Fréttablaðið - 21.06.2007, Blaðsíða 65

Þriðja kvöldganga sumarsins sem
kennd er við Kvosina, fer fram á
sólstöðum og er í umsjá Listasafns
Reykjavíkur. Í göngunni mun Guja
Dögg Hauksdóttir, arkitekt og
deildarstjóri byggingarlistardeild-
ar Listasafns Reykjavíkur, sýna
elstu og yngstu hús miðbæjarins.
Í för sinni leitast hún við að lesa í
form, efni og frágang húsanna sem
og tengingu þeirra við staðinn.
Þegar líður á gönguna er lagt til
að gestir skyggnist eftir góðum
stað fyrir daggarbað Jónsmessu-
næturinnar.
Meginhluti bygginga borgarinn-
ar er reistur eftir aldamótin 1900
og hafa því flestar byggingarnar
sprottið úr hugmyndafræði mód-
ernismans sem snýst um hreina
fagurfræði óháða sögulegri teng-
ingu við eldri byggingar hvað
varðar form, efni eða staðbundinn
menningararf. Undir aldamótin
2000 hyllti hins vegar undir þörfina
fyrir að hnýta aftur saman sjálfs-
ímynd og sérkenni hvers staðar og
byggingarlistin tók í auknum mæli
mið af landslagi sínu, bæði hvað
varðar náttúrulegt umhverfi og
eldri hús sem fyrir voru með sögu
og sál í farteskinu.
Gangan hefst kl. 20 og tekur um
klukkustund. Lagt er af stað úr
Grófinni, milli Tryggvagötu 15 og
17 og er þátttaka ókeypis.
Sumarsólstöðuganga
Kómedíuleikhúsið stendur fyrir
leiklistarhátíðinni Act Alone á Ísa-
firði í næstu viku en hátíðin verð-
ur nú haldin í fjórða sinn. Hátíð-
in Act Alone er helguð einleikjum
og er eina árlega leiklistarhátíðin
á Íslandi. Dagskráin er þegar orðin
smekkfull því boðið verður uppá
hvorki fleiri né færri en átján ein-
leiki auk leiklistarnámskeiða og
fleira skemmtilega einleikið dag-
ana 27. júní til 1. júlí næstkomandi.
Á fyrstu einleikjahátíðinni 2004
var boðið uppá þrjá íslenska ein-
leiki auk fyrirlesturs um einleiks-
formið. Hátíðin hefur vaxið og
dafnað æ síðan og eru nú yfir tut-
tugu viðburðir skipulagðir í tengsl-
um við hátíðina.
Hátíðin verður sett í Alþýðuhús-
inu á Ísafirði næstkomandi mið-
vikudag með sýningu heimilda-
myndarinnar „Leikur einn“ sem
gerð var um hátíðina í fyrra. Um
kvöldið verða sýndir tveir stutt-
ir einleikir eftir Benóný Ægisson í
Hömrum á vegum Litla Leikklúbbs-
ins. Leikstjóri þeirra sýninga er
Elfar Logi Hannesson, hvatamað-
ur hátíðarinnar og innsti koppur í
búri Kómedíuleikhússins sem sinnt
hefur einleikjaforminu betur en
flestir.
Síðan taka við fjölbreyttir við-
burðir, til dæmis námskeið um
brúðuleikhús og einleiki auk mál-
þings um hið síðarnefnda. Meðal
gesta á hátíðinni er danski leikhús-
listamaðurinn Ole Brekke sem mun
skemmta gestum í líki trúðsins Ot-
omoto líkt og í fyrra. Síðan er von á
gestasýningu frá Eistlandi.
Stoppleikhópurinn, Sögusvuntan,
Möguleikhúsið og fyrrgreint Kóm-
edíuleikhús eru síðan meðal þeirra
fjölmörgu leikhópa er munu sýna á
verk á hátíðinni.
Undir lok hátíðarinnar mun Guð-
rún Ásmundsdóttir flytja ásamt
fríðu föruneyti óvenjulegt verk
sem heitir „Ég lít í anda liðna tíð“
en þar segir hún frá leikferð á Ísa-
fjörð með hið fjölsýnda gaman-
verk Ævintýri á gönguför. Með í för
voru Ísfirðingarnir Brynjólfur Jó-
hannesson og Áróra Halldórsdótt-
ir sem sögðu henni frá leikhúsinu á
Ísafirði og þar kynntist hún einnig
leikkonunni Sigrúnu Magnúsdótt-
ur. Inn í sögu þeirra verður flétt-
uð saga Sigvalda Kaldalóns, þegar
hann lifði og starfaði sem læknir
að Ármúla við Ísafjarðardjúp. Karl
Oluf Bang fóstursonur Sigvalda
kemur einnig við sögu í leiknum.
Þarna verður á ferð einstakt sögu-
leikhús með söngvum sem enginn
ætti að missa af.
Þá verður einnig opnuð myndlist-
arsýning í félagsheimilinu Haukdal
í Dýrafirði á verkum eftir listahjón-
in Gunnar Guðmundsson og Guð-
mundu Jónu Jónsdóttur frá Hofi
í Dýrafirði. Bæði fóru sínar eigin
leiðir í listinni og eru því í hópi svo-
nefndra einfara í hinum íslenska
myndlistarheimi.
Stjórn Act Alone 2007 skipa
Brynja Benediktsdóttir, Elfar Logi
Hannesson, Jón Viðar Jónsson og
Marsibil G. Kristjánsdóttir en allar
nánari upplýsingar er hægt að nálg-
ast á heimasíðunni www.actalone.
net.
Einleikið vestra
Rúm
196x178 cm
Sæti SætiFæranlegt
matborð
Eldhús
Bekkur með útdrægu rúmi
Rúm
196x122 cm
Fiskislóð 1 • Sími 580 8500 • www.ellingsen.is