Fréttablaðið - 23.09.2007, Qupperneq 4

Yfirlýsing um stofnun
stjórnmálasambands Íslands og
Kamerún var undirrituð í New
York á miðvikudag.
Kamerún er við vesturströnd
Mið-Afríku og er nær fimmfalt
stærra en Ísland. Sautján milljónir
búa í landinu sem hlaut sjálfstæði
fyrir næstum hálfri öld.
Samstarf ríkjanna er einkum
talið felast í sjávarútvegi.
Það voru fastafulltrúar ríkjanna
hjá Sameinuðu þjóðunum, sendi-
herrarnir Hjálmar W. Hannesson
og Martin Belinga-Eboutou sem
undirrituðu yfirlýsinguna.
Samstarf um
veiðar fýsilegt
Ingibjörg Sólrún Gísladóttir,
utanríkisráðherra og formaður Samfylking-
arinnar, gagnrýndi fyrri ríkisstjórn Sjálf-
stæðisflokks og Framsóknarflokks á
flokkstjórnarfundi Samfylkingarinnar í gær.
Hún sagði ríkisstjórnina hafa bundið hendur
þeirrar nýju með loforðum um fjárskuldbind-
ingar stuttu fyrir kosningar.
„Það er í hæsta máta vafasamt að stjórn-
völd sem hafa skilgreint umboð frá þjóðinni
til að stjórna landinu í tiltekinn tíma taki
ákvarðanir um fjárskuldbindingar ríkisins
sem eiga að koma til framkvæmda löngu
eftir að umboð þeirra til að stjórna landinu
er runnið út. Þessu þarf að breyta,“ sagði
Ingibjörg.
„Lausatök í hagstjórninni og fjáraustur úr
ríkissjóði í aðdraganda kosninga setur nýrri
ríkisstjórn miklar skorður við gerð fjárlaga
fyrir næsta ár og dregur verulega úr
svigrúmi okkar til að koma þörfum umbót-
amálum hratt og vel í framkvæmd.“
Ingibjörg Sólrún vék einnig að orkumál-
um og auðlindanýtingu Íslands. „Í nýrri
löggjöf er mikilvægt að búa svo um hnútana
að auðlindirnar sjálfar verði skilgreindar
sem sameign þjóðarinnar og að flutnings-
kerfi orku svo og rafveitur, hitaveitur,
vatnsveitur og fráveitur verði í félagslegri
meirihlutaeign,“ sagði Ingibjörg.
„Hins vegar er líka mikilvægt að efla
samkeppni á raforkumarkaði varðandi aðra
þætti sem snúa að orkuöflun, orkufram-
leiðslu og sölu.“
Gagnrýnir kosningavíxla fyrri stjórnar
„Ég lít þessar hug-
myndir jákvæðum augum enda
ríkir fákeppni á íslenskum lyfja-
markaði og verð hér er hærra en
annars staðar, sérstaklega á sam-
heitalyfjum,“ segir Rúna Hauks-
dóttir, formaður Lyfjagreiðslu-
nefndar, um hugmyndir
heilbrigðisráðherra um sam-
norrænan lyfjamarkað.
„Í raun er aðeins einn samheita-
lyfjaframleiðandi á markaðnum í
dag en þeir voru þrír fyrir sjö
árum. Actavis hefur keypt upp
samkeppnisaðilana,“ segir Rúna.
Hún telur að með opnun og
stækkun markaðarins aukist
skilvirkni, Norðurlöndin geti
samnýtt ýmsa verkferla og með
aukinni samkeppni fáist lægra
verð. Spurð hvort hún telji
samnorrænan lyfjamarkað geta
gagnast hinu öfluga Actavis segir
Rúna það vel geta verið. „En
Actavis er svo sem á öðrum
norrænum mörkuðum nú þegar og
selur lyfin sín ódýrar þar en hér.“
Rannveig Gunnarsdóttir, for-
stjóri Lyfjastofnunar, segist sjá
ýmsa kosti við samnorrænan lyfja-
markað. Eitt af vandamálum
íslenska markaðarins sé að á hann
sæki fá erlend fyrirtæki en með
samvinnu við Danmörku, Noreg
og Svíþjóð um veitingu markaðs-
leyfa gæti úrval lyfja aukist.
„Það er líklegt að verð lækki
þegar fleiri valkostir bjóðast,“
segir Rannveig og horfir ekki síst
til samheitalyfja, sem aðeins eru
um fimmtán prósent af íslenska
lyfjamarkaðnum. Ástæðu þess
kveður hún – líkt og Rúna – vera
samþjöppun á lyfjamarkaði.
Rannveig segir ýmis tæknileg
atriði ólík milli lyfjamarkaða en
lítur ekki á þau sem vandamál. „Ég
sé fyrir mér að til séu leiðir til að
einfalda hlutina og það er hægt ef
ráðherrarnir koma sér saman um
gera þetta,“ segir hún. Ríki geri til
dæmis misjafnar kröfur um upp-
lýsingar á umbúðum en hægt sé að
komast hjá sérmerkingum í hverju
landi með því að afhenda útprent-
aðar upplýsingar í apótekjum eða
vísa á þær á vef lyfjastofnunar. Hún
sér enn fremur ýmsa kosti við enn
nánara samstarf milli lyfjastofnana
ríkjanna en nú er.
Fákeppni ríkir á ís-
lenskum lyfamarkaði
Formaður Lyfjagreiðslunefndar segir fákeppni skýra hærra lyfjaverð á Íslandi en
annars staðar og telur samnorrænan lyfjamarkað jákvæðan. Forstjóri Lyfjastofn-
unar telur líklegt að úrval samheitalyfja aukist með samnorrænum útboðum.
Hópur ungs fólks af erlend-
um uppruna stendur fyrir
málþingi um stöðu sína og
framtíð í íslensku þjóðfélagi á
morgun, mánudag. Tilgangurinn
er að láta rödd ungmenna, sem
hafa flust hingað til lands og eiga
hér heima, heyrast og auka
þannig skilning milli þeirra og
annarra landsmanna.
Málþingið er haldið í samvinnu
við Framtíð í nýju landi, sem er
samstarfsverkefni Rauða
krossins, Reykjavíkurborgar,
Alþjóðahúss, Velferðarsjóðs
barna, stéttarfélagsins Eflingar
og mennta- og félagsmálaráðu-
neytis.
Staða og fram-
tíð í nýju landi
Elsti hluti
Vestmannaeyjahafnar er 100 ára
á þessu ári. Í tilefni af því var
haldinn sérstakur hátíðarfundur
hjá Framkvæmda- og hafnarráði
bæjarins á föstudag.
Þeir Elliði Vignisson bæjarstjóri
og Arnar Sigurmundsson,
formaður Framkvæmda- og
hafnarráðs, fluttu erindi á
fundinum. Þeir voru sammála um
að brýnustu verkefni hafnarinnar
væru uppbygging skipalyftu og
stórskipahafnar.
Höfnin hefur verið í núverandi
mynd frá árinu 1925 en höfn hefur
verið í Vestmannaeyjum allt frá
landnámstíma.
Höfnin 100 ára
Aðvaranir um að
áfengi skaði heilsu munu vera á
áfengisumbúðum í Finnlandi frá
og með árinu 2009, samkvæmt
tilkynningu stjórnvalda í gær í
kjölfar skýrslna um að áfengi sé
helsta dánarorsök í Finnlandi.
Merkingarnar munu innihalda
orðið „aðvörun“ ásamt textanum:
„Áfengi getur skaðað fóstur og
heilsu þína.“ Áfengi var dánar-
orsök 17 prósent karla á aldrinum
15 til 64 ára og 10,5 prósenta
kvenna á sama aldri árið 2005.
Fyrir mánuði lögðu stjórnvöld
til að hækka skatt á áfengi um tíu
til fimmtán prósent.
Finnar ætla að
vara við áfengi
• Einfaldari skilmálar
• Hærri bætur
• Lægri eigin áhætta
VÍÐTÆKASTA
FJÖLSKYLDUTRYGGINGIN