Fréttablaðið - 04.10.2007, Síða 50

F
í
t
o
n
/
S
Í
A
Eva Einarsdóttir framreiðir
hvern grænmetisréttinn
öðrum girnilegri, og segir
það mikinn misskilning að
matreiðsla þeirra sé flókin.
„Það sem hræðir fólk kannski
svolítið við grænmetisuppskriftir
er að það virðist vera svo mikið í
þeim. Mér fannst það líka sjálfri
þegar ég byrjaði, en síðan er
helmingurinn kannski laukur og
krydd,“ sagði Eva, sem hefur
verið grænmetisæta í fimm ár.
„Maður kemur sér líka smám
saman upp ákveðnum kryddum,
eins og túrmeriki, kúmeni og
kóríander, sem eru mikið notuð,“
bætti hún við.
Eva er að ljúka fæðingarorlofi
en vinnur við verkefnastjórnun.
Hún hefur unnið fyrir Útón,
útflutningsskrifstofu íslenskrar
tónstofu, og er nú að skipuleggja
alþjóðlega ráðstefnu á þeirra
vegum. Hún hefur einnig unnið
fyrir Iceland Airwaves-hátíðina,
en maður Evu er framkvæmda-
stjóri hennar. „Hann er sem sagt
ekki mikið heima þessa dagana,“
sagði Eva og hló við.
Eva er ekki hrædd við að prófa
sig áfram og segir lítið mál að
leika sér með grænmetisupp-
skriftir. „Maður þarf ekkert endi-
lega að nota nákvæmlega allt sem
uppskriftin gerir ráð fyrir. Á
meðan maður er með lauk og hvít-
lauk er hægt að gera ansi margt,
og svo er þetta bara spurning um
að æfa sig,“ sagði Eva. Uppskrift-
in sem hún deilir með lesendum
Fréttablaðsins hefur þó verið
reynd í þaula og er orðin nokkuð
vinsæl. „Það er beðið um þennan
rétt, og ég veit um nokkrar mann-
eskjur sem hafa gert hann eftir
að hafa séð uppskriftina á blogg-
inu mínu,“ sagði Eva, en hún
heldur úti blogginu maturer-
mannsgaman.blogspot.com.

>
… eru meinholl og þar að auki
afar bragðgóð. Keyptu þau
fersk eða frosin og notaðu í
heilsudrykki, bakstur, eða
bara sem snakk á milli
mála, beint úr lófan-
um.
Flatkökur með hangikjöti ómissandi
Spádómskökur eru afar vinsælar
úti í hinum stóra heimi en minna
hefur farið fyrir þeim hér á landi.
Það er tiltölulega einfalt að baka
kökurnar sjálfur heima í eldhúsi,
þó eflaust þurfi nokkra þjálfun til
að fullkomna handtökin. Með því
að baka sjálfur getur gestgjafinn
laumað eigin speki í kökurnar,
málsháttum eða uppáhaldstilvitn-
unum sínum og glatt bæði hug og
maga matargesta.
Á netinu má finna margar upp-
skriftir að spádómskökum, meðal
annars þessa, á Allrecipes.com.
Hitið ofninn í 190 gráður. Þeytið
eggjahvítur og sykur vel saman.
Hrærið áfram og blandið í smjöri,
vanillu- og möndludropum, vatni
og hveiti, sitt í hverju lagi. Deigið
á að líkjast pönnukökudeigi.
Hellið deigi á bökunarpappír,
svo úr verði kökur með um 8
sentímetra þvermál. Bakið í um
5-7 mínútur, þar til brúnirnar
verða gullinbrúnar. Fjarlægið
eina í einu, setjið miða í miðjuna,
brjótið í helminga, og dragið end-
ana saman svo úr verði skeifu-
laga kaka.
Varist að baka of margar kökur
í einu. Þær þurfa að vera mjúkar,
svo hægt sé að beygja þær og
brjóta.
Speki með matnum
Te og kaffi stendur fyrir kaffivéla-
kynningu í verslun sinni á Lauga-
vegi á laugardaginn. Sérfræðing-
ur fyrirtækisins í kaffilögun og
smökkun, sem er jafnframt skóla-
stjóri kaffiskóla Te og kaffi, Hall-
dór Guðmundsson, mun aðstoða
viðskiptavini á staðnum. Við-
skiptavinir geta því fengið fag-
lega ráðgjöf um val á espressovél,
bæði til heimilisnotkunar eða á
vinnustaðinn, ásamt ráðgjöf um
hentugasta kaffið fyrir vélarnar.
Te og kaffi mælir með því að
eigendur Ascaso Dream espresso-
véla, sem ásælast frekari upplýs-
ingar um vélarnar eða leiðbein-
ingar um notkun, komi við á
kynningunni, en sérstök áhersla
verður lögð á kaffivélar fyrir
heimili og minni fyrirtæki.
Kynningin stendur yfir frá
klukkan 11 til 16.
Kaffivélakynning
Margir þekkja grasker bara af
fræjunum sem seld eru í verslun-
um og henta vel í salöt. Grasker
eru þó notuð í margt fleira, og ekki
bara hrekkjavökuluktir. Hilmar
Þór Harðarson, matreiðslumaður
hjá Á næstu grösum, gefur ábend-
ingar um notkun þeirra í matar-
gerð.
„Á Íslandi er algengasta gras-
kerið svokallað butternut-grasker.
Það fæst allt árið um kring,“
útskýrir hann. Butternut-
graskerið er ekki stórt og
appelsínugult eins og búast mætti
við, heldur ílangt og ljósgrátt að
utan en appelsínugult að innan.
„Graskerum og sætum kartöfl-
um er oft líkt saman, enda er
bragðið hreint ekki svo ólíkt og
áferð og litur keimlík. Oft er líka
hægt að skipta hvoru út fyrir hitt,“
útskýrði Hilmar. Grasker eru því
bæði notuð með rótargrænmeti,
sett í pottrétti og súpur, eða bökuð
í ofni.
Vestanhafs eru graskersbökur
afar algengar, ásamt alls kyns
graskersmauki, músum og búð-
ingum. „Auðveldasta leiðin er
samt væntanlega að skræla það,
skera í bita, setja á þá smá olíu,
salt og pipar og baka svo þar til
það er mjúkt í gegn. Þá er hægt að
nota það í hvað sem er – köld salöt,
sem verður yfirleitt fyrir valinu
hjá mér, eða graskersmús með
gráðaosti sem er algjört æði,“
sagði Hilmar.
Grasker góð í matargerð