Fréttablaðið - 21.07.2007, Qupperneq 52

Mikið hefur verið rætt um tísku í
sambandi við tónlistarhátíðir eins
og Glastonbury og Hróarskeldu en
Kate Moss hefur sýnt okkur að vel
er hægt að vera kúl í drullunni.
Sama má segja um íslensku úti-
legurnar. Hlífðarfatnaður hefur
sjaldan talist gríðarlega töff
en það er þó vel hægt að vera
flottur í útilegunum. Þá er
ekki verið að meina gler-
fínn í háhæluðum og með
greiðslu heldur meira svona „camp-
ing chic“ sem er orð sem vantar
alveg í tískuumræðuna.
Ef skoðuð er Marc By Marc Jac-
obs-línan fyrir veturinn 2005 þá má
sjá að Marc litli hittir naglann á höf-
uðið með sinni ást á fötum í mörg-
um lögum. Sem sagt úlpa yfir peysu,
yfir peysu, yfir bol, yfir kjól og belti
utan um allt saman. Þykkar sokka-
buxur, ullarsokkar upp úr stígvél-
unum og jafnvel legghlífar yfir allt
saman. Nokkrar ullarpeysur eru
alveg málið, smart regnheldur jakki
jafnvel dúnúlpa í trylltum lit, vind-
buxur og svo bara klassísk
gúmmístígvél eða túttur. Það
er ekki seinna vænna að
fara að velja fötin enda
nálgast verslunar-
mannahelgin
óðfluga. Og hvað
er jú mikilvæg-
ara í útilegu en
að vera „styl-
ish“?
Hekl á hug minn allan þessa dagana. Mig dreymir um að hekla heilu
flíkurnar í alls kyns litum. Veit ekki alveg hvaðan þessi áhugi á hekli
kemur en ég hef alltaf verið mikið fyrir prjónaflíkur. Veit fátt huggulegra
en að kúra mig í stórri prjónapeysu á veturna.
Sandra Backlund er dásamlegur tískuhönnuður sem einbeitir sér að
prjónuðum og hekluðum flíkum. Hönnun hennar minnir helst á tryllta
prjónaða skúlptúra sem er samt hægt að klæðast og eru ekkert nema
dásemd á að líta. Einnig hefur hún heklað ótrúlega fallegar flíkur sem
líkjast nærfötum og fá mig til þess að langa í heklað lífstykki. Veit ekki
alveg við hvaða tilefni það myndi henta. Hönnun Söndru má skoða á
heimasíðunni www.sandrabacklund.com en þar er hægt að skoða allar
fyrri línur hennar.
Ekki er hægt að tala um hekl án þess að
minnast á hana Björk okkar sem sést í litríkum
hekl-tryllingi á flestum myndum tengdum Volta
plötunni nýju. Einnig hefur hún verið mynduð í
svipuðum tryllingi sem er eins og nútíma útgáfa
af íslensku lopapeysunni, í gömlu sauðalitunum
eins og á meðfylgjandi mynd. Í gjörningahópn-
um Icelandic Love Corporation eru heklmeistar-
arnir á bak við flíkurnar en stúlkurnar í hópnum
hafa sjálfar klæðst svipuðum flíkum á gjörn-
ingaviðburðum. Ég er alveg sannfærð um að
heklið sé að fara að taka yfir heiminn í nútíma-
stíl og legg af stað hið fyrsta í hannyrðabúð. Trúi
ekki öðru en að þar finnist allt fyrir heklið.
Nýtískulegt hekl
smáralind
www.coast-stores.com
afsláttur70%
VERÐSPRENGJA
af öllum útsöluvörum