Fréttablaðið - 14.07.2007, Síða 26
Loftleiðarútan hjá Guðmundi
Jónassyni ehf. er hátt í hálfrar
aldar gömul. Hún er samt í
fullu fjöri enda nýuppgerð.
Fyrrum starfsmenn Loftleiða
hafa þann sið að hittast í Keilu-
höllinni í Öskjuhlíð fyrsta fimmtu-
dag hvers mánaðar til að rabba
saman og rifja upp gamlar minn-
ingar. Eftir júlíhittinginn fengu
þeir óvænta heimsókn. Þá kom
Gunnar Guðmundsson forstjóri
hjá Guðmundi Jónassyni ehf. á
nýuppgerðri rútu af árgerð 1960
með merki Loftleiða framan á og
bauð hópnum á rúntinn. Bifreið sú
var mikið notuð til flutnings flug-
áhafna og farþega milli Reykja-
víkur og Keflavíkurflugvallar á
tímum gamla Keflavíkurmalar-
vegarins. Einnig voru farþegar á
leið frá Lúxemborg til Bandaríkj-
anna ferjaðir í henni frá Reykja-
víkurflugvelli niður í Tjarnar-
kaffi í Oddfellowhúsi til að borða
kvöldverð á meðan eldsneyti var
sett á vélarnar.
Allir Loftleiðamennirnir mundu
vel eftir bílnum, flestir höfðu
verið farþegar í honum fyrr á
árum og glöddust yfir að hitta
þennan gamla farkost aftur.
Bifreiðin er af gerðinni Mer-
cedes Benz LP 322 og tekur 34
farþega. Guðmundur Jónasson
festi kaup á henni af Ræsi hf árið
1960 og kom undirvagninn til
landsins þá um sumarið en yfir-
byggingin var smíðuð í Bílasmiðj-
unni á Laugavegi 176. Smíðinni
lauk í nóvember og var bifreiðin
skráð R 373 og tekin strax í
notkun.
Auk ferða með flugfarþega til
og frá Keflavík voru farnar áætl-
unarferðir á rútunni til Hólmavík-
ur og ferðir með hópa vítt um
landið.
Eftir að reglur um hægri
umferð tóku gildi, 26. maí 1968,
var farþegahurðin færð af vinstri
hlið á þá hægri en stýrið var
áfram hægra megin.
Upphaflega var rútan með
afturdrifi en var breytt um 1970 í
framdrifsbifreið og var eftir það
meira notuð til fjallaferða. Alan
Mytton, breskur ferðafrömuður
sem kom með hópa til landsins í
áratugi, fór að nota hana um 1980
fyrir ferðir sínar um Ísland og
vildi enga aðra bifreið og var hún
í ferðum fyrir hann til aldamóta. Í
dag hefur hún að mestu sitt upp-
haflega útlit, sömu sætin, sama lit
og sömu farangursþakgrind. Vél-
inni hefur þó verið breytt úr 120
hestöflum í 140.
Nýuppgerð eðalbifreið
með íslensku húsi
Undanfarin ár hefur hjólhýsum
fjölgað verulega á Íslandi og
samhliða því merkja forráða-
menn Norrænu að fólk ferðist
í auknum mæli með slík híbýli
til útlanda.
„Ég hef voðalega lítið tölulegt
fyrir mér en við sjáum auðvitað
mikið af hjólhýsum koma og fara
með skipinu,“ segir Jóhann Jóns-
son framkvæmdastjóri Austfars á
Seyðisfirði og bætir því við að það
sé engin spurning um að aukning
hafi verið á þessum ferðamáta á
undanförnum árum. „Fólk byrjar
oft á að ferðast innanlands þegar
það fær hjólhýsi en leitar síðan út
fyrir landsteinana með það. Eins
hefur alltaf verið eitthvað um það
í gegnum tíðina að fólk kaupi sér
hjólhýsi erlendis og flytji hingað
heim með Norrænu.“
Jóhann segir að auðvitað þurfi
að borga aukalega fyrir aftaní-
vagna enda taki þeir oft heilmikið
pláss. „Þetta eru oft mjög stórir
vagnar og það þarf auðvitað að
borga fyrir það. Venjulegur fólks-
bíll er oft í kringum 4,5 metrar en
hjólhýsin eru jafnvel sex til sjö
metra löng,“ segir hann og bætir
því við að ferðamáti fólks sé mjög
mismunandi en þeir sem kjósi að
ferðast með Norrænu séu almennt
á eigin vegum. „Við höfum boðið
upp á pakka með ferð og gistingu
úti en það hefur verið mjög lítil
eftirspurn eftir því. Það er erfitt
að segja til um það hvort hagstæð-
ara sé fyrir fólk að ferðast með
hjólhýsin með sér eða kaupa sér
gistingu þegar út er komið enda
eru margir þættir sem vega þar
á,“ segir Jóhann og bætir því við
að það færist í vöxt að fólk ferðist
með Norrænu. „Við höfum merkt
aukningu ár frá ári í nokkurn tíma.
Skipið siglir allt árið svo við getum
ekki bætt við ferðum en erum að
ná betri og betri nýtingu á skipinu
þannig að þetta vinnst á því,“ segir
Jóhann.
Fjöldi hjólhýsa með Norrænu
SMUR- BÓN OG DEKKJAÞJÓNUSTAN
SÆTÚNI 4 • SÍMI 562 6066
SUMARDEKK
HEILSÁRSDEKK
OLÍS SMURSTÖÐ
BÓN OG ÞVOTTUR
HJÓLBARÐAÞJÓNUSTA
RAGEYMAÞJÓNUSTA
BREMSUKLOSSAR
PÚSTÞJÓNUSTA
ÁRMÚLA 11 | Sími 568-1500 | Lónsbakka | Sími 461-1070 | www.thor.is
Garðtraktorar
Nú er tækifæri að
eignast Sentinel
garðtraktor á
betra verði!
Úrval garðtraktora með
eða án grassafnara,
stærðir 12,5 - 18 hö.