Fréttablaðið - 19.09.2007, Page 23

Flux-bíllinn er hugarfóstur hins
ítalska Mihai Panaitescu sem
bar sigur úr býtum í hönnunar-
keppni Peugeot 2007.
Mihai er aðeins tuttugu ára gam-
all og yngsti keppandinn sem
unnið hefur hönnunarkeppni
Peugeot sem var nú haldin í
fjórða sinn. Flux-bílnum er lýst
sem skemmtilegu farartæki sem
hentar mismunandi lífsstíl fólks í
dag og er á heimavelli innan
borga og bæja.
Þrjátíu hönnunarverkefni voru
send í keppni Peugeot en Flux
þótti standa upp úr að mati dóm-
nefndar og í netkosningu.
Módel af bílnum í fullri stærð
verður búið til á næstunni og sýnt
á næstu bílasýningu í Frankfurt,
en einnig verður bíllinn í aðalhlut-
verki í tölvuleik sem á að hanna
fyrir Xbox360-tölvuna.
Flux-bíllinn þótti bera af
Það fer ekki á milli mála
að þetta er Lamborghini,
en Reventón er ólíkur öllum
fyrirrennurum sínum úr ítölsku
lúxusbílaverksmiðjunni.
Reventón fangaði athygli allra á
bílasýningunni í Frankfurt en
hann er framleiddur í takmörkuðu
upplagi og kostar litlar 1,3 millj-
ónir Bandaríkjadala.
Lamborghini Reventón var
leynilega hannaður og þykir list-
ræn útgáfa af Murciélago með
dúndurboddí og nefndur eftir
mannýgu nauti. Reventón verður
knúinn vél sem styðst við eitt
hönnunarafbrigði hinnar 12
strokka, 6,5 lítra LP640-vélar, en
sú vél var gerð áður en Lamborg-
hini Miura kom til sögunnar. Með
enn vandaðri samsvörun í innra
byrði nást nú 650 hestöfl út úr vél-
inni á 8000 snúningum, sem er 10
hestöflum meira en LP640 gefur,
og nær hún því nákvæmlega
hinum eftirsóttu 100 hestöflum á
lítrann. Þrátt fyrir það er Revent-
ón skráður með sama hámarks-
hraða og hröðunartölur og LP640.
Reventón þykir skrautfjöður í
hatt hönnuða Lamborghini og gefa
innsýn í framtíðarbíla fyrirtækis-
ins. Manfred Fitzgerald, forstjóri
hönnunardeildar, sagði meistara-
verkið Reventón innblásið af F-22
Raptor-þotu, en Fitzgerald storm-
aði með allt hönnunarlið sitt til
flugstöðvar NATO á Norður-Ítalíu
til að skoða þotuna í þaula. Afrakst-
urinn má sjá í straumlínulögun
Reventón og að innan er umhorfs
eins og í stjórnklefa geimþotu.
Lamborghini óttaðist ekki að
sitja uppi með bílinn og eru þeir
tuttugu sem falir voru nú þegar
seldir, en á löngum biðlista eru
Lamborghini-eigendur sem eru
tilbúnir að stökkva til ef einhver
hættir við. Þetta þykir ekki ama-
legt fyrir eina af þeim fjórum bíl-
tegundum heims sem kosta meira
en milljón dollara, en hinir eru
Bugatti Veyron, Mercedes-Benz
CLK-GTR og Ferrari FXX.
Mannýgt naut
Vagnhöfða 7
110 Reykjavík
Sími: 517 5000
FJAÐRIR OG GORMAR
Í FLESTAR GERÐIR
JEPPA
Japan/U.S.A.