Fréttablaðið - 14.07.2007, Blaðsíða 50

F
yrsta stopp er án efa
Hróarskelda, þar sem
Íslendingar hafa verið
fjölmennir til margra
ára. Hátíðin er eflaust
sú fyrsta sem kemur
upp í huga Íslendinga þegar kemur
að tónlistarhátíðum á erlendri
grund. Ekki að ástæðulausu, einkar
vel er staðið að hátíðinni. Fjölbreytt
tónlistardagskrá, frábært and-
rúmsloft, bjórinn flæðir sem vatn
og maturinn er góður, sem er langt
frá því að vera sjálfgefið á tónlist-
arhátíðum. Hátíðin fer fram fyrstu
helgina í júlí skammt frá Kaup-
mannahöfn og var þar fjölmenni
sem fyrr. Ekki skemmir fyrir að
hátíðin er haldin sem góðgerðar-
starfsemi og rennur því allur ágóði
tónleikahaldsins til stuðnings tón-
listar-, menningar- og mannúðar-
samtökum. Um 170 hljómsveitir
spiluðu á hátíðinni í ár. Þær þekkt-
ustu ásamt Björk okkar eru The
Who, Beastie Boys, Muse, Arcade
Fire og Arctic Monkeys. Margar
frábærar, minna þekktar hljóm-
sveitir spiluðu á hátíðinni, Wilco,
Young Pony Club, Grizzly Bear,
Cold War Kids og Oh No Ono sem
dæmi. Fyrir þá sem hafa gaman af
raftónlist var einnig margt gott á
boðstólnum, Booka Shade, Trent-
emøller og Justice svo eitthvað sé
nefnt. Slayer lét ekki láta sjá sig
þetta árið, eins og áætlað var, en
hvort einhver gráti þá staðreynd
veit ég ei. Hægt er að hlusta á tón-
list frá hátíðinni á www.radiofesti-
val.org.
Reading og Leeds Festivals eru
enskar systrahátíðir haldnar sam-
tímis í Reading og Leeds, 24.-26.
ágúst. Hátíðirnar bjóða upp á það
besta í rokk-, indí-, pönk- og metal
tónlist. Helstu hljómsveitir sem sjá
má í ár eru Red Hot Chili Peppers,
Smashing Pumpkins, Kings of Leon,
Arcade Fire, Nine Inch Nails og
Razorlight (sömu hljómsveitir spila
á báðum hátíðum). Andrúmsloftið á
þessum hátíðum getur ekki talist
jafn vinalegt og á Hróarskeldu,
mikið magn testósterons í loftinu
og meira um snoðhausa. Maturinn
á boðstólnum er ekki upp á marga
fiska, grænmetisætur ættu að hafa
sérstakan vara á.
A Campingflight to Lowlands
Paradise Lowlands (17.-19. ágúst)
er ein vinsælasta tónlistarhátíð
Hollands ásamt Pink Pop (26.-28.
maí). Um 200 hljómsveitir stíga á
stokk á hátíðinni og um 60 þúsund
gestir staldra við. Andrúmsloftið
er vinalegt og margt annað en tón-
list er á boðstólum, leikrit, kvik-
myndir og uppistand svo fátt eitt sé
nefnt. Tool, Peter, Bjorn & John,
The Killers, Arcade Fire, Basem-
ent Jaxx, Damien Rice, Interpol,
Jimmy Eat World, Justice, Kaiser
Chiefs, Kings of Leon, Klaxons,
M.I.A. og Motörhead koma fram á
hátíðinni ásamt fjölda annarra
hljómsveita.
Fyrir tónlistarunnendur sem eru
tilbúnir að gera sér ferð yfir Atl-
antshafið til Bandaríkjanna eru
nokkrir spennandi möguleikar.
Lollapalooza
Merking Lollapalooza er „merki-
legur eða óeðlilegur hlutur“, sem á
vel við Perry Farrell, manninn bak
við hátíðina. Perry er betur þekkt-
ur sem söngvari Jane’s Addiction,
sem var aðal aðdráttarafl hátíðar-
innar þegar hún hóf göngu sína
1991. Hátíðin naut góðs af vinsæld-
um grugg (grunge) tónlistarstefn-
unnar og var upp á sitt besta árið
1994. Leiðin lá hins vegar niður á
við eftir að Kurt Cobain framdi
sjálfsmorð sama ár, stuttu áður en
Nirvana átti að stíga á svið. Sökum
slæmrar hegðunar tónleikagesta
og fjölda slysa var tónlistarhátíðin
árið 1997 sú síðasta um nokkurn
tíma. Jane’s Addiction kom saman
á ný 2003 og kom Lollapalooza þá
handan móðunnar miklu. Gestir
það árið kvörtuðu sáran yfir háu
miðaverði og hætta þurfti við hátíð-
ina árið eftir, sökum slakrar miða-
sölu. Nú er hátíðin haldin í Chicago-
borg 3.-5. ágúst. Helstu listamenn
sem koma fram í ár eru Daft Punk,
Yeah Yeah Yeah´s, Clap Your Hands
Say Yeah, Muse, Snow Patrol, Int-
erpol, Modest Mouse, The Rapture,
Peter Bjorn & John, Tapes ‘n Tapes,
!!! og TV on the Radio.
Austin City Limits er önnur árleg
þriggja daga hátíð sem hefst 14.
september. Austin er sannkölluð vin
í eyðimörkinni Texas, frábær borg.
Einn stærsti háskóli Bandaríkjanna,
University of Texas Austin, er í
borginni og sjá má gamla hippa á
hverju strái, mjög vinalegt and-
rúmsloft. Tónlistarlíf er í hávegum
haft í Austin og mæta um 65 þúsund
manns á hátíðina árlega til að hlusta
á allt frá kántrí yfir í hipphopp.
Hægt er að sjá fjölda heimsfrægra
listamanna á hátíðinni, Bob Dylan,
Björk, The White Stripes, Wilco,
Arcade Fire, My Morning Jacket,
Queens of the Stone Age, Bloc Party,
Gotan Project, Ziggy Marley, Dec-
emberists og Yo La Tengo svo ein-
hverjir séu nefndir.
Osbourne-fjölskyldan, sem stendur
fyrir tónlistarhátíðinni, ákvað í ár
að skera sig úr fjöldanum með því
að hafa ókeypis inn á alla tónleika
hátíðarinnar, sem sem eru haldnir
víðs vegar um Bandaríkin frá miðj-
um júlí til loka ágúst í sumar. Áhuga-
samir geta farið inn á heimasíðu
hátíðarinnar til að reyna að næla sér
í miða, ég hef þó heyrt að ansi erfitt
sé að ná í einn og slíkir fari fyrir
háar fjárhæðir á eBay-vefsíðunni.
Hljómsveitirnar sem koma fram í
ár eru ekki jafn þekktar og fyrri ár,
en ásamt Ozzy Osbourne sjálfum
má þó nefna Lamb of God, Static-X
og nautin í Lordi.
Fyrir þá sem eru í miklum ferðahug
og eru tilbúnir að ferðast yfir hálfan
hnöttinn til að upplifa tónleikahátíð,
strendur og kengúrubox er Big Day
Out hinn besti möguleiki. Hátíðin
ferðast um Ástralíu og Nýja-Sjáland
og eru tónleikarnir í janúar og
febrúar á hverju ári. Tool, Muse,
Jet, Violent Femmes, The Streets,
The Killers, The Vines, Diplo og Hot
Chip eru meðal þeirra hljómsveita
sem stíga á stokk þetta árið.
Rokk, rigning
og drullumall
Hver fer að verða síðastur að næla sér í miða á eina af
tónlistarhátíðum sumarsins. Sú stærsta í Evrópu, Glastonbury, fór
fram fyrir fáeinum helgum með tilheyrandi rigningu, leðjubaði og
drullumalli. Baldur Héðinsson fjallar um erlendar útihátíðir og veitir
nokkur vel valin ráð um hvernig er best að búa sig undir þær.