Fréttablaðið - 28.09.2007, Blaðsíða 10

Lifandi laugardagur í
Samtökunum ‘78
Laugardaginn 29. september verður opið hús í Samtökunum ‘78
að Laugavegi 3, 4.hæð. Skemmtileg dagskrá fyrir alla sem
vilja kynnast fjölbreyttu starfi á vettvangi Samtakanna ‘78.
Allir velkomnir!
Dagskrá
10:30 Félag foreldra og aðstandenda samkynhneigðra
11:00 Hommabolti. Fófboltafélagið St. Styrmir
11:30 Bókasafn Samtakanna ‘78
12:00 Trans-Ísland. Transgender og gagnkynhneigt gildismat
12:30 Ungliðhópur Samtakanna '78 og FSS
13:00 Gay pride
13:30 Góðir gestir, verðlaunastuttmynd eftir Ísold Uggadóttur
14:00 Blaklið KMK og blakmót evrópskra kvennablakliða
14:30 Bræðrabylta, verðlaunastuttmynd eftir Grím Hákonarson
15:00 Ráðgjöf og fræðsla Samtakanna ‘78
16:00 Verndarvættirnar, samstarf Samtakanna ‘78 og Amnesty
Nánari upplýsingar er að finna á www.samtokin78.is
Samtökin ‘78, félag lesbía og homma á Íslandi.
FL Group hf. birtir í dag lýsingu vegna hækkunar á hlutafé
félagsins um 973.673.140 hluti og skráningar hlutanna
á Aðallista OMX Nordic Exchange Iceland. Hlutirnir verða
skráðir 28. september 2007. Lýsingin verður aðgengileg
á heimasíðu félagsins, www.flgroup.is. Jafnframt má
nálgast eintak af lýsingunni á skrifstofu félagsins að
Suðurlandsbraut 12, Reykjavík, sími 591 4400 á tíma-
bilinu 28. september 2007 til 28. september 2008.
Reykjavík, 28. september 2007
Tilkynning
um birtingu
lýsingar
FL GROUP
„Þessi hús hafa verið
rekstrarlegur baggi á sveitar-
félaginu,“ segir Ólafur Þór
Ólafsson, skrifstofustjóri Fjalla-
byggðar. Sveitarfélagið hyggst
selja sex íbúðir á Siglufirði til
Rauðku ehf. sem ætlar að nota
húsin fyrir ferðaþjónustu. Í þeim
búa um tuttugu manns sem vita
ekki hvað tekur við eftir að salan
gengur í gegn.
„Þetta snertir okkur öll mjög illa.
Bæjaryfirvöld sögðu okkur ekki
frá þessu og því fréttum við þetta
flest niðri í bæ eða á vefnum,“ segir
Steindóra Á. Sigurðardóttir, þriggja
barna einstæð móðir og íbúi í
Hafnartúni 30, sem stendur til að
selja. Í sama streng tekur Sigurrós
Sveinsdóttir, fimm barna móðir í
Hafnartúni 28.
„Ég veit ekki hvað tekur við.
Maðurinn minn er að vinna fyrir
austan til að fá meiri tekjur en hægt
er að afla hér í bænum. Það er alveg
ljóst að við eigum ekki eftir að hafa
efni á eigin húsnæði strax. Ég sé
fyrir mér að ég lendi með börnin á
torginu. Við höfum ekki verið búin
undir þetta,“ segir Sigurrós.
Í Hafnartúni 29 flutti þriggja
manna fjölskylda inn fyrir um
hálfum mánuði. „Við hefðum
auðvitað ekki flutt ef við hefðum
vitað að þetta lægi fyrir. Ekki síst
vegna þeirrar fórnar sem við
þurftum að færa,“ segir María Lillý
Jónsdóttir en fjölskyldu hennar var
gert að lóga hundi sínum til að fá að
flytja inn í íbúð hjá bænum.
Eyrún Pétursdóttir, einstæð
móðir í Hafnartúni 34, segist mjög
reið yfir vinnubrögðum bæjarins.
„Ég er þó heppnari en margir aðrir
þar sem ég er bara ein með syni
mínum og mér tókst því að finna
húsnæði strax og ég frétti af þessu,“
segir hún.
Þór Herbertsson, eldri borgari,
sem býr ásamt konu sinni, Svan-
fríði Stefánsdóttur, í Hafnartúni 36,
kveðst hafa fregnað að þau hjónin
geti fengið íbúð í blokk á vegum
bæjarins. „Við megum samt ekki
taka gæludýrið okkar með,“ sagði
hann.
Málið þykir þó horfa fremur
einkennilega gagnvart þriggja
manna fjölskyldu í Hrauntúni 32
sem reynt hefur að fá að kaupa
íbúðina sem þau búa í frá því í maí.
„Þetta er mjög einkennilegt,“ segir
Júlíus H. Kristjánsson, öryrki og
fjölskyldufaðir, sem reynt hefur að
fá að kaupa heimili fjölskyldu
sinnar án árangurs.
„Sveitarfélagið mun reyna að
koma til móts við íbúana,“ segir
Ólafur.
Selt ofan af tuttugu
manns á Siglufirði
Sveitarfélagið Fjallabyggð hyggst selja sex íbúðir á Siglufirði. Í þeim búa um
tuttugu manns. „Ég sé fyrir mér að ég lendi með börnin á torginu,“ segir fimm
barna móðir. „Rekstrarlegur baggi á sveitarfélaginu,“ segir sveitarstjórnin.
Tekjuafkoma hins
opinbera var jákvæð um 81 millj-
arð króna árið 2006 og hefur aldrei
mælst hagstæðari, að því er segir
í nýjustu Hagtíðindum Hagstofu
Íslands. Afkoman var hagstæð
um sem nemur sjö prósentum af
landsframleiðslu en var 5,2 pró-
sent árið 2005 og 0,2 prósent árið
2004. Niðurstaðan skýrist að
mestu af miklum tekjuafgangi
ríkissjóðs.
Fjárhagur sveitarfélaganna
hefur einnig batnað á sama tíma-
bili og nam tekjuafgangur þeirra
ellefu milljörðum króna árið 2006
samanborið við 4,4 milljarða árið
2005. Tekjuafgangur sveitarfélag-
anna nam 0,9 prósentum af lands-
framleiðslu ársins 2006 og 0,4 pró-
sentum ársins 2005.
Tekjur hins opinbera námu um
570 milljörðum árið 2006 og hækk-
uðu um tæpan 81 milljarð króna
frá fyrra ári. Sem hlutfall af
landsframleiðslu námu tekjurnar
nærri 50 prósentum og hafa ekki
verið hærri áður. Útgjöld hins
opinbera námu tæpum 490 millj-
örðum og hækkuðu um ríflega 53
milljarða króna milli ára, en sem
hlutfall af landsframleiðslu lækk-
uðu þau hins vegar úr 42,3 pró-
sent árið 2005 í 41,8 prósent árið
2006.
Af heildarútgjöldum hins opin-
bera árið 2006 runnu 107,5 millj-
arðar til heilbrigðismála, 96,5
milljarðar til fræðslumála og til
almannatrygginga og velferðar-
mála var ráðstafað 94,6 milljörð-
um króna.
92 milljarðar afgangs árið 2006
Sá tími sem það
tekur erlenda sérfræðinga frá
löndum utan Evrópusambandsins
að fá dvalarleyfi hér á landi
stendur hátæknifyrirtækjum fyrir
þrifum, segir Sveinn Hannesson,
framkvæmdastjóri Samtaka
iðnaðarins (SI).
Hann segir að bregðast verði
við þessum vanda strax því ef
meiningin sé að laða hingað til
lands erlend fyrirtæki á borð við
Google og Microsoft verði að vera
hægt að fá nauðsynlega sérfræð-
inga til starfa án þess að bíða í
þrjá til sex mánuði.
„Þetta er of langur tími, það er
svo mikill hraði á öllu hjá okkur,“
segir Sveinn. Hann segir að taka
ætti tillit til þarfa fyrirtækja, og
veita sérfræðingum sem mikil
eftirspurn sé eftir flýtimeðferð.
Sveinn segir að fyrirtæki í land-
inu gætu til dæmis sett saman lista
með sérfræðingum sem vanti til
landsins. Einnig mætti fara sömu
leið og Danir, sem reikni einfaldlega
með því að allir sem fái yfir ákveð-
inni krónutölu í mánaðarlaun séu
sérfræðingar.
Sveinn gefur ekki mikið fyrir þau
rök að ekki megi mismuna umsækj-
endum með því að veita ákveðnum
hópum flýtimeðferð. Ef heimilt sé
að taka tillit til þarfa fyrirtækja
með þessum hætti í Danmörku og
Noregi ætti ekkert að standa í vegi
fyrir slíku hér á landi.
Ef aðrar þjóðir koma
sér upp vopnum í geimnum munu
Rússar svara í sömu mynt, sagði
Vladimir Popovkin, yfirmaður í
rússnesku geimvísindastofnun-
inni. Þetta þykja skýr skilaboð til
Bandaríkjanna, sem hafa áætlanir
um geimvopn.
„Við viljum ekki heyja stríð í
geimnum, við viljum ekki ná
yfirráðum í geimnum, en við
munum ekki leyfa neinu öðru ríki
að ráða yfir geimnum,“ sagði
Popovkin enn fremur.
Vladimír Pútín Rússlandsforseti
hefur sagt áætlanir Bandaríkjanna
um vopn í geimnum geta komið af
stað vígbúnaðarkapphlaupi.
Rússland varar
Bandaríkin við