Fréttablaðið - 20.06.2007, Blaðsíða 20

20. JÚNÍ 2007 MIÐVIKUDAGUR12 fréttablaðið verk að vinna
Bauma-vinnuvélasýningin er
stærsta sýningin sem leggur
áherslu á tæki og tól til jarð-
vinnu og mannvirkjagerðar.
Sýningin er haldin í München
þriðja hvert ár. Áhugi Íslend-
inga á þessari sýningu er mikill
en á sjötta hundrað Íslending-
ar heimsóttu sýninguna í ár.
„Við höfum farið á þessa sýn-
ingu allt frá því að fyrirtækið
var stofnað,“ segir Ólafur Bald-
ursson, sölustjóri Kraftvéla, sem
sendi tíu starfsmenn á sýninguna
að þessu sinni.
„Komatsu og aðrir aðilar sem
við erum með umboð fyrir eru
með bása á sýningunni og fyrir-
tækin eru dugleg að kynna nýj-
ungar á sýningunni. Viðskipta-
vinir okkar geta hitt okkur við
básana og skoðað það sem er að
gerast í nýjungum.“
Kraftvélar voru með starfs-
menn alla sýningardagana og
fengu þeir heimsóknir frá fjölda
verktaka sem óskuðu eftir upp-
lýsingum og aðstoð varðandi það
nýjasta um tæki og búnað sem
Kraftvélar selja.
Aðsókn að sýningunni í ár var
sú mesta frá upphafi en um hálf
milljón heimsótti sýningarsvæð-
ið. Aukningin á milli sýninga var
um tuttugu prósent og voru að-
standendur sýningarinnar mjög
ánægðir með þennan mikla áhuga,
að því er fram kemur í fréttatil-
kynningu frá skipuleggjendum
hennar. Sýningaraðilar voru frá
190 löndum.
„Svona sýningar skipta miklu
máli, sérstaklega í þessum iðnaði
þar sem mikið er um nýjungar,“
segir Ólafur. hnefill@frettabladid.is
Metaðsókn á Bauma-vinn
Ólafur Baldursson hjá Kraftvélum segir sýninguna hafa heppnast mjög vel. Hér er hann kominn aftur til landsins og stendur við vélaflota
Á sýningarbás Komatsu á Bauma-sýn-
ingunni.
Yuchai
Mest seldu smá-beltagröfur
á Íslandi 2006