Fréttablaðið - 01.12.2007, Page 58

● hús&heimili
„Skemmtilegast við íbúðina er að
vera á toppnum efst uppi þegar það
er brjálað veður og þá hristist allt.
Útsýnið er mega flott og svo hvað
hún er lítil og hvað það er gott að
dunda sér hérna inni,“ segir Bryn-
hildur Pálsdóttir vöruhönnuður
sem leigir litla risíbúð á Grundar-
stígnum af Þóru vinkonu sinni.
„Ég get bara búið á tveimur stöð-
um held ég, annaðhvort í miðbæ
Hafnarfjarðar eða í miðbæ Reykja-
víkur. Þar er lífið og mér líður vel
hérna í miðbænum. Í úthverfun-
um sér maður aldrei fólk á ferli og
það er mikill kostur að geta labbað í
bankann og allt sem maður þarf en
í úthverfunum kemst maður ekkert
nema á bíl, það er eitthvað vitlaust
við það,“ segir Brynhildur sem
hefur nóg að gera sem hönnuður.
„Núna er ég að kenna í Mynd-
listaskóla Reykjavíkur í nýju námi
sem heitir Mótun. Það er keramik-
nám þar sem er lögð áhersla á hönn-
un en ég kenni hugmyndavinnu í
tengslum við það,“ segir Brynhild-
ur en lokasýning nemenda verður
föstudaginn 7. desember.
Brynhildur hefur einnig unnið
ötullega að verkefni sem nefnist
Vík Prjónsdóttir en það er sam-
vinnuverkefni hönnuða við prjóna-
stofuna Vík í Mýrdal.
„Svo er maður bara með alls
konar verkefni í gangi, t.d. Borðið
sem er hönnunarfyrirtæki sem ég
rek með Guðfinnu Mjöll Magnús-
dóttur þannig að það er nóg að gera
við að vera hönnuður í dag.“
En hefur Brynhildur þá ein-
hvern tíma til að vera heima við?
„Ég nenni ekkert að liggja uppi í
sófa, jú stundum nenni ég því. Það
er svo sjaldan sem maður hefur
heilan dag heima hjá sér en þegar
það gerist er gaman til dæmis að
tilraunast í eldhúsinu,“ segir Bryn-
hildur og tekur dæmi af notalegum
sunnudegi þar sem hún eyddi átta
tímum í að baka brauð í leirpotti.
„Og núna er ég að undirbúa marm-
elaðigerð,“ segir Brynhildur. Hún
bætir því við að hún sé ekki enn þá
búin að festa ræturnar þannig að
hún eigi ekki stóra búslóð.
„Húsgögnin skipta ekki mestu
máli, frekar bækurnar og að hafa
smádótið sitt með sér. Maður er
þó byrjaður að safna að sér hlutum
sem maður getur ekki verið án, litl-
Brynhildur með regnbogasilung sem keyptur var í dótabúðinni þar sem Tom Hanks
fékk starf í myndinni Big. FRÉTTABLAÐIÐ/VALLI
Bókahillan svignar undan áhugaverðum bókum. „Þegar ég fór til Amsterdam reyndi
ég að taka með mér allar bækurnar mínar því ég nota þær svo mikið,“ segir Brynhild-
ur.
Eldhússtúss á toppnum
● Brynhildur Pálsdóttir vöruhönnuður leigir litla risíbúð á Grundarstíg. Þar nýtur hún þess að gera tilraunir í eldhúsinu þegar hún á lausa stund frá eril-
sömu starfi sem hönnuður og kennari.
„Fyrir síðustu jól gerðum við Þóra í sameiningu sirkussúluna í eldhúsinu, Þóra valdi
gula litinn og ég er bara mjög ánægð með hann,“ segir Brynhildur sem dundar sér
mikið í eldhúsinu.
„Mikið af húsgögnunum tilheyrir Þóru vinkonu en svo kemur eitthvað frá ömmu
minni t.d. borðstofustólarnir. Viðgerðin á borðstofustólnum er frekar nýleg en amma
verður örugglega bara ánægð með hana,“ segir Brynhildur.
Svefnherbergið er notalegt undir súð
og litríkar slæður hafa verið lagðar yfir
stólbak.
1. DESEMBER 2007 LAUGARDAGUR6