Fréttablaðið - 09.06.2007, Blaðsíða 76

Frami breska tískuhönnuðarins Lu-
ellu Bartley hefur verið skjótur.
Árið 2000 átti hún varla fyrir te-
bolla en tveimur árum síðar
skaust hún upp á stjörnuhimin
hipp og kúlsins í London. Hún
fæddist árið 1973 og ólst upp
í fæðingarbæ Shakespeares,
Stratford-upon-Avon. Leið henn-
ar lá í skólann Central St. Mart-
ins í London þar sem hún lærði
tískublaðamennsku. Hún hætti
námi þegar hún fékk vinnu sem
penni hjá dagblaðinu Evening
Standard en síðar skrifaði hún
fyrir breska Vogue, Dazed and
Confused og The Face. Hún
veiktist af sköpunarbakterí-
unni nokkrum árum síðar og
árið 2000 byrjaði hún að hanna
eigin línu, „Luella“. Á stuttum tíma varð henni
hampað sem „hinni nýju Stellu McCartney“
og eignaðist hún aðdáendur á borð við Kate
Moss. „Ég var óskaplega venjulegur krakki,
eiginlega frekar hallærisleg,“ segir Bart-
ley, sem þykir afskaplega látlaus en skondin
týpa en hún á tvö börn með ljósmyndaranum
David Sims og býr með honum í hálfgerðri
kommúnu uppi í sveit. Að eigin sögn hannar
hún föt sem „Konur geta orðið fullar og dottið
í.“ Stíll hennar er undir mjög breskum áhrif-
um sem spanna frá Díönu prinsessu og kon-
ungsfjölskyldunni til pönkara, skólabúninga
og mod-rokkara. Fyrir næsta haust og vetur
einkennist línan sérstaklega af breskum
hefðum: veiðiföt hefðarfólks, reiðhattar og
stígvél og settlegir kjólar með flauelsslauf-
um. Allt þetta var þó poppað upp með rokk-
aralegum fylgihlutum. Alveg hreint dásam-
lega svalt.
MasterCard korthafar fá miðann á þessa skemmtilegu fjölskyldumynd
á aðeins 600 kr. meðan myndin er sýnd, greiði þeir með kortinu.
Myndin er sýnd í Laugarásbíói og Smárabíói.
Meira á www.kreditkort.is/klubbar
600 kall
meðan myndin er í sýningum!
Komin í bíó!
Komin í bíó!
Það stefnir óðum í að næsta æði Íslendinga verði það sem kallast New
Rave. Ungt fólk streymir í tískubúðirnar til að fjárfesta í skræpóttum
hettupeysum, leggings, neonlitum armböndum og legghlífum og skær-
um íþróttaskóm í stíl. Jahá, árið 1992 er komið aftur og með því koma
neonlitir, geimverulegir samfestingar og sítrónugul sólgleraugu. Fyrsti
hátískuhönnuðurinn sem kom þessu á kortið er lærisveinn Donatellu
Versace, Christopher Kane, sem kom með dásamlega stutta neonkjóla,
en svo fylgdu „vintage“ búðirnar á eftir og nú er enginn maður með
mönnum nema að vera með neonljós sem lýsir í myrkri um hálsinn og
klút með broskalli á höfðinu. Samkvæmt hinu breska Sunday Times
þá er New Rave ekki endilega ávísun á e-töflur og endalaus reif-partí
þessarar gullaldar tíunda áratugarins heldur er bylgjan einhverskon-
ar nýr ímyndarfókus fyrir nýja kynslóð ungra skemmtanafíkla – lista-
menn, tískuliðið, námsmenn og næturhrafna sem elska að dressa sig
upp. Sumsé New Rave (eða Neu Rave eða Nu Rave) er málið í sumar í
London og í New York, en verður samt væntanlega mest áberandi hér í
litlu Reykjavík þar sem að öll „trend“ eru tekin háalvarlega og af mik-
illi innlifun. Persónulega er ég svög fyrir tónlistinni og get dansað tím-
unum saman við þýskt electro-house en neonlitir og skræpótt dress
mega halda sér í góðri fjarlægð.
PS. Gat ekki orða bundist þegar ég sá nýlega mynd
af Victoriu Beckham. Hún toppaði sig algerlega í
ósmekklegheitunum og í raun ættu allar konur að
festa þessa mynd á ísskápinn og hugsa daglega:
Svona ætla ég aldrei að verða. Victoria greyið, í
sinni aumkunarverðu „0“ stærð og appelsínugul-
heitum, er búin að fara allan hringinn og endar
núna í hinni verstu hnakkastemningu. Bleikur neon-
brjóstahaldari og sebradress. Og búin að aflita aum-
ingja ótalandi manninn sinn í stíl.
Nu Rave... og Nu Victoria