Fréttablaðið - 14.12.2007, Qupperneq 68

BLS. 14 | sirkus | 14. DESEMBER 2007
S igríður Klingenberg spáir fyrir Jóni Ásgeiri Jóhannessyni þessa vikuna. Hann er fæddur
27.1 1968 og hefur sjö fyrir lífstölu. „Orkan hans er
mystísk og erfitt í raun að lesa hana. Þetta hentar
honum sérlega vel í viðskiptum vegna þess að fólk
veit ekkert hvað hann er að hugsa. Honum finnst
gaman að tefla á þessu viðskipta-taflborði og hann
á eftir að máta marga. Hann hefur snilldargáfurnar
í genunum líkt og rithöfundurinn Arnaldur
Indriðason hafði snilldargáfuna frá föður sínum.
Þessi lífssaga var skráð í stjörnurnar áður en Jón
Ásgeir fæddist. Hann er viðskiptaíþróttamaður og
keppnisskapið hans er ógurlegt. Hann á aldrei eftir
að hægja á sér eða setjast í helgan stein vegna þess
að þetta er það sem honum finnst gefa lífinu gildi.
Jón Ásgeir er frekar feiminn, mjög trygglyndur og
hefur í gegnum tíðina sjaldan orðið ástfanginn. Nú
er hann hins vegar algerlega búinn að finna
sálufélaga sinn, hana Ingibjörgu Stefaníu Pálma-
dóttur. Jón Ásgeir hefur gott minni sem er afar
slæmt fyrir andstæðinga hans. Hann er samt ekki
eins hefnigjarn og fólk heldur. Hann mun frekar
sýna fólki í tvo heimana með því að það fær hann
ekkert stoppað, Hann er búinn að hafa mikil áhrif á
íslenskt viðskiptalíf. Hann byrjaði á ásnum 2007 og
mun hans áhrifa gæta miklu meira í framtíðinni og
get ég ekki betur séð en hann eigi eftir að leggja
Danmörku að fótum sér. Það kæmi mér ekki á
óvart þótt hann yrði nánast eins og nýi krónprins
Danmerkur. Líf hans verður farsælt en varðandi
skemmtanalífið er sú vísa ekki of oft kveðin að
hann þarf að ganga hægt um gleðinnar dyr,“ segir
Sigríður Klingenberg.
www.klingenberg.is
Næsti krónprins Danmerkur
ÞAÐ FÆR HANN EKKERT STOPPAÐ Jón Ásgeir er mjög
mystískur og fólk á erfitt með að lesa hann og veit
yfirleitt ekkert hvað hann er að hugsa.
Sigríður Klingenberg spáir í Sirkus
www.klingenberg.is
■ Það er kominn
tími til að skipta
um vinnu ...
… ÞEGAR MÖTUNEYTI FYRIRTÆKISINS
HEFUR BARA EITT MARKMIÐ: AÐ FITA ÞIG!
… ÞEGAR VINNUFÉLAGAR ÞÍNIR HALDA AÐ
ÞEIR SÉU AÐ LEIKA Í NÆTURVAKTINNI,
NOTA SÖMU FRASANA OG ERU MEÐ
HRINGITÓNA ÚR ÞÁTTUNUM, NEI SÆLL,
ÞAÐ GERIST EKKERT SJOPPULEGRA …
… ÞEGAR ÞÚ LENDIR Í ÞVÍ AÐ DREKKA OF
MIKIÐ JÓLAGLÖGG Í STARFSMANNAPARTÍI
OG VAKNAR NAKINN HEIMA HJÁ
YFIRMANNI ÞÍNUM.
… ÞEGAR ÞIG ER FARIÐ AÐ DREYMA
VINNUNA ÞÍNA Á NÓTTUNNI.
… ÞEGAR ÞÚ FÆRÐ FLÍSPEYSU MERKTA
FYRIRTÆKINU Í JÓLAGJÖF. ÞÆR VALDA
EKKI BARA TÍSKUSLYSI HELDUR GERA ÞÆR
EKKERT FYRIR VAXTARLAG STARFS-
MANNSINS OG ERU SÉRSTAKLEGA VOND
ÍMYND FYRIR VIÐKOMANDI FYRIRTÆKI ÚT
Á VIÐ.
leiðir...
SPURNINGAKEPPNI sirkuss
■ Jóel Pálsson
1. Glitnir.
2. Jón Sigurðsson.
3. Minnisbók.
4. Ó Ó Ingibjörg.
5. Bennabúð.
6. Árið 1977.
Saxófónleikarinn góðþekki Jóel Pálsson batt enda á sigurgöngu Hannesar með naumindum. Jóel hlaut sex
stig af tíu mögulegum á móti fimm stigum Hannesar. Hannes Heimir skorar á viskubrunninn Jón Bjarna
Guðmundsson, framleiðanda hjá Saga film, til að mæta Jóel.
1. Hvaða banki var á dögunum útnefndur banki
ársins á Íslandi árið 2007 af alþjóðlega banka-
tímaritinu „The Banker“?
2. Hvað heitir forstjóri FL Group?
3. Hvað heitir nýútkomin bók Sigurðar Pálssonar
sem tilnefnd er til Íslensku bókmenntaverðlaun-
anna?
4. Á dögunum gáfu þau systkinin Ingibjörg, Ómar
og Óskar Guðjónsbörn út geisladisk, hvað heitir
hann?
5. Nýlega opnaði óvenjuleg bókabúð á Njálsgötu,
þar sem áherslan er lögð á bækur um myndlist,
hvað heitir búðin?
6. Hvenær tóku fyrstu íslensku barnaverndarlögin
gildi?
7. Hvað heitir ævintýramynd Ara Kristinssonar
sem var frumsýnd á dögunum?
8. Hver er herra Ísland árið 2007?
9. Hvaða íslenski hrekkjalómur gerðist svo kræfur
að panta símaviðtal við George Bush nýlega?
10. Hver er þjálfari handknattleiksliðs Stjörnunnar?
5 RÉTT SVÖR. 6 RÉTT SVÖR.■ Hannes Heimir
1. Glitnir.
2. Jón Sigurðsson.
3. Ævisögur og
endurminningar.
4. Ó Ó Ingibjörg.
5. Útúrdúr.
6. Árið 1967.
7. Duggholufólkið.
8. Ekki hugmynd.
9. Illugi.
10. Patrekur
Jóhannesson.
7. Dugguholufólkið.
8. Davíð Þór Jónsson.
9. Skagamaðurinn
Vífill Atlason.
10. Pass.
SPURNINGAKEPPNI SIRKUSS HELDUR GÖNGU SINNI ÁFRAM. SIGURFÖR BUFF TRYMBILSINS HANN-
ESAR HEIMIS HEFUR VERIÐ ÓSTÖÐVANDI OG ALLS HEFUR HANN UNNIÐ TÍU MÓTHERJA. HÉR
MÆTIR HANNES HEIMIR TÓNLISTARMANNINUM JÓEL PÁLSSYNI.
Rétt svör: 1. Glitnir. 2. Jón Sigurðsson. 3. Minnisbók. 4. Ó Ó
Ingibjörg. 5. Útúrdúr. 6. Árið 1932. 7. Duggholufólkið. 8. Ágúst
Örn Guðmundsson. 9. Vífill Örn Atlason. 10. Aðalsteinn Eyjólfsson.
Þ egar ég byrjaði með verslunina Fígúru fyrir sjö mánuð-um hafði ég aldrei snert saumavél eða komið nálægt
hannyrðum á einn eða annan hátt og hafði lítið vit á fötum,“
segir Guðjón Rúnar Emilsson, hönnuður og verslunareigandi
Fígúru, betur þekktur sem Gaui en nú gegna föt og sauma-
skapur lykilhlutverki í lífi hans. „Við bjóðum viðskiptavinum
okkar upp á að setja sinn persónulega stíl í fatnaðinn sem við
seljum og þrykkjum og saumum á fötin eftir þeirra hug-
myndum,“ upplýsir Gaui, en þessi nýbreytni í íslenskri
verslun hefur hlotið góðar viðtökur. „Á tímum fjöldafram-
leiðslunnar langar marga í eitthvað einstakt án þess þó að
það kosti morðfjár og það var meginástæða fyrir því að við
ákváðum að hrinda þessari hugmynd í framkvæmd,“ bætir
Guðjón við en vörurnar sem verslunin selur eru á mjög
viðráðanlegu verði. Verslunin Fígúra þykir með eindæmum
skemmtileg enda býður hún upp á fjölbreytt vöruúrval þar
sem stefnum og stílum úr öllum áttum ægir saman. „Við
seljum vörur frá Human Empire, American Apparel, Franklin
& Marshall auk þess sem við bjóðum upp á íslenska hönnun,
en núna eru í kringum 20 íslenskir hönnuðir sem selja
hönnun sína hjá okkur,“ segir Guðjón og hvetur alla þá sem
luma á einhverju skemmtilegu í pokahorninu að koma við í
Fígúru. „Verslunin er hugsuð bæði sem búð og gallerí. Við
leggjum ríka áherslu á að sýna allan skalann af list og erum
opin fyrir öllu,“ segir Guðjón en hann leggur mikið upp úr því
að allir finni eitthvað við sitt hæfi í Fígúru. „Áður en ég hóf
sjálfur verslunarrekstur hafði mér alltaf þótt leiðinlegt í
verslunum og forðaðist búðir eins og heitan eldinn,“ segir
kaupmaðurinn Guðjón að lokum sem unir hag sínum vel í
búð sinni á Skólavörðustígnum.
http://www.myspace.com/figurastore. bergthora@frettabladid.is
GAUI Í FÍGÚRU FETAR ÓTROÐNAR SLÓÐIR
LEYFIR KÚNNUNUM
AÐ ÞRYKKJA Á EFNI
SÁTTUR KAUPMAÐUR Í fyrra hafði hann ekkert vit á fötum og
tísku en núna er hann á kafi.