Fréttablaðið - 09.10.2007, Page 4

„Það er öllum ljóst að
það var um þetta ágreiningur í
okkar hópi,“ sagði Vilhjálmur Þ.
Vilhjálmsson borgarstjóri að
loknum fundi borgarfulltrúa
Sjálfstæðisflokks í gær. „En
okkur tókst á þessum fundi að
leysa þessi mál.“
Niðurstaða fundarins var sú að
hlutur Orkuveitu Reykjavíkur í
Reykjavik Energy Invest verður
seldur á næstunni. Haukur Leós-
son, stjórnarformaður Orkuveit-
unnar og stjórnarmaður í REI,
skal víkja úr sæti sínu á næstu
dögum, þrátt fyrir að hafa staðið
sig „frábærlega vel“ að mati
borgarstjóra.
Vilhjálmur sagði að aldrei hefði
staðið til að vera til lengri tíma í
rekstrinum og að með þessu yrði
innleystur tíu milljarða hagnaður,
sem færi í að greiða niður skuldir
borgarinnar. „Þetta er alveg í þeim
dúr sem upp var lagt með á sínum
tíma,“ sagði Vilhjálmur.
Borgarfulltrúi sjálfstæðis-
manna mun nú taka sæti Hauks í
stjórn Orkuveitunnar „til að bæta
tengslin og upplýsingaflæði milli
þessa góða fyrirtækis og borgar-
fulltrúa,“ sagði Vilhjálmur, sem
sjálfur situr í stjórn OR.
Gísli Marteinn Baldursson sagði
að farið yrði yfir hvernig „lykil-
stjórnendur“ Orkuveitunnar hefðu
hagað sér í málinu. „Við upplifð-
um ákveðinn trúnaðarbrest þar.“
Gísli sagði og að vík hefði mynd-
ast milli vina í Sjálfstæðisflokkn-
um og flokksmenn hefðu verið
óánægðir með málið. Aldrei hefði
þó komið til greina annað en að
leysa ágreininginn.
„Við töldum að þetta væri
rekstur sem borgin ætti ekki að
vera í,“ sagði hann. Aðrir borgar-
fulltrúar líktu blöndu einkarekst-
urs og opinbers reksturs við olíu
og vatn.
Enginn borgarfulltrúa mót-
mælti þó hinn 7. mars þegar Guð-
laugur Þór Þórðarson lagði fram
tillögu um stofnun REI, sem hluta-
félags í útrás. Guðlaugur tók þá
fram að með hlutafélagsforminu
yrði hægt að taka samstarfsaðila
beint inn í félagið.
Spurður hvort eigendum Orku-
veitunnar, borgarbúum, yrði gef-
inn forkaupsréttur í REI sagðist
borgarstjóri hafa efasemdir um
að rétt væri að hvetja fólk til
áhættufjárfestingar. „Við munum
leita til þeirra stofnana sem eru
viðurkenndar í slíku ferli,“ sagði
hann.
Segja ágreininginn í
borginni úr sögunni
Stjórnarformanni Orkuveitunnar gert að víkja úr sæti og hlutur Orkuveitu
í REI verður seldur með miklum hagnaði. Tekið verður á trúnaðarbresti
lykilstjórnenda. Almenningur fær líklega ekki forkaupsrétt í fyrirtækinu.
Þingflokkur Fram-
sóknarflokksins fundaði ekki í
gær með fulltrúum flokksins í
sveitarstjórnum sem eiga
hagsmuna að gæta í Orkuveitu
Reykjavíkur, eins og áætlað hafði
verið. Guðni Ágústsson hefur
boðað fund í þessari viku, jafnvel
í dag en einnig kemur til greina að
fulltrúarnir hittist á reglulegum
þingflokksfundi á morgun.
Mikillar óánægju gætir innan
þingflokks Framsóknarflokksins
með framgöngu Björns Inga
Hrafnssonar, borgarfulltrúa
flokksins, við samruna Reykjavík
Energy Invest og Geysir Green
Energy.
Framsókn
frestaði fundi
Fimmtán fangar
voru teknir af lífi á sunnudagskvöld
í stærsta fangelsi Afganistans rétt
fyrir utan höfuðborgina Kabúl.
Þetta eru fyrstu aftökurnar í
landinu í meira en þrjú ár.
Talibanastjórnin, sem Banda-
ríkjamenn steyptu af stóli árið
2001, tók reglulega fólk af lífi í
viðurvist almennings, gjarnan á
íþróttaleikvangi í Kabúl. Síðast
voru aftökur framkvæmdar í
Afganistan í apríl 2004.
Mannréttindasamtökin Amnesty
International fordæmdu aftök-
urnar. Samtökin segja að Hamid
Karzai forseti hafi áður heitið því
að stöðva dauðarefsingar.
Hamajun Hamidzada, talsmað-
ur forsetans, segir að Karzai fari
afar varlega í að heimila aftökur.
„Hann hefur frestað þessum
málum vegna þess að hann vill
ganga úr skugga um að réttlætinu
sé fullnægt og að málsmeðferð hafi
verið rétt. Hann er persónulega
ekki hrifinn af aftökum, en afgönsk
lög krefjast þeirra, og hann mun
fara að lögum,“ sagði Hamidzada.
Á síðasta ári voru dauðarefsing-
ar framkvæmdar í 24 ríkjum, sam-
kvæmt upplýsingum frá Amnesty
International. Sex þessara ríkja
voru þar stórtækust: Kína, Íran,
Írak, Pakistan, Súdan og Banda-
ríkin.
Fimmtán fangar teknir af lífi
Björn Ingi Hrafnsson,
borgarfulltrúi Framsóknarflokks-
ins, segir fulla samstöðu innan
flokks síns um að samruni Geysis
Green Energy
og Reykjavík
Energy Invest
(REI) hafi verið
góður. Farið
verði yfir óskir
sjálfstæðis-
manna varðandi
sölu á hlut
Orkuveitunnar í
REI, og hvort
þær geti ekki
farið saman við hugmyndir
framsóknarmanna.
„Ég held að það komi til greina
að selja lítinn hlut núna ef gott
verð fæst fyrir, svo gæti
afgangurinn verið seldur í
áföngum þegar kemur að
skráningu á hlutabréfamarkað.“
Spurður hvort hann sé sáttur
við að sjálfstæðismenn hafi
ákveðið að stefna að því að selja
hlut Orkuveitunnar í REI á fundi
sínum í gær segist Björn ekki
telja að um ákvarðanir meirihlut-
ans hafi verið að ræða. „Ég skil
þá þannig að þeir hafi verið að
ákveða sínar áherslur í málinu, en
hafi ekki verið að kynna neinar
ákvarðanir meirihlutans,“ segir
hann.
Gætum selt lít-
inn hlut núna