Fréttablaðið - 09.06.2007, Síða 81

Nicole Richie óttast að hún muni fá
sömu meðferð og vinkona sín Paris
Hilton þegar ákæra vegna ölvunar-
aksturs á hendur henni verður
tekin fyrir hjá dómstólum í lok
þessa mánaðar. Richie var stöðvuð
á bifreið sinni í desember á síðasta
ári og var talið að hún hefði ekið
undir áhrifum áfengis og lyfja.
„Ég er mjög hrædd. En ég er líka
tilbúin að taka öllum þeim afleið-
ingum sem gjörðir mínar kunna
að hafa,“ sagði Richie í spjallþætti
David Letterman.
Nicole hefur áður verið fundin
sek um ölvunarakstur, árið 2003,
og kveða lög í Kaliforníu á um að ef
einstaklingur keyrir tvívegis undir
áhrifum á tíu ára tímabili megi
hann eiga von á fangelsisdómi frá
níutíu dögum upp í allt að einu ári.
Richie óttast fangelsi
„Nú erum við komnir úr Borgarleikhúsinu og á NASA
þar sem fólk er í aðstöðu til að hreyfa sig, dansa. Við
hlökkum mikið til,“ segir Helgi Björnsson, söngvari
hljómsveitarinnar Síðan skein sól, sem verður með
tónleika á NASA í kvöld. Þetta er í annað sinn á
skömmum tíma sem SSSól kemur saman eftir að hafa
legið í dvala í nokkurn tíma en á síðasta vetrardag
hélt hljómsveitin tvenna vel heppnaða tónleika í
Borgarleikhúsinu, í tilefni af tuttugu ára afmæli
sveitarinnar.
„Eftir þá tónleika fundum við fyrir miklum þrýst-
ingi um að gera eitthvað meira þannig að við ákváð-
um eiginlega að svara eftirspurninni með þessum
hætti,“ segir Helgi. Stórdansleikur SSSól á NASA
hefst klukkan 23 og lofar Helgi rífandi stemningu.
„Þetta verður vonandi alvöru ball.“
Helgi útilokar ekki að sveitin muni fara á kreik
síðar í sumar og viðurkennir að viðbrögðin sem
hljómsveitin fékk eftir afmælistónleikana hafi verið
framar vonum. „Það er ekkert planað í þá áttina en ég
ætla ekki að þvertaka fyrir neitt. Við höfðum virki-
lega gaman af stemningunni sem myndaðist og þó svo
að við höfum engu gleymt hafði fólkið heldur engu
gleymt. Auðvitað kveikir það aðeins í manni.“
SSSól lætur aftur á sér kræla