Fréttablaðið - 23.09.2007, Page 2

Skútan sem ferjaði
rúmlega 60 kílógrömm af fíkni-
efnum frá Noregi til Fáskrúðs-
fjarðar var flutt í flugskýli á Kefla-
víkurflugvelli til nákvæmrar
rannsóknar á fimmtudagskvöld.
Stefán Eiríksson, lögreglustjóri á
höfuðborgarsvæðinu, sagði rann-
sóknina enn sem komið er ekki hafa
leitt neitt nýtt í ljós.
Kafarar á vegum sérsveitar
lögreglunnar skoðuðu skipið að utan
og hafsbotninn í kring strax á
fimmtudag, en fundu ekkert
markvert.
Átta manns eru í haldi lögreglu í
þremur löndum vegna málsins, en
engar nýjar handtökur hafa átt sér
stað. Enginn hefur verið leystur úr
haldi, en yfirheyrslur eru stutt á
veg komnar. Formleg skýrslutaka
er ekki hafin að fullu sakir þess að
einn verjenda í málinu er erlendis.
Stefán segir ekki tímabært að
segja til um hvort framsals verði
krafist á þeim þremur sem
handteknir voru erlendis. Tveir
voru handteknir í Færeyjum, annar
þeirra Íslendingur, en hinn Dani.
Einn Íslendingur, Logi Freyr
Einarsson, var handtekinn í Noregi,
en hann er talinn vera einn
skipuleggjenda smygltilraunar-
innar. Hinir eru bróðir hans Einar
Jökull Einarsson og Bjarni Hrafn-
kelsson, sem báðir voru handteknir
á heimilum sínum á höfuðborgar-
svæðinu. Báðir hafa komið áður
við sögu lögreglu. Einar Jökull
hefur dvalið í Tékklandi og var
eftirlýstur af tékknesku lögreglunni
eins og kom fram á vefsíðu
hennar.
Menning, nýtt blað um
menningu og listir, fylgir
Fréttablaðinu í dag og kemur
út mánaðarlega hér eftir.
Páll Baldvin Baldvinsson,
ritstjóri blaðsins, segir það vera
tilraun til að
auka
ítarlegri
umfjöllun um
menningar-
líf, ekki síst
íslenskt.
„Umræða
um þennan
mikilvæga
þátt
þjóðlífsins
vill oft vera
flaustursleg og við viljum reyna
að bæta úr því með umfjöllun
og skrifum á mannamáli.“ Fyrir
var eitt mánaðarlegt fylgirit
gefið út með Fréttablaðinu,
íþróttablaðið Sport, sem er í
ritstjórn Vignis Guðjónssonar.
Sýningin er opin
alla daga frá 10–17
Aðalstræti 16
101 Reykjavík
www.reykjavik871.is
Lífið á
landnámsöld
Ákvörðun næturklúbbs
í Bretlandi um að meina tvítugri
fatlaðri stúlku inngöngu hefur
vakið reiði hagsmunasamtaka í
landinu. Dyraverðir skemmtistað-
arins sögðu að hækjur stúlkunnar
mætti nota sem árásarvopn.
Stúlkan hafði tvisvar áður
farið á skemmtistaðinn án
vandkvæða. „Það má nota hvað
sem er sem vopn, háhælaða skó,
gleraugu, stóla og fleira,“ sagði
hún. „Ég varð mjög reið og
niðurlægð. Þetta fór alveg með
sjálfstraustið.“
Sögðu hækjur
vera árásarvopn
Ölvaður karlmaður
var handtekinn í fyrrinótt eftir að
hafa reynt að komast undan
lögreglu á bíl. Lögregla veitti
manninum eftirför eftir að hann
fór yfir á rauðu ljósi á mótum
Sæbrautar og Skeiðarvogs. Fór
svo að maðurinn keyrði út af við
Skeiðarvog. Hann reyndi að
hlaupa undan lögreglu og
reyndist viðskotaillur þegar
lögreglumenn handtóku hann
skömmu síðar.
Átta manns voru teknir fyrir
ölvunarakstur í fyrrinótt. Þá voru
fjórtán handteknir fyrir brot á
lögreglusamþykkt. Þeir voru allir
sektaðir og sváfu sumir úr sér í
fangageymslum lögreglunnar.
Tveir keyrðu út
af í Reykjavík
Héraðsdómur
Reykjavíkur úrskurðaði í gær
tvo menn í gæsluvarðhald fram á
miðvikudag fyrir meint smygl á
um 1.800 millilítrum af fljótandi
kókaíni, sem barst til landsins í
hraðsendingu frá Bandaríkjun-
um. Annar mannanna er á fer-
tugsaldri, en hinn er um fertugt.
Mennirnir tveir hafa ekki
komið við sögu lögreglu áður svo
vitað sé. Kona á fertugsaldri var
einnig handtekin en sleppt fljót-
lega. Hún er ekki talin tengjast
málinu.Efnið fannst við húsleit
lögreglunnar í húsi í Laugarnes-
hverfi í Reykjavík á föstudags-
kvöld og er talið að fíkniefnin
hafi komið frá Suður-Ameríku í
gegnum Bandaríkin. Lögreglan
hefur rannsakað málið í sam-
vinnu við bandarísku fíkniefna-
lögregluna. Tollayfirvöld í Reykj-
avík og á Suðurnesjum tóku
einnig þátt í því auk lögregluyf-
irvalda á Suðurnesjum.
Að sögn Þórarins Tyrfingsson-
ar, yfirlæknis á Vogi, er fljótandi
kókaín einfaldlega kókaín sem
leyst hefur verið upp í vatni. Úr
því má vinna kókaín í hefð-
bundnu formi en ekki er ljóst
hversu mikið þar sem styrkleiki
vökvans liggur ekki fyrir.
Einnig segir Þórarinn mögu-
legt að sprauta vökvanum í æð,
taka í nef eins og nefdropa eða
jafnvel drekka.
Menning fylgir
Fréttablaðinu
Skútan rannsökuð á
Keflavíkurflugvelli
Fíkniefnaskútan úr Pólstjörnumálinu er til rannsóknar í flugskýli á Keflavíkur-
flugvelli, en ekkert nýtt hefur enn komið fram. Skýrslutökur eru stutt á veg
komnar og ekki hefur verið rætt um framsal þeirra sem handteknir voru erlendis.
Fyrrverandi forseti
Perú, Alberto Fujimori, hefur
verið framseldur til heimalands
síns eftir tveggja ára dvöl í Chile.
Fujimori er sakaður um ýmis
mannréttindabrot, morð og
spillingu.
Hann var fluttur með lögreglu-
flugvél frá Santiago í Chile til
Lima, höfuðborgar Perú, rétt eftir
hádegi í gær.
Fujimori flúði Perú árið 2000
og fór til Japan. Þar var hann
undir verndarvæng japanskra
stjórnvalda í fimm ár. Allt frá því
hann flúði heimalandið hafa
stjórnvöld þar reynt að fá hann
framseldan. Fujimori heldur þó
fram sakleysi sínu.
Framseldur til
heimalandsins
Í tvígang punkteraði á reiðfáki Elvars
Arnar Reynissonar í sérstakri samgönguviku.
Elvar hjólar flesta daga að heiman í vinnuna; úr
Grafarvogi í Nauthólsvík. Reykjavíkurborg stóð að
samgönguvikunni og voru borgarbúar hvattir til að
hjóla í vinnu og skóla.
„Á sumrin eru stígarnir sópaðir einu sinni til
þrisvar og leiðin sem ég hjóla í vinnuna hefur
aldrei verið laus við glerbrot,“ segir Elvar Örn.
Hann segir ástandið á leið sinni verst í Grafarvogi,
þar sem stígurinn liggi við sjoppur og bensínstöðv-
ar. Fossvogsdalur sé skárri enda helst notaður til
útivistar. „Það er ekki nóg að gera hjólastíga, það
verður líka að hirða um þá,“ segir Elvar Örn og
bendir á að sjálfsagt myndu allir leggja bílum
sínum í byrjun vetrar ef göturnar væru hvorki
saltaðar né ruddar.
Gísli Marteinn Baldursson, borgarfulltrúi, segir
ríkan vilja hjá borgaryfirvöldum að bæta ástand
hjólreiðastíganna. Hann segir vinnuhóp munu taka
út hjólastígana og jafnframt muni borgaryfirvöld
gæta þess að hjólastígar verði ruddir í vetur svo
fólk komist hjólandi til og frá vinnu.
Tvísprakk í samgönguviku
Fidel Castro, forseti
Kúbu, birtist óvænt í löngu
sjónvarpsviðtali á föstudag. Er það
í fyrsta skipti sem hann hefur sést
opinberlega í meira en þrjá
mánuði.
Sögusagnir um að Castro, sem er
81 árs gamall, sé látinn hafa verið
þrálátar lengi. Hann talaði lágt og
hægt en virtist þó hress og vel með
á nótunum. Sögusögnunum svaraði
hann með orðunum „hér er ég“.
Castro ræddi meðal annars um
að Bandaríkjastjórn gæti farið í
stríð við Írani. Þá talaði hann um
afleiðingar Íraksstríðsins, hátt
olíuverð og stöðu evru gagnvart
Bandaríkjadal.
Hress í sjón-
varpsviðtali
Albert, eru olíufélögin of
litlaus?