Fréttablaðið - 09.06.2007, Blaðsíða 31

Barbara Ósk Ólafsdóttir, gjaldkeri Ferðaklúbbs-
ins 4x4, ferðast um á 38 tommu dekkjum allan
ársins hring.
„Ég hef verið í jeppamennskunni í ár og keypti mér
síðastliðið haust Musso-jeppa árgerð 1999 á 38 tommu
dekkjum,“ segir Barbara Ósk Ólafsdóttir, nýráðinn
gjaldkeri Ferðaklúbbsins 4x4.
Formaður klúbbsins er Agnes Karen Sigurðardóttir
og Barbara segir mjög margar konur vera í
jeppamennskunni. Jeppinn hennar Barböru var
fullbreyttur þegar hún keypti hann og síðan í haust
hefur hún verið á fleygiferð á fjöllum.
Fram undan er sumarstarf hjá klúbbnum og fyrst á
dagskrá er ferð að Heklurótum með garpana í fimm
tinda verkefninu. Þar ætla níu göngugarpar að stíga á
fimm hæstu tinda í hverjum landshluta fyrir sig. Ferð-
in verður farin nú um helgina og tilefnið er landssöfn-
un fyrir Sjónarhól, landssamtök langveikra barna.
„Meðlimir í fimm tinda verkefninu báðu okkur um
aðstoð til að komast á Heklu, sem er síðasta fjallið í
ferðinni. Bíllinn þeirra kemst ekki alla leið svo við
verðum með tíu til tólf bíla og ferjum þau að Heklu-
rótum,“ segir Barbara, sem hlakkar mikið til ferðar-
innar.
Dagskrá ferðaklúbbsins er öflug allan ársins hring
en meðal ferða í sumar nefnir Barbara árlega land-
græðsluferð í Þórsmörk í lok júní, sumarhátíð í Vík
í Mýrdal í júlí og fjölskylduferð í skála félagsins við
Hofsjökul í ágúst.
Meðlimir ferðaklúbbsins eru um 4.000 talsins að
sögn Barböru og þeim fer stöðugt fjölgandi. „Þetta
er heilbrigður félagsskapur sem byggist á útivist,
ferðalögum og að láta aðeins reyna á sig,“ segir Bar-
bara, sem er sjálf alin upp við mikið bílastúss og
ferðalög.
„Ég ferðaðist mikið sem barn en langaði alltaf í
fjallamennsku. Síðan ákvað ég bara að kaupa mér
jeppa og leggja í hann. Ég er búin að ákveða fyrir
löngu að verða gömul í þessu,“ segir Barbara.
Langflestir meðlimir klúbbsins eiga jeppa en að
sögn Barböru á það ekki við um alla. „Um daginn
tók ég með mér fjórtán ára strák sem ég þekkti ekk-
ert. Hann er forfallinn jeppaáhugamaður og hafði
bara samband við okkur. Síðan dreif hann sig með og
skemmti sér konunglega. Eina skilyrði klúbbsins er
áhuginn,“ segir Barbara.
Nánari upplýsingar um Ferðaklúbbinn 4x4 eru
á www.f4x4.is. Nánari upplýsingar um fimm tinda
verkefnið eru á www.5tindar.is
Ætla að verða gömul
í jeppamennskunni
BORGARTÚNI 29 | 105 REYKJAVÍK | ICELAND | WWW.EXIT.IS | TEL. +354 562 2362 | FAX. +354 562 9662
// Aupair í USA
Ógleymanleg lífsreynsla sem þú býrð að alla ævi
Að launum fær aupair vasapening, frítt fæði og húsnæði,
frítt flug til og frá Bandaríkjunum auk 500 Usd. námsstyrks.
Stæsta bloggsamfélagið á Íslandi
Tjáðu þig! Bloggaðu með
símanum!
Hvar sem er og
hvenær sem er!
Viltu sýn’eikkað?
Ný útlit · Myndaalbúm · Símablogg