Fréttablaðið - 20.06.2007, Blaðsíða 8

MARKAÐURINN 20. JÚNÍ 2007 MIÐVIKUDAGUR8
Ú T T E K T
Fyrsta bandaríska félagið í íslensku Kaup-
höllinni og fyrsta álfyrirtækið í kauphöllum
OMX var skráð í síðustu viku. Það var þriðja
stærsta álfyrirtæki Bandaríkjanna, Century
Aluminum Company, sem var skráð á First
North markaðinn, hliðarmarkað OMX. Um
var að ræða tvíhliða skráningu en fyrir er fé-
lagið skráð á Nasdaq-markaðinn í Bandaríkj-
unum.
Viðskipti með bréf Century Aluminum á
fyrsta viðskiptadegi félagsins námu rúmum
fjörutíu milljónum í sex viðskiptum. Eftir
helgina hafa viðskiptin ekki verið mikil. Lítil
viðskipti með bréf Century fela þó ekki endi-
lega í sér lítinn áhuga. Einungis lítill hluti fé-
lagsins er skráður hér á landi. Í nýafstöðnu
hlutafjárútboði fór mestur
hluti útboðinna hluta til fag-
fjárfesta á borð við lífeyris-
sjóði. Þeir kaupa bréfin fyrst
og fremst til að halda þeim.
Þrátt fyrir að lítill hluti
bréfa Century sé skráður hér
á landi er ekki víst að viðskipti
með félagið verði lítil áfram.
Nokkuð stór viðskiptavakt er
um bréfin, bæði hjá Lands-
bankanum og Kaupþingi. Það
ætti að ýta undir virkni mark-
aðarins. Viðskiptavaktirnar
munu meðal annars passa upp
á að aldrei verði mikill munur
á milli verðsins á Nasdaq og
verðsins á First North.
FRAMLEIÐSLUGETA AUKIN ÁR
FRÁ ÁRI
Framleiðslugeta Century í lok
þessa árs verður 785 þúsund
tonn á ári. Eftir stækkun ál-
vers Norðuráls á Grundar-
tanga verða framleidd þar 260
þúsund tonn af áli á ári. Þá
rekur félagið einnig 244 þúsund
tonna álver í Hawesville, Kent-
ucky, 170 þúsund tonna álveg í
Ravenswood í Vestur-Virginíu.
Century á einnig 49,67 prósenta
hlut í álveri í Mt. Holly í Suður-
Karólínu á móti Alcoa sem ann-
ast rekstur þess. Að auki á Cent-
ury helmingshlut í súrálsverk-
smiðju í Gramercy og tengdri
báxítvinnslu á Jamaíka. Höfuð-
stöðvar félagsins eru í Monter-
ey í Kaliforníu.
Umsvif Century hafa auk-
ist töluvert að undanförnu.
Tekjur ársins 2006 voru 1,6
milljarðar Bandaríkjadala árið
2006 samanborið við 1,1 millj-
arð Bandaríkjadala árið 2005.
Heildarálframleiðslan í fyrra
nam 680 þúsund tonnum en var
616 þúsund tonn árið 2005. Heildarmarkaðs-
virði félagsins nemur tæpum 140 milljörðum
íslenskra króna.
HLUTAFJÁRÚTBOÐ FRAMAR VONUM
Þar sem þriðjungur framleiðslu Century Alu-
minum kemur frá Íslandi er ekki óeðlilegt að
fyrirtækinu hugnist að fá íslenska fjárfesta
að félaginu. Þann 7. júní var því farið í útboð
meðal íslenskra og bandarískra fjárfesta.
Í ávarpi Logans Krugers, forstjóra Century,
við skráningu félagsins í Kauphöll Íslands
sagði hann viðtökur íslenskra fagfjárfesta
við nýloknu hlutafjárútboði félagsins hafa
verið framar vonum stjórnenda þess. Kaup-
þing og Landsbankinn voru umsjónaraðilar
skráningar félagsins hér á landi. Ástríður
Þórðardóttir, sérfræðingur hjá Fyrirtækja-
ráðgjöf Landsbankans, staðfestir að eftir-
spurnin hafi verið mikil. Lífeyrissjóðum og
öðrum stórum fagfjárfestum bauðst að taka
þátt í útboðinu. „Þær viljayfirlýsingar sem
við söfnuðum gáfu til kynna að fjárfestar
vildu kaupa mun meira en var í boði.“
Flestir stærstu lífeyrissjóðir landsins tóku
þátt í útboðinu auk annarra stærri fagfjár-
festa. Tæplega 1,9 milljónir hluta voru seldir
hér að landi að markaðsverðmæti í kringum
hundrað milljónir Bandaríkjadala. Í Banda-
ríkjunum, þar sem mestur hluti útboðsins fór
fram, var eftirspurnin einnig mikil. Í heildina
voru 8.337.000 hluta boðnir út. Markaðsverð-
mæti þeirra var 437 milljónir Bandaríkja-
dala. Allt það hlutafé sem selt var í útboð-
inu var eyrnamerkt uppbyggingu álversins
í Helguvík.
Íslenskir fagfjárfestar hafa greinilega álit-
ið Century vænan fjárfestingakost og góða
viðbót við eignasafn sitt. Samanborið við
stærri bandarísku álfélögin, Alcoa og Alcan,
telst það líka lágt verðlagt. Grundartangi
og stækkunin þar hefur verið Century mjög
mikilvægt. Bygging álvers í Helguvík yrði á
sama hátt mjög jákvætt skref fyrir félagið.
FER LÍKLEGA Á AÐALMARKAÐINN
First North markaðnum, sem bréf Century
voru skráð á, er fyrst og fremst ætlað að veita
smáum fyrirtækjum í örum vexti greiðan að-
gang að norrænum og alþjóðlegum fjármála-
mörkuðum. Century á ekki beint við þessa
skilgreiningu. Það er því langstærsta félag-
ið á markaðnum. 140 milljarða markaðsverð-
mæti þess er um það bil helmingi meira en
næststærsta félagsins á First North.
Tímamótaskráning
í Kauphöll Íslands
Bandaríska álfyrirtækið Century Aluminum var skráð í Kauphöll Íslands í síðustu viku. Um er að
ræða tvíhliða skráningu. Hólmfríður Helga Sigurðardóttir skoðaði væntingar um viðskipti með félagið
og framtíðarmöguleika þess í Kauphöll Íslands.
Viðtökur Íslendinga
langt framar vonum
Bandaríska álfyrirtækið
Century Aluminum varð
hluti af íslensku samfé-
lagi þegar það keypti álver
Norðuráls á Grundar-
tanga árið 2004. „Okkur lík-
uðu viðskiptahættirnir og
hvernig hlutirnir eru gerð-
ir hér á Íslandi. Við sáum
fljótt að Ísland væri ákjós-
anlegur staður til álfram-
leiðslu,“ segir Logan Kru-
ger, forstjóri Century Alu-
minum.
Century hefur í nokkur ár
leitað að hentugri bygging-
arlóð fyrir annað álver á Ís-
landi. Helguvík varð fyrir
valinu. „Samfélagið á Suð-
urnesjum varð fyrir áfalli
vegna lokunar bandarísku
herstöðvarinnar á síðasta
ári. Við höfum unnið náið
með yfirvöldum á svæðinu
og eftir tveggja ára
undirbúning erum
við nú að hefja
þróun verkefnis-
ins,“ segir Kru-
ger.
Kruger segir
samband fyrir-
tækisins við
íslenskt sam-
félag hafa
styrkst jafnt
og þétt. „Við
höfum átt
mjög gott
samstarf við
sveitarfélög,
unnið náið
með íslensk-
um verktök-
um og fjármagn-
að okkur í gegn-
um íslenska banka.
Nú höfum við feng-
ið íslenska fjárfesta
til félagsins. Sam-
band okkar við þjóð-
ina hefur því vaxið
jafnt og þétt og er
orðið mjög náið.“
Til undirbúnings
framkvæmdanna í
Helguvík fór Cent-
ury nýverið í hluta-
fjárútboð þar sem
fagfjárfestum gafst kostur
á að kaupa 7.250.000 nýja
hluta. Nýja hlutafénu verð-
ur varið beint til uppbygg-
ingar álversins í Helguvík.
„Það var eðlilegt framhald af
sambandi okkar við Íslend-
inga að fá íslenska fjárfesta
að félaginu,“ segir Kruger.
„Það kom okkur skemmti-
lega á óvart hversu mikil
þátttaka var í útboðinu. Við
bjugg-
umst við góðum viðtökum.
Þær voru hins vegar mun
betri en við þorðum að von-
ast eftir.“ Hann segist líta
svo á að næsta skref hafi
verið tekið í átt að nánara
sambandi við Íslendinga.
„Fyrst voru það sveitarfé-
lögin, svo íslensk fyrirtæki
á borð við bankana, skipa-
félög og ríkisstofnanir og
nú síðast íslensku fjárfest-
arnir. Við vitum að íslensk-
ir fjárfestar eru snjallir og
skynsamir. Þeir hafa greini-
lega séð málið á eins já-
kvætt og við gerum.“
Kruger virðist ekki
í nokkrum vafa um að af
framkvæmdum í Helguvík
verði. „Við erum mjög bjart-
sýn á að af framkvæmdun-
um verði. Við höfum tileink-
að okkur íslenska viðskipta-
hætti. Við vinnum okkur
áfram á mjög lágstilltan
og kerfisbundinn hátt.
Við nálgumst málið
í áföngum því við
vitum að það er best
fyrir íslenskt efna-
hagslíf.“ Hann segir
fyrstu skref fram-
kvæmdanna í Helgu-
vík verða tekin í lok
þessa árs eða upp-
hafi þess næsta.
Því muni ljúka árið
2010. Eftir það verði
næstu skref und-
irbúin. „Við reynum
að haga okkar vinnu í
samhljómi við skilyrði
íslenskra sveitarfélaga,
efnahagslífsins og ríkis-
stjórnarinnar. Við höfum
fengið mjög góðan stuðn-
ing. Við höfum til dæmis
fengið sveitarfélögin til
liðs við okkur við hönn-
un álveranna frá byrjun.
Það voru þau sem tóku
ákvörðun um bygging-
arstað álversins.“
Við höfum
átt mjög gott
samstarf við
sveitarfélög,
unnið náið
með íslenskum
verktökum og
fjármagnað
okkur í gegn-
um íslenska
banka. Nú
höfum við
fengið íslenska
fjárfesta til
félagsins.
Samband
okkar við þjóð-
ina hefur því
vaxið jafnt og
þétt og er orðið
mjög náið.