Fréttablaðið - 28.09.2007, Síða 42

28. SEPTEMBER 2007 FÖSTUDAGUR6 fréttablaðið í skólanum
Í Ísaksskóla byrja börnin að
læra ensku í fimm ára bekk og
þá talar kennarinn bara ensku.
„Við fórum að kenna átta ára
börnunum ensku árið 1993. Á
þeim tíma hófst enskukennsla í
hinum almenna grunnskóla í 6.
bekk en þarna fannst okkur tími
kominn að kenna þeim yngri. Í
dag fá allir bekkir enskukennslu
og byrja þegar í fimm ára bekk,“
segir Edda Huld Sigurðardóttir,
skólastjóri Ísaksskóla. Skólinn er
sjálfseignarstofnun og tekur á móti
börnum frá fyrsta upp í fjórða bekk
auk þess að bjóða upp á fimm ára
bekk. Áhrif enskukennslunnar eru
greinileg að sögn Ingibjargar Ýrar
Pálmadóttur aðstoðarskólastjóra
sem sjálf hefur kennt fagið.
„Síðast í gær varð ég vitni að
dreng sem talaði lýtalausa ensku
við enskumælandi móður annars
barns og var gjörsamlega ófeiminn
við það. Hann hefur lært ensku í
fjögur ár og hefur enga aðra örvun
en sjónvarp og tónlist eins og flest
önnur börn,“ segir Ingibjörg Ýr
og Edda Huld bætir við: „Börnin
eru tilbúin að byrja enskunám
svona ung. Rannsóknir hafa sýnt
að börn sem læra erlend tungumál
samhliða sínu eigin móðurmáli
eru betur í stakk búin til að glíma
við eigið móðurmál. Málvitundin
eykst og það er alls ekki þannig
að þau gangi um og sletti ensku sí
og æ,“ segir Edda Huld hlæjandi
og bætir við: „Enskan er allt í
kringum okkur og með því að
hefja kennsluna svona snemma
greina þau enskuna enn betur
frá íslenskunni.“ Flest íslensk
börn kunna að sögn Ingibjargar
þó nokkuð í ensku þegar þau
byrja og það kemur þeim jafnvel
sjálfum á óvart. „Ég byrja alltaf
á því að benda þeim á hversu
mikið þau kunna. Þá segja þau
gjarnan að þau hafi aldrei komið
til útlanda og kunni þar af leiðandi
ekki útlensku,“ segir Ingibjörg
brosandi.
Kennarinn talar alltaf ensku
við börnin í enskutímunum og
þá kemur í ljós að sögn þeirra
Eddu Huldar og Ingibjargar
hversu mikið börnin skilja. „Þau
kunna heilmikið, það þarf bara
að setja þetta í rétt samhengi og
hjálpa þeim að nota það sem þau
þegar kunna. Einnig er gríðarlega
mikilvægt að kennarinn tali ensku
í tímanum við börnin. Þannig er
langbest að ná til þeirra ásamt því
sem einbeiting barnanna eykst,“
segir Ingibjörg, sem telur að það
stafi mest af feimni ef kennarar
tala ekki ensku í tímum.
Tungumálanám hefst mun
seinna á Íslandi en hjá hinum
Norðurlandaþjóðunum. Edda
Huld og Ingibjörg telja það hins
vegar löngu tímabært og ekki
bara varðandi enskuna.
„Fólk er kannski ekki búið að
átta sig á að börnin eru tilbúin í
enskuna miklu fyrr. Sama á við
um dönskuna eða eitthvert þriðja
tungumál og það ætti að keyra
þetta í gegn strax frá fyrsta bekk,“
segir Ingibjörg og Edda Huld
bætir við: „Sérstaklega á meðan
þau eru ófeimin við að takast á
við þetta og það á einnig við um
dönskuna, sem hefur orðið fyrir
barðinu á áunnum fordómum frá
samfélaginu. Ef hún væri kennd
fyrr þætti hún sennilega jafn
skemmtileg og enskan. Tungumála-
nám er af hinu góða og börnin geta
bara hagnast á því.“ rh@frettabladid.is Í Ísaksskóla læra öll börnin ensku. FRÉTTABLAÐIÐ/EYÞÓR
Edda Huld Sigurðardóttir skólastjóri
og Ingibjörg Ýr Pálmadóttir aðstoðar-
skólastjóri bjóða ensku fyrir alla bekki í
Ísaksskóla.
Tungumál auka málvitund
vi
lb
or
ga
@
ce
nt
ru
m
.is
FJÖLBREYTT
STÖRF Í BOÐI
Hrafnista er fjölskylduvænn vinnustaður
sem býður fúsar hendur velkomnar til að
sinna gefandi vinnu með góðum félögum.
Á Hrafnistu er lögð áhersla á sveigjanleika í starfi.
Allar nánari upplýsingar á www.hrafnista.is,
magnea@hrafnista.is eða í síma 585 9529
www.hrafnista.is