Fréttablaðið - 02.01.2008, Blaðsíða 38

34 2. janúar 2008 MIÐVIKUDAGUR
sport@frettabladid.is
Luka Kostic, þjálfari U-17 og U-21 árs landsliða karla í knatt-
spyrnu, hlaut á dögunum viðurkenningu Alþjóðahússins fyrir
lofsverða frammistöðu í málefnum innflytjenda á Íslandi og
var það forsetinn, hr. Ólafur Ragnar Grímsson, sem afhenti
honum verðlaunin við hátíðlega athöfn í Alþjóðahúsinu.
„Þetta var mikill heiður og ég er svakalega ánægður
með þessa viðurkenningu,“ sagði Luka og ítrekaði ást
sína á Íslandi.
„Eins og menn segja, Ísland, best í heimi. Það er
dásamlegt að búa á Íslandi og mér hefur liðið vel hérna
á þeim átján árum sem ég hef búið á landinu
og ég var mjög heppinn að hafa komið
hingað. Ég kynntist strax mikið af fólki
í gegnum fótboltann og ég held
að það hafi hjálpað mér mikið í
byrjun að vera í íþróttum. Mér fór
að líða vel strax frá fyrsta degi
og líður enn vel í dag,“ sagði
Luka og kvaðst afar ánægður
og stoltur af starfi sínu með ungmennalandsliðunum.
„Það eru mikil forréttindi fyrir mig að vera að vinna með
strákunum og þarna eru samankomnir efnilegustu knatt-
spyrnumenn landsins. Þetta er mjög gefandi starf og það
heldur mér líka ungum að vera að þjálfa þessa skemmti-
legu stráka,“ sagði Luka sem bíður spenntur eftir komandi
verkefnum með strákunum.
„Við erum með tvær æfingar í mánuði hjá báðum
liðunum og við höfum valið 36 stráka til þess að mæta
á æfingar hjá U-17 ára landsliðinu strax í byrjun janúar.
Næsta stóra verkefni hjá þeim verður líklega Norðurlanda-
mótið og svo leikir í undankeppni EM 2009 næsta haust.
Hjá U-21 er það riðlakeppni fyrir EM 2009 sem fer aftur
aftur af stað strax í febrúar þegar Ísland mætir liði
Kýpur.“
U-21 árs landslið Íslands er sem stendur í
þriðja sæti riðils síns þegar þrír leikir eru
eftir í riðlinum og er í harðri baráttu við
Slóvakíu um annað sætið.
LUKA KOSTIC, ÞJÁLFARI U-17 OG U-21 ÁRS LANDSLIÐA KARLA: HLAUT SÉRSTAKA VIÐURKENNINGU ALÞJÓÐAHÚSSINS
Leið vel á Íslandi frá fyrsta degi og líður vel enn
> Snæfell og Þór mætast í dag
Leikur Snæfells og Þórs frá Akureyri í
karladeild Iceland Express í körfubolta,
sem fara átti fram 30. desember en
var frestað vegna slæms veðurs, fer
fram í dag kl. 19.15 í Stykkis-
hólmi. Liðin eru sem stendur
í sjöunda og áttunda sæti
deildarinnar með átta stig hvort
og því má búast við hörkuleik.
Liðin unnu bæði síðustu leiki sína
í deildinni en það er um mán-
uður síðan leikirnir fóru fram.
Snæfell lagði þá Grindavík 82-
95 í Grindavík og Þór sigraði
Fjölni 84-88 í Grafarvogi.
HANDBOLTI Handknattleikskappinn
Logi Geirsson hefur ekki verið í
leikmannahópi Lemgo síðustu þrjá
leiki. Er það óvanalegt fyrir Loga
sem jafnan er á meðal lykilmanna
liðsins. Ástæðan er sú að Logi
veiktist og var frá í heila viku í
undirbúningnum fyrir leikina og
var því ekki heill heilsu.
Logi sagði við Fréttablaðið í gær
að hann væri hægt og rólega að
koma sér inn í leikmannahópinn á
ný eftir veikindin en þjálfarinn
vildi eðlilega ekki hafa leikmenn í
hópnum nema þeir væru tilbúnir í
slaginn og heilir heilsu.
„Þetta er bara harður heimur
atvinnumennskunnar og partur af
þessu. Ég gat ekkert undirbúið mig
fyrir leikina sökum veikinda og
var ekki í hópnum fyrir fyrsta leik-
inn. Þeir sem komu inn í staðinn
stóðu sig mjög vel,“ sagði Logi.
Samkeppnin í liði Lemgo er hörð
en leikmannahópur félagsins er
eitt stærstu liðanna í þýsku úrvals-
deildinni. Logi lætur deigan þó
ekki síga frekar en fyrri daginn.
„Þetta er ekkert til að væla yfir,“
sagði kappinn sem er nú farinn að
einbeita sér að næsta verkefni,
Evrópumótinu í Noregi með
íslenska landsliðinu.
„Það er gott að vera kominn
heim og kúpla sig aðeins út úr
þessu. Nú koma bara ný markmið
og ný samkeppni,“ sagði Logi sem
segist vera í formi lífs síns um
þessar mundir. - hþh
Logi Geirsson hefur ekki spilað þrjá síðustu leiki með Lemgo:
Partur af atvinnumennskunni
LEIKMANNAHÓPURINN
Sigurður Arnarson (FH)
Svavar Ólafsson (Stjarnan)
Arnór Stefánsson (ÍR)
Sigurður Ágústsson (FH)
Ólafur Guðmundsson (FH)
Aron Pálmarsson (FH)
Heimir Óli Heimisson (Haukar)
Tjörvi Þorgeirsson (Haukar)
Róbert Aron Holstert (Fram)
Kristján Örn Arnarsson (Haukar)
Guðmundur Árni Ólafsson (Selfoss)
Jónatan Vignisson (ÍR)
Einar Héðinsson (Selfoss)
Oddur Grétarsson (Þór)
Bjarki Már Elísson (Selfoss)
Ragnar Jóhannsson (Selfoss)
HANDBOLTI Íslenska ungmenna-
landsliðið skipað leikmönnum 18
ára og yngri hreppti silfursætið á
sterku móti í Þýskalandi milli jóla
og nýárs. Nafnarnir Einar Andri
Guðmundsson, yfirþjálfari yngri
flokka hjá FH, og Einar Guð-
mundsson, yfirþjálfari yngri
flokka hjá Selfossi, stýra liðinu
sem undirbýr sig nú fyrir Evrópu-
mótið í Tékklandi næsta sumar.
Spila stóra rullu í 1. deildinni
Strákarnir eru fæddir á árunum
1990 og 1991 og spila flestir þeirra
með meistaraflokki. „Það eru
nokkrir sem spila stórt hlutverk
hjá liðum sínum í 1. deildinni,“
segir Einar Andri um hópinn.
Erfitt er að meta styrkleika
landsliðsins þar sem þessi aldurs-
flokkur er tiltölulega nýr af nál-
inni. Liðið hefur aðeins spilað ell-
efu leiki en íslensk lið hafa náð
góðum árangri á Partille Cup sem
haldið er árlega í Svíþjóð. „FH
vann það mót til að mynda fyrir
tveimur árum og fleiri lið hafa náð
góðum árangri þar,“ segir Einar
Andri.
Undirbúningurinn er í fullum
gangi og góður árangur á Hela
Cup var kærkominn árangur fyrir
spennandi ár sem framundan er
hjá liðinu. „Við unnum Pólverja
fyrst þar sem við höfðum leikinn í
höndum okkar nánast allan tím-
ann. Svo töpum við illa fyrir
Frökkum þar sem þeir keyrðu yfir
okkur og unnu með
fimmtán marka mun.
Síðan unnum við sterkt
úrvalslið Saar-héraðs
sem meðal annars vann
Pólverja,“ segir Einar
Andri um riðlakeppnina
sem spiluð var á einum
degi.
„Við unnum síðan
Þjóðverja í undanúrslit-
unum sem er frábær
árangur. Við komumst
einu sinni yfir í leikn-
um, þegar tuttugu sekúndur voru
eftir og sýndum mikinn karakter
með því að vinna eftir að hafa
verið sjö mörkum undir í síðari
hálfleik. Við bættum leik okkar
svo mikið í úrslitaleiknum gegn
Frökkum þar sem við lékum af
eðlilegri getu en töpuðum með
fjórum mörkum. Við minnkuðum
muninn í eitt mark þegar sjö mín-
útur voru eftir en þá var blaðran
sprungin,“ sagði Einar.
Undankeppni EM á Íslandi
Ísland spilar við Tyrki, Letta og
Finna í riðli sínum fyrir undan-
keppni EM. Riðillinn verður
leikinn hér á landi í maí. „Það
er ekki spurning að við
eigum að vinna þessi lið,
þrátt fyrir að við vitum
lítið um þau,“ segir Einar Andri en
markið er sett hátt á Evrópumót-
inu, þangað sem liðið ætlar sér.
„Við eigum að komast þangað
og góður árangur þar er vel mögu-
legur. Við erum nógu vitlausir til
að hugsa um að við eigum að geta
orðið Evrópumeistarar,“ segir
Einar kíminn. „Við gerum okkur
miklar vonir með þetta lið og við
stefnum hátt. Árangurinn á Hela
Cup kom okkur ekki mikið á
óvart,“ segir þjálfarinn.
Hann segir að Ísland sé líklega
meðal sterkustu liða Evrópu og
eigi að geta komist í undanúrslit á
EM. „Ég ímynda mér að Frakkar,
Þjóðverjar, Norðmenn, Svíar, Danir
og við séum meðal sterkustu liða
Evrópu ásamt austantjaldslöndum
á borð við Serba og Króata. Það er
erfitt að meta þennan aldurs-
flokk núna en við erum að
reyna að átta okkur á þessu.“
Engu að kvíða í framtíðinni
Einar segir að þessir framtíðar-
landsliðsmenn Íslands hafi alla
burði til að halda áfram merkjum
Íslands á alþjóðavísu á lofti. „Ég
held að það sé óhætt að segja að
við gerum miklar væntingar til
þessa hóps. Strákarnir gera líka
miklar væntingar til sín sjálfir.
Þeir eru vanir toppbaráttu og ætla
sér mikið,“ segir Einar Andri.
„Þetta er næsta kynslóð í lands-
liðinu okkar. Einstaklingar bæði í
undir 20 ára liðinu og 18 ára liðinu
eiga eftir að spila fyrir landsliðið,
það er ekki spurning. Við erum
ekki með mikla breidd en við fáum
alltaf upp einstaklinga sem enda í
atvinnumennskunni. Ég held að
það sé engu að kvíða í íslenskum
handbolta,“ sagði Einar sem er
ánægður með stuðninginn sem
býr að baki liðinu.
„Við fáum mjög góðan stuðning
frá HSÍ og umgjörðin í kringum
liðið er mjög góð. Við fáum allt
sem við biðjum um og það er virki-
lega vel að þessu staðið hjá sam-
bandinu enda mikilvægt að hlúa
að þessu drengjum,“ sagði Einar
Andri að lokum. - hþh
Þurfum ekki að kvíða framtíðinni
Íslenska landsliðið í handbolta skipað leikmönnum átján ára og yngri er í blússandi sókn og náði góðum
árangri á sterku móti nýverið. Það býr sig nú af kappi fyrir EM í sumar þar sem markið er sett hátt.
ANNAR ÞJÁLFARANNA Einar Andri
Einarsson er annar þjálfara liðsins.
TRYLLTUR DANS Íslenska liðið dansaði til sigurs á Þjóðverjum á Hela Cup í lok
desember. MYND/SVERRIR REYNISSSON
LOGI Er tilbúinn í slaginn á EM í feikna-
formi. FRÉTTABLAÐIÐ/ANTON FÓTBOLTI Grétar Rafn Steinsson
tryggði liði sínu AZ Alkmaar
sigur gegn Heracles í hollensku
úrvalsdeildinni um helgina.
Markið skoraði Grétar með
þrumuskoti fyrir utan vítateig en
í viðtali við opinbera heimasíðu
AZ Alkmaar tók hann sérstaklega
fram ánægju sína með að skora
sigurmark í fyrsta skipti á
ferlinum.
„Við sköpuðum okkur mörg
færi í fyrri hálfleik og á venjuleg-
um degi hefðum við nýtt þau og
unnið leikinn örugglega. Eftir að
Julian Jenner fékk rauða spjaldið
á 64. mínútu varð þetta eðlilega
mjög erfitt fyrir okkur. Við
sýndum aftur á móti mikinn
karakter í því að vinna leikinn,“
sagði Grétar einnig í viðtalinu.
- hþh
Grétar Rafn Steinsson:
Ánægður með
sigurmarkið
FÓTBOLTI Eftir dapurt gengi að
undanförnu hefur stjórn Hearts
ákveðið að ráða nýjan knatt-
spyrnustjóra. Aðstoðarþjálfarinn
Stephen Frail og Anatoly Koro-
bochka, yfirmaður knattspyrnu-
mála, hafa stýrt liðinu frá því
Valdas Ivanauskas yfirgaf félagið
í mars á síðasta ári.
Frail tekur nú einn við liðinu til
bráðabirgða en Korobochka fer
til fyrri starfa. Stjórarnir John
Robertson, George Burley,
Graham Rix og Ivanauskas hafa
allir komið og farið síðan
Vladimir Romanov eignaðist
klúbbinn árið 2005. - hþh
Lið Eggerts G. Jónssonar:
Ætlar að ráða
nýjan stjóra
EGGERT Er í tíunda sæti deildarinnar
ásamt félögum sínum í Hearts.
GOLF Heimasíðan kylfingur.is
stendur fyrir kosningu á höggi
ársins og eru þar þrír kylfingar
nefndir til sögunnar.
Fyrst er það Ottó Sigurðsson
sem fór holu í höggi á 13. braut á
Urriðavelli í úrslitaviðureigninni
í Íslandsmótinu í holukeppni. Svo
eru það tvö högg fyrir fugli sem
annars vegar Birgir Leifur
Hafþórsson og Björgvin Sigur-
bergsson náðu á ögurstundu.
Birgir Leifur náði fugli á
næstsíðustu holu á lokahringnum
á úrtökumótinu fyrir Evrópu-
mótaröðina þegar hann vippaði
beint í holu úr erfiðri stöðu í
brekku. Björgvin náði fugli á
næstsíðustu holu á lokahring á
Íslandsmótinu í höggleik. - óþ
Kylfingur.is er með kosningu:
Hver átti högg
ársins í golfinu?
ÖFLUGUR Björgvin Sigurbergsson átti
eitt af höggum ársins að mati heima-
síðunnar kylfingur.is. FRÉTTABLAÐIÐ/PJETUR