Fréttablaðið - 28.07.2007, Side 38

hús&heimili
Sumir vilja hvergi annars staðar
í veröldinni búa en miðsvæðis í
Reykjavík. Klipparinn Ólafur B.
Heiðarsson, sem flestir þekkja
sem Óla Bogga, er einn þeirra
en hann hefur hreiðrað vel um
sig í Hlíðunum. „Ég er búinn að
búa hérna í tíu ár og er ekkert á
leiðinni að flytja því hér er svo
kósí,“ segir Óli Boggi. „Þetta er
fínt hverfi, ég er nálægt vinn-
unni og Laugum og svo er maður
nettur miðbæjargaur.“
Íbúð Óla Bogga hefur tekið
miklum breytingum gegnum tíð-
ina. Hann fylgist vel með því
sem er að gerast í kringum sig
og skiptir reglulega um stíl á
íbúðinni. „Þetta fer allt eftir því
í hvernig gír maður er en undan-
farið hef ég verið mikið í þess-
um svarta stíl,“ segir Óli Boggi.
„Svo hef ég líka notið góðs af því
að Ragnhildur Fjelsted blóma-
hönnuður sér um blómaskreyt-
ingar á stofunni minni. Hún
dettur inn til mín annað veifið
og þá hendir hún upp einhverj-
um blómum og það munar ótrú-
lega miklu. Fleiri mættu nýta
sér blómahönnuði því þeir geta
gert ótrúlegustu hluti.“
Ragnhildur er ekki sú eina sem
lífgað hefur upp á íbúð Óla Bogga.
Á veggjum hanga listaverk eftir
fjölmarga innlenda listamenn
sem flestir eru vinir eða kunn-
ingjar Óla Bogga. „Ég er með
stóran og fjölbreyttan kúnnahóp
og innan hans eru margir lista-
menn, allt frá myndlistarmönn-
um til kokka,“ segir Óli Boggi og
bætir við að auðvitað séu klipp-
arar ákveðnir listamenn. „Þegar
maður er umkringdur svona
fólki þá verður maður sjálfkrafa
svona „gourmet“ maður á flest-
um sviðum.“
En Óli Boggi safnar ekki bara
listaverkum. Önnur og öllu um-
svifameiri söfnunarárátta snýr
að skóm en Óli á yfir 150 pör.
„Sumir eru veikir fyrir skyrt-
um og bindum en ég kaupi mér
skó,“ segir Óli Boggi og hlær.
„Þeir eru líka það fyrsta sem ég
tek eftir hjá fólki. Þeir og hárið,
enda er maður þá búinn að skoða
fólk frá toppi til táar.“
tryggvi@frettabladid.is
Með listasafn á veggjunum
Klipparinn Óli Boggi skiptir reglulega um stíl á íbúð sinni. Veggina prýða listaverk eftir vini og kunningja Óla en skápana fylla skópör hans.
Óli Boggi safnar skóm og á yfir 150 pör.
Á veggjum íbúðar Óla Bogga má finna fjölmörg listaverk. Stóra myndin vinstra
megin er eftir Sigurdísi Jónsdóttur frá Vestmannaeyjum og brúnu lamparnir eru eftir
Margréti Guðnadóttur. Myndirnar fyrir ofan miðjan skenkinn eru eftir Ástu Guð-
mundsdóttur en þær voru gerðar gagngert fyrir Óla Bogga í tilefni af 35 ára afmæli
hans. Glerkúlan á veggnum hægra megin er ljós en það keypti Óli á Stokkseyri af
glerlistakonunni Elínborgu Kjartansdóttur.
Óli Boggi hefur búið í íbúð sinni í Hlíðunum í tíu ár og er ekkert á leiðinni að flytja. FRÉTTABLAÐIÐ/VILHELM
Blóm lífga ótrúlega upp á heimilið en Óli
Boggi er svo heppinn að njóta fulltingis
Ragnhildar Fjelsted blómahönnuðar
þegar kemur að blómaskreytingum.
28. JÚLÍ 2007 LAUGARDAGUR8