sparisjóða og stofn-
fjárbréfa sem upphaflega er rakið til markaðsvæð-
ingar stofnfjár í SPRON. Hér áður fyrr voru stofn-
fjárbréf hálfverðlaus pappír. Stofnfjáraukning-
ar eru undirliggjandi þáttur í þessari þróun, enda
tryggja þær alltaf betra og betra eignarhald stofn-
fjáreigenda á sparisjóðum og gefa þannig færi á
að auka arðgreiðslur til muna í samræmi við auk-
inn hagnað. Sérfræðingur sem Markaðurinn ræddi
við benti á að félagsform sparisjóða væri óhent-
ugra en hlutafélaga sem veldur því að stofnfjár-
bréf væru verðlögð með afslætti í samanburði
við hlutabréf bankanna. Þá telja menn að landslag
sparisjóða eigi eftir að breyt-
ast þannig að þeim fækki og
til verði öflugri heildir. Vænt-
ingar um samruna sparisjóða
og jafnvel sögusagnir um sölu
sparisjóða í heilu lagi birtast
einnig í þessum gengishækk-
unum.
Stofnfjárbréf í SpKef hafa
hækkað úr 3,48 krónum á hlut
í 7,45 krónur á árinu sem jafn-
gildir 125 prósenta hækkun að teknu tilliti til ný-
legrar stofnfjáraukningar og endurmats stofnfjár.
Mikil hækkun hlutabréfa í Existu endurspeglast í
verðmætaaukningu sparisjóðsins sem á bæði bein-
an og óbeinan hlut þar. Miðað við síðasta viðskipta-
gengi SpKef er sparisjóðurinn metinn á 28 millj-
arða króna samanborið við 10,9 milljarða í árs-
byrjun.
Stofnfé í Byr hefur farið úr 70 krónum á hlut í
gengið 140 á stofnfjármarkaði sparisjóðsins. Þetta
gerir um 110 prósenta árshækkun með viðbættu
endurmati. Í maí hefur gengi bréfanna hækkað um
þriðjung. Byr er metinn á um 34 milljarða króna
og er því tvöfalt verðmætari en í byrjun ársins.
Hástökkvari ársins er SPK sem mun hugsanlega
sameinast Byr á næstunni. Stofnfjárbréf í spari-
sjóðnum ganga ekki kaupum og sölu á skipulögð-
um stofnfjármarkaði eins og bréf í stóru spari-
sjóðunum. Rétt áður en tilkynnt var um viðræður
SPK og Byrs fóru fram viðskipti með stofnfé
SPK á genginu 10. Það er um þrefalt hærra verð
en snemma á árinu. Markaðsvirði alls stofnfjár í
SPK er því um 4,7 milljarð-
ar króna.
SPRON er eftir sem áður
stærsti sparisjóðurinn, bæði
talið í eignum og að mark-
aðsvirði. Sjóðurinn var met-
inn á 66,5 milljarða í nýleg-
um viðskiptum, en um þriðj-
ungshækkun hefur orðið á
gengi stofnfjárbréfa sjóðsins
á árinu.
Stofnfé tvöfaldast í verði
Hugarfarsbreyting hefur orðið hjá fjárfestum til sparisjóða
og stofnfjár. Markaðsvirði Byrs og Sparisjóðsins í Keflavík
stendur í um þrjátíu milljörðum króna.
Á Æ T L A Ð M A R K S A Ð S V E R Ð
S T Æ R S T U S P A R I S J Ó Ð A
Sparisjóður Virði í milljörðum
SPRON 66,0
Byr 34,0
SpKef 28,0
SPK 4,7
Ian Bankier, eigandi verslunar-
keðjunnar Whisky Shop, sakar
kollega sína, einkum lykilaðila
í breska viskýiðnaðinum, um
skelfilegt metnaðarleysi þegar
kemur að því að matreiða skot-
ann ofan í landann. Frammi-
staða Breta sé ekki hróssins
verð og reyndar ólíðandi í al-
þjóðaheimi viskýsins. Hann
gagnrýnir bæði kostnaðarsamt
dreifingarkerfi í Bretlandi og
afslátt í kringum jólasöluna og
segir að skammtímahagsmunir
ráði för.
„Við verðum sérstaklega að
endurskoða afsláttarherferðir
í kringum jólin,“ segir hann.
„Þú heldur jólin ekki hátíð-
leg án kalkúns á borðum, leik-
fanga fyrir börnin eða flösku af
áfengi. Vill fólk afslátt? Er fólk
að leita að góðu verði? Nei. En
tilboðstímabilið í kringum jólin
er niðurnjörvað,“ sagði hann á
alþjóðlegri ráðstefnu vínfram-
leiðenda í Lundúnum.
Bankier er einnig gagnrýn-
inn á þátt bresku stórverslana-
keðjanna sem haldi framleið-
endum í heljargreipum sökum
yfirburðastöðu sinna og hirði
mesta ágóðann.
Ekki fylgir fréttinni hvort
Bankier hafi rætt við við ís-
lenska bóksala sem margir
hverjir eiga erfitt með að sætta
sig við verðstríð á jólabókun-
um. - eþa
Viskýkóngur
skammar kollega sína
5MIÐVIKUDAGUR 30. MAÍ 2007
F R É T T I R
BYR - sparisjóður | Sími 575 4000 | www.byr.is
Er þitt fyrirtæki að fá það besta sem við höfum að bjóða?
Persónuleg og vönduð þjónusta, sérsniðin að þörfum hvers og eins er það besta sem við höfum að bjóða.
Með lipru skipulagi og stuttum boðleiðum bjóðum við þér skýrar og einfaldar þjónustuleiðir og þú velur
það sem þér hentar hverju sinni. Kynntu þér málið – við leitum lausna.