Fréttablaðið - 17.07.2007, Blaðsíða 43

Argentína náði ekki að
fylgja eftir frábærri frammistöðu
í Suður-Ameríkukeppninni og
steinlá 3-0 fyrir Brasilíu í úrslita-
leiknum.
Julio Baptista skoraði fyrsta
markið eftir aðeins fjórar mínútur
og fyrirliði Argentínu, Roberto
Ayala, skoraði síðan sjálfsmark
fyrir hlé. Það var síðan Daniel
Alves sem innsiglaði sigurinn í
seinni hálfleik. Argentína hafði
unnið alla leiki sína í keppninni á
sannfærandi hátt en áttu ekki svör
við kraftmiklum Brössum sem
brutu meðal 37 sinnum á þeim í
leiknum og skoruðu mörk sín úr
skeinuhættum skyndisóknum.
„Við komum hingað til þess að
bjarga sjálfstausti hins dæmi-
gerða stuðningsmanns Brasilíu,
verkamanninn sem fer að heiman
snemma morguns og kemur ekki
heim fyrr en á kvöldin og fær einu
gleðina úr lífinu þegar Brasilía
vinnur,“ sagði Dunga, þjálfari
Brasilíu, dramatískur í leikslok.
Dunga varaði líka Ronaldinho
og Kaka við að þeir þyrftu að hafa
fyrir því að vinna sig inn í liðið en
báðir tóku sér frí til þess að jafna
sig eftir langt tímabil.
Brasilía hefur nú unnið þrjá
þriggja marka sigra í röð á erki-
fjendum sínum og ef marka má
taktíkina í þessum leik þá virðast
þeir kunna orðið á nágranna sína.
Robinho, sem varð markakóng-
ur keppninnar með sex mörk, gat
ekki leynt ánægju sinni eftir leik-
inn. „Þrátt fyrir að ég hafi ekki
náð að skora í úrslitaleiknum er ég
í skýjunum yfir því að hafa unnið
titilinn. Ég hjálpaði í það minnsta
til í vörninni,“ sagði framherjinn
en þéttur varnarleikur Brasilíu-
manna kom sérstaklega mikið á
óvart í keppninni.
Þjálfari Argentínu, Alfio Basile,
tapaði þarna sínum fyrsta leik í 19
leikjum í keppninni en undir hans
stjórn vann Argentína bikarinn
1991 og 1993. Basile neitaði að tala
við fjölmiðlamenn eftir leik.
Brassar eru komnir með fast
tak á Argentínumönnum
HK og Víkingur náðu
bæði í langþráð stig í 2-2 jafntefli
liðanna í Landsbankadeildinni í
gær. Víkingar komust í 2-0 og
fengu mörg færi til að skora fleiri
mörk en HK sýndi mikinn karakt-
er í að vinna sig aftur inn í leikinn
og tryggja sér stigið.
Tvö mörk Víkinga á fyrsta á
hálftímanum þýddu að nýliðarnir
urðu að koma út úr skelinni og
gera eitthvað því þetta var sann-
kallaður sex stiga leikur liða sem
allt hafði gengið á afturfótunum
hjá í undanförnum umferðum.
Magnús Gylfason var í banni og
það virtist hafa mjög góð áhrif á
Víkinga í upphafi leiks. Víkingar
fengu vítaspyrnu eftir aðeins tólf
mínútur. Sinisa Kekic skoraði af
öryggi úr spyrnunni og bjó síðan
til annað mark fyrir Viðar Guð-
jónsson 19 mínútum síðar. Það tók
HK-menn nokkurn tíma að átta sig
á stöðunni en undir lok hálfleiks
náðu þeir ítrekað að skapa hættu í
kringum aukaspyrnur Rúnars Páls
Sigmundssonar. Finnbogi Llorens
féll í teignum eftir eina slíka og
Ólafur Valdimar Júlíusson skoraði
af öryggi úr vítinu. HK var komið
inn í leikinn.
Seinni hálfleikurinn var síðan
opinn í báða enda og bæði lið voru
dugleg í að skapa sér færi. HK-
menn tóku meiri áhættu í leik
sínum og færðu liðið framar á
völlinn en Víkingar voru alltaf
hættulegir í skyndisóknum sínum.
Finnbogi Llorens jafnaði síðan
leikinn með glæsilegum skalla
eftir hornspyrnu Rúnars Páls Sig-
mundssonar og það sem eftir var
leiksins gátu bæði lið skoraði sig-
urmarkið og tryggt sér öll stigin
þó að færi Víkinga væru bæði
fleiri og hættulegri. HK lék síð-
ustu sjö mínúturnar manni færri
eftir að Oliver Jaeger fékk sitt
annað gula spjald.
„Við vorum gjörsamlega á
hælunum í fyrri hálfleik og byrj-
uðum ekkert leikinn fyrr en þeir
voru komnir 2-0 yfir. Við ræddum
málin í hálfleik og það var allt
annað að sjá okkur í seinni hálf-
leik. Við máttum ekki tapa þessum
leik og það er gríðarlega mikil-
vægt fyrir okkur að tapa ekki
fyrir Víking sem er að berjast við
okkur í neðri hlutanum. Þetta var
líka dýrmætt fyrir okkur sjálfa að
sjá það að þó að við lendum undir
og jafnvel 2-0 undir þá getum við
komið til baka og fengið eitthvað
út úr leikjunum,“ sagði Gunnleif-
ur Gunnleifsson, fyrirliði HK.
„Við áttum að vinna þennan leik.
Það var eins og við höfðum orðið
saddir þegar við komumst 2-0 yfir
og þá er skelfilegt að missa þetta
niður. Þetta var fínn leikur í heild-
ina hjá okkur. Við erum að gera
góða hluti fram á við og erum
búnir að breyta um stíl sem er að
skapa okkur mikið af færum. Þetta
eru mikil vonbrigði að missa þetta
niður því við erum í mikilli keppni
við HK og nú eru þeir ennþá
tveimur stigum á undan okkur og
því lítum við á þetta sem tap,“
sagði Grétar Sigurðarson, fyrir-
liði Víkinga.
Við lítum á þetta sem tapaðan leik
Valsmenn galopnuðu bar-
áttuna um Íslandsmeistaratitilinn
með sínum þriðja sigurleik í röð í
Landsbankadeildinni í gærkvöldi.
Erkifjendurnir úr Fram láu í valn-
um í þetta skiptið en Valur er nú
komið með 21 stig í öðru sæti deild-
arinnar, tveimur stigum minna en
Íslandsmeistarar FH, sem hafa
aðeins náð í fjögur stig í síðustu
þremur leikjum.
Fótboltinn sem liðin buðu upp á í
Laugardalnum í gær var ekki sá
besti sem sést hefur í sumar en
baráttan hjá báðum liðum var sann-
arlega til staðar. Valsmenn byrjuðu
leikinn með látum og uppskáru
mark strax í upphafi þegar Guð-
mundur Benediktsson, af öllum
mönnum, skoraði með skalla eftir
hornspyrnu. Framarar vönkuðust
greinilega við markið og áttu í erf-
iðleikum næstu mínútur, ekki síst
við að verjast föstum leikatriðum
Valsmanna. Þeir náðu þó að ranka
við sér eftir því sem leið á fyrri
hálfleik og náðu nokkrum sinnum
að velgja Valsmönnum undir
uggum, án þess þó að skapa sér
nein afgerandi færi. Það eru þó
engin ný tíðindi fyrir Ólaf Þórðar-
son, þjálfara Fram, sem vantar sár-
lega leikmann til að klára færin -
leikmann sem þefar uppi
fyrirgjafirnar inn í vítateignum.
Jónas Grani Garðarsson, sem var
fremsti maður Fram í gær, er ekki
þessi leikmaður. Þetta sést best á
því að þrátt fyrir að Framarar hafi
verið síst lakari aðilinn stóran
hluta fyrri hálfleiks kom fyrsta
markskot liðsins ekki fyrr en á
lokamínútu hálfleiksins. Alls átti
liðið sex skot í leiknum og rataði
ekkert þeirra á markið.
Framarar reyndu hvað þeir gátu
að skapa hættu upp við mark Vals í
síðari hálfleik en vörn þeirra rauð-
klæddu var föst fyrir og gaf afar fá
færi á sér. Smám saman fjaraði
undan sóknartilburðum Framara
og eftir að Kristján Hauksson náði
sér í tvö gul spjöld með rúmlega
einnar mínútu millibili varð allur
vindur úr gestunum. Einum leik-
manni fleiri gátu Valsmenn sigldu
fleyinu örugglega í höfn án telj-
andi mótspyrnu og bætti Kristinn
Hafliðason við öðru marki á 87.
mínútu. „Brottreksturinn setur
okkur gjörsamlega út úr leiknum,”
sagði Ólafur Þórðarson, þjálfari
Fram í viðtali við Sýn í gær.
Eins og áður segir var það vönt-
un á markagræðgi sem varð Fram
að falli í gær, og ekki í fyrsta sinn í
sumar. Liðið verst ágætlega og í
sókninni eru ágætis hugmyndir í
gangi, en leikmenn ná ekki að vinna
nægilega vel úr þeim.
Valsmenn voru alls ekki upp á sitt
besta í gær en gerðu það sem þurfti
og gott betur. Vörnin var mjög öflug
með Atla Svein Þórarinsson sem
besta mann og á miðjunni var Bald-
ur Bett gríðarlega öflugur, sívinn-
andi og spilaði boltanum vel frá sér.
„Við áttum í lungan af leiknum
undir högg að sækja og við lifum
ekki í blekkingu með það. Það er því
ákveðinn styrkur í að vinna svona
leik. Munurinn á liðunum í dag var
einfaldlega bara sjálfstraustið,“
sagði Willum Þór Þórsson, þjálfari
Vals í viðtali við Sýn eftir leikinn.
Valsmenn eru farnir að anda ofan í hálsmálið á Íslandsmeisturum FH eftir 2-0 sigur á Fram í Laugardal-
num í gær. Aðeins tveimur stigum munar á liðunum á toppi deildarinnar að loknum tíu umferðum.