Fréttablaðið - 14.07.2007, Blaðsíða 27

Borgin Valencia á Spáni hefur
upp á margt að bjóða eins
og Þórarinn Sigurbergsson
gítarleikari kann að lýsa.
Hann verður leiðsögumaður í
ferð þangað í haust á vegum
Expressferða.
„Valencia er eins og Miðjarðar-
hafsborgir eru gjarnan, hlýleg,
opin og lífleg. Borg sem er vel
þess virði að heimsækja,“ segir
Þórarinn glaðlega þegar hann er
beðinn að lýsa Valencia. „Saga
hennar á rætur langt aftur á 2. öld
fyrir Krist þegar Rómverjar
stofnuðu hana. Hún blómstraði
undir stjórn Mára sem réðu þar
ríkjum í fimm aldir, átti svo aftur
sitt gullaldarskeið á 16. öld og er
núna ein af mikilvægustu hafnar-
borgum Spánar.“
Þórarinn er tónlistarkennari að
atvinnu og lærði einmitt fagið úti
á Spáni. Þar kveðst hann hafa
leiðst út í fararstjórn fyrir Íslend-
inga svo hann er fagmaður í því
líka. Enda stendur ekki á
fróðleiknum. „Valencia er þriðja
stærsta borg Spánar og býður upp
á ansi fjölbreytt mannlíf enda býr
þar í kringum milljón manns.
Þarna eru líka mörg þekkt minnis-
merki eins og hin langa saga gefur
tilefni til. Það er mjög gaman að
skoða dómkirkjuna sem var byrj-
að að reisa á 12. öld og þarna er ein
best varðveitta veraldlega got-
neska byggingin í Evrópu, gamall
silkimarkaður sem starfræktur
var í aldir. Márarnir voru miklir
silkiræktendur.“
Þórarinn segir borgina og hérað-
ið allt þekkt fyrir góða matargerð.
„Paella sem er einn þekktasti þjóð-
arréttur Spánar á þarna upptök sín
og héraðið er orðið mjög framar-
lega í víngerð. Eitt í viðbót verður
að nefna. Borgin er orðin mjög
áhugaverð vegna nútíma arkitekt-
úrs í bland við þann gamla. Þar
kemur aðallega til einn af sonum
borgarinnar sem heitir Calatrava.
Svo eru fallegir garðar innan um
allar byggingarnar.“
En hvernig er svo ferðatilhög-
unin? „Hugmyndin var að setja
upp fjögurra daga ferð, frá
fimmtudegi til sunnudags og
leggja upp 11. október. Ég verð
líka fararstjóri í spennandi tíu
daga ferð til Andalúsíu sem hefst
29. ágúst. Hún er á vegum Express-
ferða og ber yfirskriftina Í fót-
spor Márans. Þá verða heimsóttar
helstu borgir Andalúsíu eins og
Granada og Córdoba.“
Hlýleg, opin og lífleg
Ferðamannabólusetningar
og ráðgjöf
tímapantanir í síma: 535-7700
Læknasetrið Mjódd, Þönglabakka 1
www.ferdavernd.is ferdavernd@ferdavernd.is
ferðavernd
Vetrar
MasterCard
Mundu
ferðaávísunina!