Fréttablaðið - 02.01.2008, Blaðsíða 23

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Bragi Jónsson er nemi við Söngskólann í
Reykjavík og lýkur sjötta stigi í vor.
„Ég hef verið viðloðandi tónlist síðan ég var krakki.
Það var mikið um tónlist á mínu æskuheimili, for-
eldrar mínir í kór og systkini mín þrjú í tónlistar-
skóla. Síðan söng ég sjálfur í kirkjukór Garðskirkju í
Kelduhverfi sem krakki,“ segir Bragi Jónsson, 22 ára
nemi í Söngskóla Reykjavíkur.
Bragi býr nú í Sandgerði og syngur þar í kirkju-
kórnum. Þar fannst félögum Braga að hann ætti að
láta reyna á auðheyrða hæfileika og úr varð að hann
skráði sig til náms í Söngskóla Reykjavíkur fyrir
tveimur árum. „Sönginn er hægt að læra á ýmsum
stöðum, en mamma þekkir ágætlega til í skólanum og
vissi að þetta er góður skóli,“ segir Bragi, en skólinn
fagnar þrjátíu og fimm ára afmæli í ár.
„Lengd námsins fer eftir eigin námshraða. Ég er á
sjötta stigi af átta og hef farið ansi hratt yfir,“
útskýrir Bragi sem segist vera hreinn bassi sem er
að hans sögn ekki svo algengt. Hann keyrir daglega
frá Sandgerði í skólann í Reykjavík og segir það lítið
mál. „Maður raular alltaf eitthvað á leiðinni og notar
tímann til að hita aðeins upp,“ segir hann hlæjandi.
Söngnemar verða að ná tveimur stigum á píanó
samhliða söngnámi en Bragi þarf ekki að hafa áhyggj-
ur af því. „Ég var í tónlistarnámi sem barn og lærði
þá á trompet og píanó og þarf þar af leiðandi ekki að
stunda það nám samhliða söngnum,“ útskýrir Bragi
og segist vera hrifnastur af þýskum óperum.
Námið er lánshæft þegar komið er að sjöunda stigi
en eftir það býður skólinn upp á tveggja ára nám sem
leiðir til brottfararnáms. Þó velja margir að halda
áfram erlendis og þá nægja sjö stig. „Margir fara til
Englands í nám, en ég hef líka heyrt að það sé gott að
læra í Austurríki. Ég er svona að skoða möguleikana
svo þetta á eftir að koma í ljós,“ segir Bragi
Skemmtilegast við námið er hversu gaman það er
að syngja og félagsskapurinn að sögn Braga sem
bætir við að hann syngi einnig í Óperukórnum. „Þetta
er hörkuvinna ef vel á að ganga, mikill texta lær-
dómur, þýðingar og æfingar. Hins vegar skilar vinnan
sér alltaf í góðum árangri sem er vel þess virði,“
segir Bragi. rh@frettabladid.is
Þýskar óperur heilla mest
Námskeið af ýmsum toga eru
vinsæl enda leitast fólk sífellt við að
kunna meira í dag en í gær. Myndlistar-
skólinn í Reykjavík býður upp á
allra handa listnámskeið fyrir
fólk á öllum aldri. www.
myndlistarskolinn.is
Mímir símenntun býður upp á margs
konar námskeið. Íslenska fyrir útlend-
inga vegur þar þungt en þau námskeið
eru í boði bæði fyrir byrjendur og lengra
komna. Þau eru haldin á morgnana og
kvöldin og hægt að velja
um nokkra staði í bænum.
www.mimir.is
Vefsíðan www.netla.
khi.is er veftímarit um uppeldi og
menntun gefið út af Kennarahá-
skóla Íslands. Síðan spratt upp úr starfi
áhugahóps um slíka útgáfu við skólann
en þar eru birtar ritrýndar fræðigreinar,
greinar af almennari toga, erindi, frá-
sagnir af þróunarstarfi og margt fleira.
KAUPMANNAHÖFN – LA VILLA
Heimagisting á besta stað í bænum.
Býður alla Íslendinga velkomna.
Geymið auglýsinguna.
www.lavilla.dk. S.0045 3297 5530. GSM. 0045 2848 8905
FR
ÉTTA
B
LA
Ð
IÐ
/G
VA

Bragi er alinn upp í tónelskri fjöl-
skyldu og því kom ekki á óvart að
hann kaus að leggja sönginn fyrir sig.