Fréttablaðið - 09.10.2007, Blaðsíða 10

„Okkar skýra stefna er
að við ætlum að vera öflugasta ung-
liðahreyfing landsins,“ segir Anna
Pála Sverrisdóttir, nýkjörinn for-
maður Ungra jafnaðarmanna (UJ).
Í fyrsta sinn í sögu UJ sitja konur í
embætti bæði varaformanns og
formanns, en Eva Kamilla Einars-
dóttir var kjörin í embætti varafor-
manns á landsfundi UJ sem fór
fram nú um helgina. Líklega er það
einnig í fyrsta sinn sem tvær konur
sitja í efstu embættum landsfélags
ungliðahreyfingar.
„Nýja stjórnin á eftir að hittast
og leggja drög fyrir árið. En það er
ekki nóg að gera starfsáætlun,
heldur verðum við líka að vera
vakandi og geta brugðist skjótt við.
Við munum áreiðanlega koma
sjálfum okkur og öðrum á óvart.“
Landsfundurinn var haldinn
undir yfirskriftinni Breytum rétt
og segir Anna Pála það vísa til
nýrrar stöðu Samfylkingarinnar í
ríkisstjórn.
„Á þinginu var breið samstaða
um að hafna frekari uppbyggingu
áliðnaðar, enda eru Ungir jafnaðar-
menn miklir umhverfisverndar-
sinnar. Þá kom upp skemmtilegur
frasi sem er aðskilnaður ríkis og
landbúnaðar. Við viljum afnema
haftastefnu í landbúnaði sem
bændur og neytendur tapa á. Annað
mjög aðkallandi mál er laun kvenna-
stétta í opinberri velferðarþjónustu.
Þetta eru stéttirnar sem halda
samfélaginu saman. Ef við getum
ekki greitt þeim sómasamleg laun
þurfum við verulega að endurskoða
verðmætamat okkar.“
Hækka á laun kvennastétta
Það væri öllum
Norðurlandaþjóðunum í
hag ef þau ykju samstarf
sín í milli um öryggis- og
varnarmál. Þetta segir Aly-
son J.K. Bailes, gestakenn-
ari í alþjóðastjórnmálum
við Háskóla Íslands og fyrr-
verandi forstöðumaður
sænsku friðarrannsókna-
stofnunarinnar SIPRI.
Í erindi á fundi á vegum
Varðbergs og Félags um
vestræna samvinnu sagði
Bailes að af sögulegum
ástæðum hefðu Norður-
löndin hvert valið ólíka leið í varn-
armálum – Svíþjóð hefði lagt
áherslu á að standa utan varnar-
bandalaga og reiða sig á að geta
kallað meira og minna alla þjóðina
til að taka þátt í vörnum landsins,
Finnar sömuleiðis. Norðmenn og
Danir hefðu á árum kalda stríðsins
lagt mikið upp úr virku varnarsam-
starfi við Bandaríkin, en báðar
þjóðir hefðu jafnframt lagt áherslu
á að á friðartímum yrðu engir
erlendir hermenn að staðaldri í
löndum þeirra. Danmörk skæri sig
úr nú með því að eiga eitt Norður-
landanna bæði aðild að Atlants-
hafsbandalaginu og Evrópusam-
bandinu – að vísu með undanþágum
frá skuldbindingu til þátttöku í
sameiginlegri öryggis- og varnar-
málastefnu þess. Sérstaða Íslands
sem eyjar langt úti í Atl-
antshafi og NATO-ríkis
án hers væri að sjálf-
sögðu mikil.
Breyttar ógnir nútím-
ans gerðu að verkum að
þessi sögulegi munur á
varnarstefnu Norður-
landanna skipti minna
máli. Eðlilegt væri að
þegar bandaríska varnar-
liðið hefði kvatt hallaði
Ísland sér meira að næstu
grannþjóðum sínum innan
NATO, ekki síst
Norðmönnum og Dönum.
Öll Norðurlöndin ættu nú sameig-
inlegt að vera háð utanaðkomandi
aðstoð til að verjast ógnum
nútímans, bæði hefðbundnum hern-
aðarlegum ógnum en enn frekar þó
ógnum sem ekki væri hægt að verj-
ast hernaðarlega, svo sem hryðju-
verkum, farsóttum, eiturefnameng-
un eða því um líku. Því hefðu þau öll
hag af því að stilla í auknum mæli
saman strengi á þessu sviði, meðal
annars til að koma sameiginlegum
norrænum sjónarmiðum í öryggis-
og varnarmálum betur á framfæri í
stefnumótun stóru fjölþjóðabanda-
laganna ESB, NATO og Sameinuðu
þjóðanna. Þetta skipti miklu máli,
ekki síst í ljósi þess að ESB hefði nú
æ meira mótandi áhrif á viðbúnað
Evrópuþjóða við ógnum nútímans.
Öryggi eflt á
Norðurlöndum
Að sögn breska öryggismálasérfræðingsins Alyson
Bailes væri það öllum Norðurlandaþjóðunum í hag
að efla samstarf sín í milli um öryggis- og varnarmál.
Sænskur elgveiðimað-
ur fannst látinn fyrir utan
veiðikofa sinn í Jämtland-sýslu í
Norður-Svíþjóð, nærri landamær-
unum að Noregi, og að sögn
lögreglu er talið að árás skógar-
bjarnar hafi orðið honum að
aldurtila.
„Sárin á líkinu benda til að
maðurinn hafi verið klóraður af
birni og bjarnarskítur fannst
skammt frá,“ sagði Ann-Christin
Johnsen, talskona lögreglunnar.
Mjög sjaldgæft er að villtir
birnir verði fólki að bana í Svíþjóð.
Það gerðist síðast árið 2004 en þar
á undan liðu næstum 100 ár frá síð-
asta þekkta tilviki.
Dó eftir árás
skógarbjarnar
Yfirsaksóknarinn í
máli rússnesku blaðakonunnar
Önnu Politkovskaju, sem myrt
var í Moskvu fyrir ári, segist nú
vita hver
morðinginn er.
Hann hefur þó
ekki nefnt hann
opinberlega.
Petros Gariby-
an saksóknari
segir morðið hafa
verið pólitískt og
tengjast hugsan-
lega morðinu á
Paul Klebnikov,
ritstjóra hinnar
rússnesku útgáfu tímaritsins
Forbes, árið 2004.
„Við höfum ekki ákært
morðingjann ennþá en við vitum
hver hann er,“ sagði Garibyan í
viðtali við Novaja Gazeta,
dagblaðið sem Politkovskaja
starfaði hjá.
Veit hver myrti
Politkovskaju
Serbneska lögreglan
greindi frá því í gær að hún hefði
handtekið 56 meinta nýnasista í
kjölfar götuslagsmála hægri- og
vinstriöfgamanna. Hópunum
laust saman er nýnasistarnir
reyndu að halda bannaða kröfu-
göngu þar sem þess var krafist
að Kosovo yrði áfram hluti
Serbíu.
Liðsmönnum öfgasamtakanna
Nacionalni Stroj (Þjóðvarðliðs-
ins) laust saman við þátttakendur
í mótmælafundi „and-fasista“ á
sunnudag. Skipuleggjendur mót-
mælafundarins sögðu í yfirlýs-
ingu í gær að lögreglan hefði ekki
verndað þá fyrir grjótkasti og
ofbeldi nýnasistanna. Talsmenn
stjórnarandstöðunnar sökuðu
ríkisstjórnina um að sýna öfga-
mönnum linkind.
Slást vegna Kosovo
hluthafar falla frá áskriftarrétti.
7. Kosning stjórnar og endurskoðanda.
8. Umræður og atkvæðagreiðslur um önnur málefni sem
löglega eru upp borin.
LJÓS & PERUR
Er ljósabúnaðurinn í lagi fyrir veturinn?
Við bjóðum mikið úrval af ljósabúnaði og perum frá Hella.
WWW.N1.ISN1 VERSLUN BÍLDSHÖFÐA 9 · SÍMI 440 1200
F
í
t
o
n
/
S
Í
A
Auglýsingasími
– Mest lesið