Fréttablaðið - 22.06.2007, Page 8

Hver veiddi fyrsta laxinn í
Elliðaánum í sumar?
Hvaða líkamsræktarfrömuð-
ur ræktar um þessar mundir lík-
ama Björns Inga Hrafnssonar?
Hvaða sautján ára íslenski
knattspyrnumaður hefur skrifað
undir samning við hollenska
liðið AZ Alkmaar?
Nýr vefur Kvennaslóða
var opnaður á málfundi í Þjóð-
minjahúsinu í gær. Þorgerður
Katrín Gunnarsdóttir mennta-
málaráðherra opnaði vefinn form-
lega.
Markmið Kvennaslóða er að
gera þekkingu kvenna sýnilega og
aðgengilega fyrir fjölmiðla, fyrir-
tæki og stjórnvöld. Á vefnum
www.kvennaslodir.is má finna
hæfar konur til margvíslegra
starfa með skjótum hætti. RIKK,
Rannsóknarstofa í kvenna- og
kynjafræðum sér um vefinn.
„Það er full ástæða til að starf-
rækja vef á borð við Kvennaslóðir,
brýn nauðsyn að fólk nýti sér hann
og að það verði vitneskja meðal
fjölmiðlamanna um hann,“ sagði
Þorgerður Katrín.
„Það er staðreynd að konur bera
á flestum sviðum skarðan hlut frá
borði,“ sagði Þorgerður. „Samt er
enginn tilbúinn að halda því fram
að konur séu síður hæfar en karl-
ar til að gegna æðstu stöðum í
sveitarfélögum og fyrirtækjum.“
Margrét Kristmannsdóttir, for-
maður Félags kvenna í atvinnu-
rekstri, flutti einnig erindi.
„Við konur getum gert annan
mjög einfaldan hlut til að bæta
stöðu okkar kvenna, en hann felst
einfaldlega í því að styðja hver
aðra,“ sagði Margrét.
Hæfar konur til allra starfa
Ferð kajakræðaranna
tveggja sem björgunarsveitir
leituðu að í byrjun síðustu viku
gengur vel. Parið er nú komið
norður á Öxarfjörð og stefnir
hratt austur fyrir land.
Freya Hoffmeister og Greg
Stamer lögðu upp í hringferð sína
umhverfis Ísland frá Garðskaga
laugardaginn 9. júní. Markmiðið
er að ljúka ferðinni á skemmri
tíma en áður hefur verið gert.
Á heimasíðu Freyu kemur fram
að ferðin hafi gengið vel og veður
hafi verið hagstætt. Þau tóku land
á Siglufirði síðastliðinn þriðjudag
og skrifuðu þá fréttir af sér á
síðuna.
Ferð ræðar-
anna miðar vel
Nautarúllan frá SS er vafin inn í
netta rönd af svínaspekki,
taðreykt en þó með mildu en
sjarmerandi reykbragði sem
minnir dálítið á hangikjöt. Það er
því tilvalið að nota SS nautarúllu
á svipaðan hátt og hangiálegg
eða feta nýjar slóðir eins og t.d.
hér er sýnt. Nautarúllan hefur
fengið gullverðlaun í
fagkeppnum bæði hér heima og
erlendis.
Ilmandi
álegg frá SS
www.ss.isF
íto
n
eh
f.
/
S
ÍA
„Þetta er stærsti hópur
sem hefur farið í útskriftarferð frá
Íslandi,“ segir Þóra Björk Halldórs-
dóttir, fararstjóri Heimsferða á
Fuerteventura á Kanaríeyjum.
Eins og kom fram í Fréttablaðinu
lenti 240 manna útskriftarhópur frá
Verzlunarskóla Íslands í hrakning-
um á Fuerteventura í upphafi sum-
ars þegar herlögregla tók að vakta
hópinn á nóttunni þegar þau
skemmtu sér og á fundum sem
haldnir voru vegna skemmdar-
verka og drykkjuláta á hótelinu.
„Flestir voru til fyrirmyndar en
auðvitað voru svartir sauðir innan
um,“ segir Þóra Björk. Hún segir að
samkvæmt lögum þurfi að kalla til
lögreglu ef fleiri en hundrað manns
safnast saman og því hafi hótel-
stjórinn ekki þorað öðru en kalla til
herlögreglu þegar allur hópurinn
safnaðist saman á fund. „Sumir
krakkarnir voru hræddir við lög-
regluna,“ segir Þóra Björk. Hún
bætir við að vikudvöl sé hámarks-
tími fyrir svona ferðir og nauðsyn-
legt að hóparnir séu miklu minni en
hópur Verzlunarskólans í ár.
Yfirvöld í Taívan hétu
því á miðvikudag að þjóðarat-
kvæðagreiðsla
um að ganga á
ný í Sameinuðu
þjóðirnar yrði
haldin þrátt
fyrir hörð
mótmæli frá
Kína. Atkvæða-
greiðslan fer
líklega fram á
næsta ári að
sögn forseta Taívans, Chen Shui-
bian.
Verði inngangan samþykkt þarf
öryggisráð SÞ að staðfesta hana
sem má teljast ólíklegt að gerist
þar sem Kína hefur neitunarvald
í ráðinu. Kínversk stjórnvöld álíta
Taívan hluta af Kína þótt eyjan
hafi haft sjálfsstjórn frá árinu
1949.
Taívanar kjósa
um aðild að SÞ
Rétt tæplega
fertugur maður, Ari Kristj-
án Runólfsson, var í Hér-
aðsdómi Reykjavíkur í gær
dæmdur í sex ára fangelsi
fyrir tilraun til manndráps í
byrjun apríl síðastliðinn.
Hann stakk 48 ára mann í
hjartastað í heimahúsi eftir
rifrildi yfir fótboltaleik.
Lögreglumenn voru kallaðir
að húsi við Hátún að kvöldi 3.
apríl, þar sem maður hafði
verið stunginn. Þegar þá bar að
kom Ari Kristján út á móti þeim,
blóðugur og ofurölvi, og tilkynnti
þeim að hann hefði stungið mann
með hníf. Inni voru fjórir menn,
þar af ölvaður maður með tvö
stungusár á bringunni.
Hann var fluttur á sjúkrahús og
meðan á skoðun stóð hrakaði
honum snögglega og fór í hjarta-
stopp. Þá var hann skorinn upp í
skyndi og fingri stungið í gat sem
fannst á hjarta hans. Því næst var
gert að meiðslum hans. Fram
kemur í dómnum að kraftaverki
eða læknisfræðilegi afreki megi
þakka það að hann sé á lífi.
Aðdragandi árásarinnar er nokk-
uð óljós sökum ölvunar vitna, en
ljóst þykir að fórnarlambið hafi
„reynst [Ara] þungur í skauti“
umrætt kvöld. Sá stungni, sem hafi
verið „óaárennilegur rumur“ að
sögn Ara, hafi veist að honum með
munnsöfnuði nær strax og Ara bar
að garði. Þeir hafi rifist mikið og
maðurinn hafi meðal annars hótað
því að kasta Ara fram af svölum
hússins. Ari kvaðst hafa við það
verið gripinn ofsahræðslu vegna
áþekkrar lífsreynslu í æsku.
Einhverju síðar hafi Ari
Kristján farið inn í eldhús íbúð-
arinnar, sótt þar steikarhníf,
gengið rakleiðis að manninum
og stungið hann tvívegis.
Ari Kristján neitaði því
ekki að hafa ráðist á manninn
með hnífi en sagðist lítið
muna eftir því vegna ölvun-
ar. Dómnum þótti sannað að
fórnarlambið hafi reynst
Ara erfitt um kvöldið. Það
afsaki þó að engu leyti við-
brögð Ara, einkum í ljósi þess
að Ari hafi ekki brugðist við í
stundarbrjálæði, heldur látið
nokkra stund líða frá síðasta rifr-
ildinu við manninn, þar til hann
stakk hann.
Ari þarf að greiða fórnarlamb-
inu eina og hálfa milljón króna í
skaðabætur. Til frádráttar fangels-
isvistinni kemur óslitið gæsluvarð-
hald frá 4. apríl.
Stakk erfiðan
mann tvisvar
í bringuna
Ari Kristján Runólfsson dæmdur í sex ára fangelsi
fyrir tilraun til manndráps. Kraftaverki eða læknis-
fræðilegu afreki að þakka að fórnarlambið er á lífi.
Greiningum á klamydíu-
smitum hefur fjölgað verulega í
Færeyjum undanfarinn áratug
samkvæmt lýðheilsufræðingnum
Malan Egholm sem hefur gert rit-
gerð um hvernig fyrirbyggja megi
klamydíusmit í Færeyjum. Vefút-
gáfa Útvarps Færeyja greinir frá
þessu.
Árið 1997 greindust 5,1 prósent
þeirra sem komu í kynsjúkdóma-
skoðun í Færeyjum með klamydíu.
Árið 2006 var þetta hlutfall komið
upp í 11,2 prósent og hafði því
meira en tvöfaldast.
Egholm segir mikilvægt að bæta
kynlífsfræðslu í skólum svo börn
læri um kynsjúkdómavarnir og að
hrinda þurfi af stað almennum
upplýsingaherferðum.
Bæta þarf kynfræðslu