Fréttablaðið - 14.07.2007, Blaðsíða 25
Arnar Sigurðsson er svo hrifinn af bílum að
pabbi hans bjóst við því að framtíðareiginkona
hans yrði að ganga fyrir mótor.
Mótor, bílar og bensín er líf og yndi Arnars Sigurðs-
sonar bifvélavirkja. Hann á þrjá bíla; einn hvers-
dagsbíl Dodge Durango árgerð 1999, gamla Mözdu
sem Arnar kallar kvartmíluapparatið og síðan
sparibílinn Lexus IS 300 turbo.
„Lexusinn var allt annar þegar hann var keyptur
nýr árið 2003. Síðan þá er búið að bæta í hann
túrbókitt, stærri spíssa, bensíndælu og túrbínu-
grein. Þegar ég fékk hann fyrir rúmu ári bætti ég
við annarri tölvu og fór að fikta í henni til að gera
hann öflugri,“ segir Arnar Sigurðsson, bifvélavirki
og bílaáhugamaður.
Bíllinn var 200 hestöfl nýr, en hefur bætt við sig
nokkrum hestöflum síðan hann komst í hendurnar á
Arnari. „Ég nota Lexusinn eiginlega ekki neitt.
Hann stendur mikið heima og er bara notaður um
helgar. Kærastan mín er mikil bílaáhugakona og er
mest á honum. Síðan förum við líka á kvartmílu-
brautina í Hafnarfirði og leikum okkur,“ segir
Arnar sem situr bara í hjá pabba sínum þegar hann
fer í vinnuna.
„Ég hef aldrei farið á Lexusnum í vinnuna. Hann
er bara sparibíll og núna stendur til að selja hann
svo ég geti keypt mér íbúð. Það verður mikil eftir-
sjá en einhverju þarf maður að fórna,“ segir Arnar
sem stefnir á að keppa í kvartmílu í sumar á gömlu
Mözdunni.
Arnar hefur lengi verið í rallíinu, fyrst sem
aðstoðarmaður í fimm ár og síðan sem ökumaður.
Kærastan, Kolbrún Gunnarsdóttir, er forfallin bíla-
áhugakona eins og Arnar og að eigin sögn eru þau
sannkallað bílapar. „Pabbi sagði alltaf að konan mín
yrði að ganga fyrir mótor ef sambandið ætti að
ganga. Enda eru bílar líf mitt og yndi. Það er ekkert
blóð sem streymir um æðarnar á mér. Bara bensín,“
segir Arnar hlæjandi.
Með bensín í æðunum
Mörkinni 6, Símí 588-5518
Opið virka daga frá kl. 10-18 og laugardaga frá kl. 10-16
Hringdu í síma
ef blaðið berst ekki