Fréttablaðið - 09.10.2007, Blaðsíða 2
Jaap de Hoop Scheffer,
framkvæmdastjóri Atlantshafs-
bandalagsins, kom til Íslands í
gær í tilefni af ársfundi Þingmanna-
sambands NATO sem nú fer fram
í Laugardalshöllinni í Reykjavík.
Hann átti strax eftir komuna fund
með Geir H. Haarde forsætis-
ráðherra og Ingibjörgu Sólrúnu
Gísladóttur utanríkisráðherra, en
í dag munu þeir de Hoop Scheffer
og Geir verða meðal ræðumanna á
allsherjarfundi NATO-þingsins.
Á síðasta viðkomustað sínum
fyrir Íslandsferðina, Kaupmanna-
höfn, hvatti de Hoop Scheffer
aðildarþjóðir bandalagsins í gær
til að senda fleiri hermenn til þátt-
töku í verkefni NATO-herliðsins í
Afganistan. Mannekla og skortur
á búnaði standi verkefninu fyrir
þrifum.
Á blaðamannafundi í ráðherra-
bústaðnum eftir fundinn með Geir
og Ingibjörgu í gærkvöld sagði de
Hoop Scheffer að áskorun sinni
hefði hann beint til allra aðildar-
ríkja bandalagsins. Ísland hefði
lagt til vel metið framlag til upp-
byggingaverkefnisins í Afganist-
an og vonaðist hann til að Íslend-
ingar héldu því áfram. Fjórtán
liðsmenn Íslensku friðargæslunn-
ar eru nú að störfum innan
vébanda ISAF í Afganistan.
Lýsir eftir Afganistanliðsauka
Lögreglan á
höfuðborgarsvæðinu tók þrjá
karlmenn með talsvert magn af
fíkniefnum í fórum sínum í
fyrradag.
Mennirnir voru akandi í bíl
þegar þeir voru stöðvaðir við
hefðbundið eftirlit. Um það bil
tuttugu grömm af kókaíni
fundust í bílnum hjá þeim. Þeir
voru handteknir og færðir á
lögreglustöð þar sem þeir dvöldu
í fyrrinótt. Þeim var sleppt í gær
eftir yfirheyrslur.
Mennirnir eru þekktir hjá
lögreglunni, samkvæmt upplýs-
ingum Fréttablaðsins.
Þrír teknir
með kókaín
• Einfaldari skilmálar
• Hærri bætur
• Lægri eigin áhætta
VÍÐTÆKASTA
FJÖLSKYLDUTRYGGINGIN
Jóna, er ekki úr háum söðli að
detta fyrir þig?
Evrópuráðið hefur
ákveðið að 10. október ár hvert
verði framvegis „Evrópudagur
gegn dauðarefsingu“. Opinber
yfirlýsing um þetta verður gefin í
dag á ráðstefnu Evrópráðsins í
Lissabon í Portúgal.
Aðildarríki Evrópuráðsins
munu ár hvert vekja með ýmsum
hætti athygli á deginum. Jafn-
framt er dagana 1. til 15. október
haldin í Portúgal herferð gegn
dauðarefsingu undir kjörorðinu
„Dauði er ekki réttlæti“ í þeim
tilgangi að efla vitund almenn-
ings um nauðsyn þess að afnema
dauðarefsingu í öllum löndum
heims.
Dagur gegn
dauðarefsingu
Karlmaður sem fannst illa leikinn
á heimili sínu á sunnudag lést á sunnudagskvöld
af völdum áverkanna sem honum voru veittir í
líkamsárás fyrr um daginn. Karlmaður á fer-
tugsaldri hefur verið úrskurðaður í vikulangt
gæsluvarðhald vegna málsins. Ekki er unnt að
birta nafn hins látna að svo stöddu.
Á sunnudag var haft samband við lögreglu og
greint frá að maður væri alvarlega slasaður í
íbúð við Hringbraut í Reykjavík. Maðurinn
fannst þar meðvitundarlaus og með mikla
áverka á höfði sem drógu hann til dauða þá um
kvöldið.
Karlmaður var handtekinn í kjölfarið, grun-
aður um að hafa ráðist á manninn þá um daginn.
Var það sá sami og hafði tilkynnt lögreglu um
hinn slasaða og var staddur í húsinu þegar lög-
reglu bar að. Hann var úrskurðaður í gæslu-
varðhald til 15. október í Héraðsdómi Reykja-
víkur í gær.
Rannsókn málsins er í fullum gangi en yfir-
heyrslur yfir hinum grunaða og íbúum hússins
hófust í gær.
Lést af sárum sínum á spítala
Umhverfisstofnun
tók nýlega þátt í norrænu
verkefni þar sem mælt var magn
kvikasilfurs í urriða til að kanna
áhrif umhverfis á upptöku þess í
fiski. Sýni voru tekin af urriða í
Elliðavatni, Mývatni, Stóra-
Fossvatni og Þingvallavatni.
Magn kvikasilfurs sem mældist
í fiski úr þessum vötnum var á
bilinu 0,01–0,05 milligrömm á kíló,
sem er mjög lágt gildi. Undan-
tekning var stórurriði úr Þing-
vallavatni en í honum mældist
kvikasilfur 0,2–0,9 milligrömm á
kíló og skýrist af háu magni
kvikasilfurs í umhverfinu.
Magn kvikasilf-
urs hverfandi
Alþjóðadómstóllinn í
Haag, æðsti dómstóll Sameinuðu
þjóðanna, úrskurðaði í gær að
Hondúras skyldi fá yfirráð yfir
fjórum eyjum í Karíbahafi, sem
grannríkin Hondúras og Níkar-
agva hafa deilt um yfirráðin yfir í
áratugi.
Samkvæmt úrskurðinum eru
lögsögumörk landanna dregin
nokkurn veginn miðja vegu milli
krafna hvors ríkis um sig. Með
úrskurðinum liggur loks þjóðar-
réttarlega fyrir hver hafi
nýtingarréttindi á auðlindum í og
undir hafinu á þessu svæði.
Stjórnvöld beggja landa hafa
skuldbundið sig til að hlíta
niðurstöðunni.
Ný landamæri í
Karíbahafi
Lögreglumaður
skaut til bana sex og helsærði eitt
ungmenni sem safnast höfðu
saman í heimahúsi til að borða
pitsu og horfa á heimabíó í litlum
bæ í Wisconsin í Bandaríkjunum í
fyrrakvöld. Sjálfur féll hann fyrir
kúlum annarra lögreglumanna.
Byssumaðurinn var tvítugur að
aldri og hafði nýlega hafið störf í
lögreglunni í bænum Crandon.
Svo virðist sem skotæði hafi
runnið á manninn, Tyler Peterson,
í afbrýðisemiskasti, að því er
móðir einnar stúlkunnar sem
fyrir skoti varð gat sér til.
Skotæði í af-
brýðisemiskasti
Við umdeildan samruna
Reyjavík Energy Invest og Geysis
Green Energy fyrir helgi rann 16,6
prósenta hlutur Orkuveitu Reykja-
víkur í Hitaveitu Suðurnesja (HS)
inn í hið sameinaða félag. Hlutur-
inn er metinn á 1,2 milljarða.
Orkuveitan keypti hlutinn í
sumar og stjórnarmenn í HS frá
Reykjanesbæ og Hafnarfirði furða
sig á vinnubrögðum Orkuveitunn-
ar. Þeir hyggjast skoða það hvort
bæjarfélögin muni nýta forkaups-
rétt sem þau eiga í hluti Orkuveit-
unnar og Geysis.
Hjörleifur B. Kvaran, forstjóri
Orkuveitunnar, segir að ákveðið
hafi verið að hlutur Orkuveitunnar
í HS skyldi renna inn í REI við
samrunann til að hann yrði á sömu
hendi og 32 prósenta hlutur Geysis.
Borgarfulltrúar Sjálfstæðisflokks
ákváðu í gær að Orkuveitan skyldi
selja þriðjungshlut sinn í REI og
telur Hjörleifur ekki ástæðu til að
undanskilja hlut Orkuveitunnar í
HS í þeirri sölu.
Björn Ingi Hrafnsson, borg-
arfulltrúi Framsóknarflokksins, er
á öðru máli, og telur að skilja eigi
HS að í því sambandi. „Einkaaðilar
eiga að vera sterkir í útrás en við
eigum að láta annað gilda um auð-
lindir innanlands,“ segir hann.
Gunnar Svavarsson, stjórnar-
maður í HS fyrir hönd Hafnar-
fjarðar, telur einnig að Orkuveitan
ætti að leitast við að halda hlut
sínum í HS. Hann er hissa á ákvörð-
un Orkuveitunnar. „Það kemur
okkur á óvart að Orkuveitan hafi
ákveðið að leggja hlutinn inn í REI
því það var aldrei upp á borðinu í
sumar að leggja hann inn í útrásar-
fyrirtæki,“ segir Gunnar.
„Það er enn sérstakara að menn
leggi hlutinn inn á föstudegi og taki
svo ákvörðun á mánudegi um að
selja hann. Af hverju tóku menn
ekki bara ákvörðun um það að til-
kynna forkaupsréttarhöfum strax
á fimmtudaginn að þeir ætluðu að
selja hann?“
Árni Sigfússon, bæjarstjóri
Reykjanesbæjar og fulltrúi í stjórn
HS, tekur í svipaðan streng. „Til
hvers var Orkuveitan að kaupa í
HS ef hún vill svo setja þennan hlut
mjög snarlega í útrásarfyrirtæki?
Það var óvænt – jafnóvænt og
aðkoma þeirra að Hitaveitunni.“
Báðir segja þeir Gunnar og Árni
að íhugað verði, jafnvel með sam-
starfi bæjarfélaganna, að nýta for-
kaupsréttinn í hlutinn í HS, sem
ellegar yrði seldur einkaaðilum
með hluta Orkuveitunnar í REI.
Árni tekur þó fram að hann óttist
ekki einkaframtakið og að það sem
mestu máli skipti sé að Reykja-
nesbær eigi ráðandi hlut í HS og sé
með í öllum ákvarðanatökum. Eign-
arhlutfall annarra hluthafa sé
aukaatriði í því samhengi.
Hugleiða að nýta
forkaupsrétt í HS
Sextán prósenta hlutur Orkuveitunnar í Hitaveitu Suðurnesja rann til REI við
sameininguna fyrir helgi og verður seldur með hlut Orkuveitunnar í REI. Hafn-
firðingar og Reyknesingar eiga forkaupsrétt og munu skoða að nýta hann.