Fréttablaðið - 14.07.2007, Blaðsíða 4
edda.is
vinsÆlasta
Íslenska
unglingabÓk
allra tÍma
komin
Í kilju!
Aðeins
1.290 kr.
„Honum hefur hrakað
mjög mikið og er farinn að sýna
mikla áráttuhegðun sem ekki var
til staðar í Englandi þar sem hann
naut þjónustu. Hér fáum við ekki
einu sinni pláss fyrir hann á leik-
skóla,“ segir Halla Rut Bjarnadótt-
ir, móðir Ívans Victors, fjögurra
ára einhverfs drengs.
Ívan var
ásamt yngri
bróður sínum á
biðlista eftir
leikskólaplássi á
leikskólanum
Heiðarborg. Í
maí var komið
að drengjunum
en þá tilkynnti
Emelía Möller
leikskólastjóri
Höllu að aðeins
yngri drengur-
inn hennar fengi
inni í leikskól-
ann. Ekki væri
til nægur mann-
skapur til að
sinna jafn veiku
barni og Ívan,
þótt reglur
Reykjavíkur-
borgar kveði á
um að fötluð börn eigi að njóta
forgangs fram yfir heilbrigð börn.
Halla segist hafa fengið þau svör
frá borginni að barnið fái inni í
haust í öðru hverfi en fjölskyldan
býr í. Hún segir þessa löngu bið þó
reyna mjög á, sérstaklega í ljósi
þess hve þjónusta og þjálfun sem á
að vera veitt á leikskóla er mikil-
væg börnum með jafn alvarlega
fötlun. „Mér er sagt að leikskólinn
hafi ekki mannafla til að veita
honum þjónustu og því þykir mér
furðulegt að það eina sem mér er
boðið upp á er gæsla á gæsluvelli
þar sem hann getur verið hjá ófag-
lærðu fólki í um þrjá tíma á dag.
Það þykir svo allt í lagi,“ segir
Halla.
„Mér finnst ótrúlegt að heyra
þetta. Og ótrúlegt að ekki hafi verið
leitað frekari leiða til að leysa
vanda þessarar fjölskyldu. Það er
margsannað að snemmtæk og
markviss íhlutun er einhverfum
börnum afar mikilvæg, fyrir færni
þeirra og vellíðan. Þess vegna
hefur Reykjavíkurborg það í
reglum sínum að börn með
sérþarfir eigi að njóta forgangs,“
segir Gerður Aagot Árnadóttir,
læknir og formaður Landssamtaka
Þroskahjálpar.
Halla og eiginmaður hennar geta
ekki unnið nema hálfa vinnu vegna
þess að leikskólapláss skortir. Hún
segir fjölskylduna undir miklu
álagi vegna veikinda Ívans en kvíð-
inn vegna þeirra afleiðinga sem
hljótist geti af því að hann fari á
mis við þjálfun sem honum er
nauðsynleg sé þó enn meiri.
„Það var svo afar kaldhæðið að
þegar ég ætlaði að fara með hann á
gæsluvöllinn hafði leikskólinn
Heiðarborg fengið lóðina þar lánaða
þar sem Brúðubíllinn var að koma í
heimsókn. Þar sem börnin á leik-
skólanum áttu að fá að horfa á sýn-
inguna var okkur vísað frá þennan
dag,“ segir Halla.
Fær ekki hjálp þótt
heilsunni hraki
Fjögurra ára einhverfur drengur sem þarf á mikilli þjónustu og þjálfun að halda hefur
ekki fengið inni á leikskóla. Samkvæmt reglum Reykjavíkurborgar á hann þó að njóta
forgangs. Heilsu hans hrakar. Læknir segir aðstæðurnar algerlega óviðunandi.
Nítján ára gamall Íslendingur
brotnaði illa á báðum fótum í
Amsterdam um síðustu helgi
þegar hann stökk af svölum
hótelsins sem hann dvaldi á, undir
áhrifum ofskynjunarsveppa.
Fram kemur á vef hollenska
blaðsins De Volkskrant að
maðurinn, sem var á ferðalagi í
borginni, hafi borðað þrettán ferska
ofskynjunarsveppi ásamt félaga
sínum. Hann hafi þá fyllst ofsóknar-
æði, hulið eyru sín með höndunum,
hlaupið að svölunum og stokkið
fram af. Hann reyndi að skríða
áfram eftir að hann lenti en komst
ekki langt sökum meiðslanna.
Hann var fluttur á spítala og
reyndist mikið meiddur. Ekki er
víst að hann nái sér nokkru sinni
að fullu af fótameiðslunum. Faðir
mannsins flaug til Amsterdam til
að sækja hann og var von á þeim
til Íslands í gær.
Fram kemur í fréttinni að
ferskir ofskynjunarsveppir séu
löglegir í Hollandi, en þurrkaðir
ekki. Þá segir að tvö önnur alvarleg
tilvik hafi komið upp á
undanförnum mánuðum í kjölfar
neyslu ferskra sveppa. Í mars lést
sautján ára stúlka eftir að hafa
stokkið niður af þaki húss. Í júní
sturlaðist breskur ferðamaður,
gekk berserksgang á hótelherbergi
sínu og kastaði munum út um
gluggann niður á gangstétt með
þeim afleiðingum að gangandi
vegfarandi slasaðist.
Aðeins einn sótti um
embætti sóknarprests Dóm-
kirkjuprestakalls í Reykjavík-
urprófastsdæmi vestra; séra
Hjálmar Jónsson. Umsókn-
arfrestur rann út 10. júlí síð-
astliðinn, en embættið er veitt frá
1. október næstkomandi. Björn
Bjarnason, dóms- og kirkjumál-
aráðherra, veitir embættið.
Séra Jakob Á. Hjálmarsson,
sóknarprestur við Dómkirkjuna í
Reykjavík, lætur af embættinu í
haust að eigin ósk. Hann var
skipaður sóknarprestur árið 1989
og hefur því gegnt embættinu í
nítján ár. Hjálmar Jónsson er
prestur við Dómkirkjuna.
Hjálmar eini
umsækjandinn
Stjórn Heimdallar segir
ótrúlegt að opinberir eftirlitsmenn
noti þá sólardaga sem borgarbúar
fá til þess að framfylgja reglum
um borðafjölda veitingastaða.
Kemur þessi yfirlýsing í kjölfar
frétta um afskipti starfsmanna
Víneftirlitsins af kaffihúsagestum
og eigendum sem höfðu fleiri borð
úti en leyfi voru fyrir á dögunum.
Segir stjórnin það broslegt að
yfirvöld hafi sett í lög þann fjölda
borða sem kaffihús og veitinga-
staðir megi hafa utandyra. Gestir
sem sitji úti valdi hvorki truflun
né hættu og hvetur Heimdallur
starfsmenn eftirlitsins til að njóta
veðurblíðunnar með öðrum.
Víneftirlitið
fari í sumarfrí
Átta lóðir undir
einbýlishús í Úlfarsárdal gengu af
í nýafstaðinni úthlutun. Að sögn
Dags B. Eggertssonar, oddvita
Samfylkingarinnar í borgarstjórn,
sóttu ýmist engir um þessar lóðir
eða væntanlegir
kaupendur hættu
við. Dregið var um
lóðirnar úr hópi
umsækjenda.
„Allir áttu að
greiða jafnhátt
verð, ellefu
milljónir, fyrir
einbýlishúsalóð-
ina, óháð staðsetn-
ingu lóðanna eða stærð væntan-
legra húsa. Mesta athygli í nýjum
úthlutunarreglum hefur þó vakið
að hið fasta verð er margfalt
gatnagerðargjald en það gengur
gegn skýrum kosningaloforðum
Sjálfstæðisflokksins í síðustu
borgarstjórnarkosningum um
ódýrar lóðir fyrir alla,“ segir
Dagur.
Átta lóðir enn
án kaupanda
Úthlutun lóða í
Úlfarsárdal hefur verið samþykkt í
borgarráði. Úthlutað var bygging-
arrétti fyrir 380 íbúðum í fjórum
fjölbýlishúsum, ellefu raðhúsum,
27 parhúsum og 65 einbýlishúsum.
Samtals eru þetta 107 lóðir og 380
íbúðir. Lóðir í vestari hluta
hverfisins eru þegar byggingar-
hæfar og eru sumir komnir af stað
með framkvæmdir. Í eystri
hlutanum verða lóðir byggingar-
hæfar í október eða nóvember. Þar
er nú unnið við gatnagerð og lagnir.
Um tíu þúsund manns verða í
Úlfarsárdal þegar hverfið verður
fullbyggt. Sjá má lista yfir
lóðarhafa í frétt á heimasíðu
framkvæmdasviðs undir rvk.is.
Gengið frá
lóðaúthlutun