Fréttablaðið - 18.06.2007, Qupperneq 26

Undanfarin ár hefur
orðið sprenging í tján-
ingu. Það eru allir að
skrifa skoðanir sínar
alls staðar. Annar hver
maður heldur úti blogg-
síðu, umræðuvefir eru
vinsælir og margir fréttamiðlar
eru gagnvirkir á þann hátt að al-
menningur getur skrifað athuga-
semdir og sagt sína skoðun á frétt-
um og greinum. Tjáningarfrels-
ið er frábært en stundum fæ ég
alveg nóg.
Morgunblaðið heldur úti fjöl-
mennu bloggsamfélagi og þegar
fréttir á Moggavefnum eru lesn-
ar má sjá hverjir hafa bloggað
um þær. Í fyrstu fannst mér þetta
skemmtileg nýbreytni en núna er
ég orðin hundleið á þessu. Ég er
líka hundleið á að lesa athugasemd-
ir netverja við fréttir og umræðu-
greinar á visir.is. Ástæðan er sú að
allt of oft er þetta ómálefnaleg og
jafnvel dónaleg umræða. Auðvitað
má fólk hafa sínar skoðanir en það
er ekki viðeigandi að kalla fólk fífl
og hálfvita á opinberum vettvangi
eins og oft vill gerast.
Um daginn var lítil stúlka nærri
drukknuð í sundlaug. Fjölmarg-
ir blogguðu um þá frétt á Mogga-
blogginu og sleggjudómana vant-
aði ekki. Dónalegar athugasemd-
ir á borð við „Hvað var móðirin
að hugsa!!!“ blöstu við þeim sem
fóru inn á fréttavefinn.
Það sama var uppi á teningnum
þegar bifhjólamaður slasaðist al-
varlega í slysi eftir ofsaakstur.
Í athugasemdum um fréttina á
Vísi mátti sjá setningar á borð við
„Þetta var gott á hann“ og einn
Moggabloggari skrifaði að það
væri synd að hann hefði bara háls-
brotnað en ekki drepist.
Þótt menn sýni vítavert gáleysi
er ekki rétt að hlakka yfir óförum
þeirra. Maður gerir það kannski í
laumi en er endilega þörf á að aug-
lýsa þá skoðun á mest lesna vef
landsins?
Kannski tekur það okkur nokk-
ur ár að venjast þessu aukna tján-
ingarfrelsi. Það er frábært að geta
komið skoðunum sínum á fram-
færi á svona auðveldan máta en
gleymum því ekki að aðgát skal
höfð í nærveru sálar.