Fréttablaðið - 02.01.2008, Blaðsíða 28

24 2. janúar 2008 MIÐVIKUDAGUR
timamot@frettabladid.is
KATE BOSWORTH LEIKKONA
ER 25 ÁRA Í DAG.
„Það er hluti af starfinu að kynna
myndirnar sínar. Maður situr fyrir
á forsíðum tímarita og svo framveg-
is en þess fyrir utan reyni ég að lifa
mjög venjulegu lífi. Ég reyni alls
ekki að gera það að meira brjálæði
en það er.“
Kate Bosworth heitir Catherine Ann
Bosworth og er bandarísk leikkona.
Hún er með annað augað blátt og hitt
brúnt.
Lögbirtingablaðið kom fyrst út í prent-
uðu formi í byrjun árs 1908. Í dag eru
því hundrað ár frá því blaðið var fyrst
gefið út og þrátt fyrir að form þess
og yfirbragð hafi kannski ekki breyst
ýkja mikið þá hefur útgáfan breyst
töluvert.
„Lögbirtingablaðið hefur verið í út-
gáfu óslitið síðan 1908 og er gefið út
af dómsmálaráðuneytinu. Þau tíma-
mót urðu hins vegar 1. júlí 2005 að
farið var að gefa blaðið aðallega út á
netinu á vefsíðunni logbirtingablad.
is. Pappírsútgáfan sem margir þekkja
frá síðustu áratugum er í raun orðin
aukaafurð og eru nú að ég held ein-
ungis um fjórtán pappírsáskrifendur
en um sex hundruð rafrænir áskrif-
endur,“ útskýrir Anna Birna Þráins-
dóttir, sýslumaður í Vík, og segir hún
Lögbirtingablaðið í raun vera eins
konar auglýsingablað fyrir hið opin-
bera, lögmenn og önnur stjórnvöld. „Í
Lögbirtingablaðinu birtast dómsmála-
auglýsingar eins og stefnur til dóms,
ýmsar tilkynningar frá skiptastjórum
í þrotabúum, tilkynningar frá hluta-
félagaskrá Ríkisskatt-
stjóra, skipulagsauglýs-
ingar frá sveitarfélögum
og fleira sem stjórnvöld
þurfa að koma á fram-
færi. Nánari skilgrein-
ingu má annars finna á
vefsíðu Lögbirtingablaðs-
ins,“ segir Anna Birna en
útgáfa blaðsins er nú í
höndum sýslumannsemb-
ættisins í Vík. „Ég er í
raun ritstjóri Lögbirtinga-
blaðsins og ábyrgðar-
maður. Sýslumaðurinn
í Vík gefur út blaðið í
umboði dómsmálaráðu-
neytisins en það gerð-
ist um síðustu áramót,
1. janúar 2007, að sýslu-
maðurinn í Vík tók við
þessu umboði. Þetta var liður í að færa
verkefni frá dómsmálaráðuneytinu út
til sýslumannsembætta og styrkja þau
þannig,“ útskýrir Anna Birna og telur
hún að önnur ráðuneyti mættu taka
sér það til fyrirmyndar.
Þrátt fyrir að öld sé liðin frá útgáfu
fyrsta tölublaðs Lögbirtingablaðsins
stendur það enn í miklum blóma.
„Þetta er bráðnauðsynlegt blað. Þarna
birtast á einum stað
áðurnefndar upplýs-
ingar og þeir sem
þurfa að lesa þetta,
aðallega vegna starfa
sinna, eiga því auðvelt
með að nálgast þær.
Ef Lögbirtingablaðið
væri ekki þá væri þetta
bara birt hér og þar og
því erfiðara að henda
reiður á því,“ segir
Anna Birna ákveðin.
„Það kemur afar sjald-
an fyrir að við fáum
eitthvað sem við telj-
um okkur ekki eiga eða
mega birta. Við skiptum
aðallega við hið opin-
bera, banka og lögmenn
og þeir vita hvað má birta og hvað ekki.
Það segir í lögum um Stjórnartíðindi
og Lögbirtingablað hvað á að birta og
síðan er fullt af öðrum lögum sem segja
nánar til um það,“ segir Anna Birna og
ítrekar að það sé mjög skýr rammi
um auglýsingarnar. Lögbirtingablað-
ið er í raun merkileg söguleg heimild
en Anna Birna segir að þótt blaðið sé
aldargamalt þá hafi auglýsingarnar nú
breyst glettilega lítið. „Blaðið hefur
verið mjög fastmótað frá upphafi og
hefur lítið breyst að efni til.“ Á net-
inu má nálgast öll tölublöð frá árinu
2001 til dagsins í dag en eldri blöð má
meðal annars finna á Landsbókasafn-
inu og öðrum bókasöfnum. „Þetta er
einnig til hjá dómsmálaráðuneytinu
og hér hjá sýslumannsembættinu í Vík
er þetta allt til innbundið,“ segir Anna
Birna. Það eru tvö störf í kringum út-
gáfu Lögbirtingablaðsins og snúa þau
aðallega að prófarkalestri og skipu-
lagningu á útgáfu. „Prófarkalesturinn
er hvað tímafrekastur. Auglýsendur
senda auglýsingarnar oftast inn raf-
rænt þannig að við gerum lítið annað
en að lesa þær yfir og skipuleggja út-
gáfuna,“ segir Anna Birna og bætir
við að með breyttu fyrirkomulagi út-
gáfunnar á netinu náist gríðarlegur
sparnaður. „Flestir kjósa sér rafræna
áskrift vegna þæginda. Ég gæti trúað
að lögmenn og lögfræðiskrifstofur
væru um einn þriðji áskrifenda, stofn-
anir og fyrirtæki einn þriðji og loks
almenningur einn þriðji,“ segir Anna
Birna og ljóst er að Lögbirtingablað-
ið er enn í fullu fjöri, en nú að mestu í
netheimum. hrefna@frettabladid.is
ANNA BIRNA ÞRÁINSDÓTTIR SÝSLUMAÐUR Í VÍK: LÖGBIRTINGABLAÐIÐ 100 ÁRA
Lögbirtingablaðið aldargamalt
NÚMER 1 Fyrsta Lögbirtingablað-
ið kom út fyrir hundrað árum.
LÍTIÐ BREYST Í 100 ÁR Anna Birna Þráinsdóttir, sýslumaður í Vík, segir Lögbirtingablaðið hafa
lítið breyst að efninu til þótt útgáfuformið sé mikið breytt. MYND/SIGURÐUR HJÁLMARSSON
MERKISATBURÐIR
1653 Sjávarflóð verður við suður-
strönd Íslands stundum
nefnt Háeyrarflóð.
1871 Stöðulögin staðfest af
konungi. Var þar kveðið
á um að Ísland væri óað-
skiljanlegur hluti Dana-
veldis með sérstökum
landsréttindum.
1884 Andrea Guðmundsdóttir
saumakona á Ísafirði kýs
til bæjarstjórnar og verður
fyrsta íslenska konan sem
það gerir eftir að konur
fengu kosningarétt til
sveitarstjórna.
1887 Prentarafélagið er stofnað
og er það fyrsta verkalýðs-
félagið á Íslandi.
1899 Kristilegt félag ungra
manna, KFUM, er stofnað í
Reykjavík.
Þennan dag árið 1979 hófust réttar -
höld yfir Sid Vicious, bassaleikara
pönkhljómsveitarinnar Sex Pistols,
vegna morðsins á Nancy Spungen,
kærustu hans.
Sid Vicious hét réttu nafni John
Simon Ritchie. Hann fæddist í Lond-
on og stuttu eftir fæðingu hans yfir -
gaf faðirinn fjölskylduna. Sid og
móðir hans fluttust til Ibiza þar sem
móðir hans gerðist eiturlyfjasali og
má líta á það sem nokkurs konar
fyrirboða um það sem í vændum var.
Sid og Nancy voru á kafi í eiturlyfjum og voru
á hraðri leið til glötunar. Að morgni 12. október
árið 1978 rankaði Sid við sér úr eiturlyfjavímu og
fann Nancy látna á baðherbergisgólfinu í hótel-
herbergi númer 100 á Hótel Chelsea í New York.
Hún hafði verið stungin í kviðinn og hafði blætt til
dauða. Sid var handtekinn og ákærð-
ur fyrir morðið en hann hélt því fram
að hann myndi ekkert eftir atvikinu.
Trygging var greidd af útgáfufyrir-
tækinu Virgin Records svo Sid gæti
tekið upp plötu með hljómsveit sinni
til að safna fé fyrir lögfræðikostnaði.
2. febrúar árið 1979 var haldin lítil
veisla til að fagna því hafði Sid fengið
tímabundið frelsi. Veislan var haldin
heima hjá nýrri kærustu hans sem
hann hóf samband við daginn sem
hann útskrifaðist af Bellevue-spítala í október árið
áður. Sid hafði verið vaninn af heróíni á meðan á
dvöl hans í fangelsinu stóð. Þetta kvöld fékk hann
hins vegar heróín frá móður sinni og tók inn of
stóran skammt. Kærastan lífgaði hann við og síðar
um nóttina sofnuðu þau. Hann vaknaði hins vegar
aldrei aftur til lífsins.
ÞETTA GERÐIST: 2. JANÚAR 1979
Réttarhöld yfir Sid Vicious hefjast
SID VICIOUS OG NANCY
Iðnskólinn í Reykjavík brautskráði 120 nemendur 19.
desember síðastliðinn en á haustönn stunduðu 2.100 nem-
endur nám við skólann. Við útskriftina voru veitt verð-
laun fyrir besta samanlagðan námsárangur og féllu þau
í hlut Súsönnu Barböru Götz og Gísla Karlssonar en auk
skólans veita fjölmörg félagasamtök og fyrirtæki verð-
laun í einstökum greinum.
Skólameistari Iðnskólans, Baldur Gíslason, gerði að
umtalsefni í ræðu sinni frumvarp til nýrra laga um
framhalds skóla en þar eru boðaðar breytingar á um-
hverfi framhaldsskólans sem miða að því að tengja
saman háskólasviðið og framhaldsskólana og eins at-
vinnulífið og skólana. Sagði hann Iðnskólann í Reykja-
vík hafa þar mörg sóknarfæri og vildi hann sjá skólann
fremstan í flokki í mótun framhaldsnáms fyrir iðn- og
starfsmenntað fólk. Einnig ávarpaði Baldur nemendur
sína og sagði þau geta verið stolt af námi sínu og því for-
skoti sem þau hefðu á atvinnumarkaðnum með gráðu frá
Iðnskólanum. Ekki ætti að draga fólk í dilka eftir lengd
eða eðli náms heldur skipti máli að hver einstaklingur
menntaði sig og næði sínum eigin mark miðum. - rt
Iðnskólinn í Reykjavík útskrifar
VERÐLAUNAHAFARNIR ásamt Guðmundi Páli Ásgeirssyni námsstjóra
og Baldri Gíslasyni skólameistara.
Elskuleg móðir okkar, tengdamóðir, amma
og langamma,
Áslaug Jónsdóttir
Hrísalundi 4 c, Akureyri,
verður jarðsungin frá Akureyrarkirkju föstudaginn
4. janúar kl. 13.30. Þeim sem vilja minnast hennar er
bent á Heimahlynningu Akureyri.
Björn J. Jónsson Halldóra Steindórsdóttir
Sævar Ingi Jónsson Elín Jóhanna Gunnarsdóttir
Ingibjörg Jónsdóttir
Rósa Friðriksdóttir Ólafur Halldórsson
Atli Örn Jónsson Arnfríður Eva Jónsdóttir
Jón Már Jónsson Unnur Elín Guðmundsdóttir
ömmu- og langömmubörn.
Elskuleg móðir okkar, tengdamóðir, amma
og langamma,
Jónína Kristín
Vilhjálmsdóttir
Deildarási 1, Reykjavík,
lést á Landspítalanum Fossvogi þann 25. desember.
Útför hennar fer fram frá Árbæjarkirkju fimmtudaginn
3. janúar kl. 13.00. Þeim sem vilja minnast hennar er
bent á Krabbameinsfélag Íslands.
Fyrir hönd aðstandenda
Vilhjálmur Örn Halldórsson Svanfríður Ásgeirsdóttir
Þröstur Sveinsson Guðrún J. Eiríksdóttir
Óla Laufey Sveinsdóttir
Þorsteinn Sveinsson Keelie Walker
Jóna Denny Sveinsdóttir
Aðgangur að Listasafni Reykjavíkur í Hafnarhúsi,
Kjarvalsstöðum og Ásmundarsafni er ókeypis frá 1.
janúar 2008. Í framhaldinu, eða frá 10. janúar, verður
safnið í Hafnarhúsi haft opið lengur en áður eða til klukk-
an 22 á fimmtudagskvöldum. Þetta var kunngjört á blaða-
mannafundi með Hafþóri Yngvasyni, safnstjóra Lista-
safns Reykjavíkur, Degi B. Eggertssyni borgarstjóra og
Svanhildi Konráðsdóttur, sviðsstjóra menningar- og ferða-
málasviðs Reykjavíkurborgar. Þau lýstu því yfir að niður-
felling aðgangseyris væri gerð til að undirstrika að safn-
ið væri hluti af sameiginlegum lífsgæðum borgarbúa og
hvöttu fjölskyldur og aðra til að fjölmenna á listsýning-
ar á nýju ári.
„Þetta eru gleðitíðindi fyrir okkur, borgarbúa og lands-
menn,“ segir Soffía Karlsdóttir, kynningarstjóri Lista-
safns Reykjavíkur og upplýsir að á fimmtudagskvöldum
sé meiningin að hafa alltaf einhverja dagskrá, annaðhvort
tengda sýningunum eða ekki. „Við viljum hafa söfnin sam-
komustað og ókeypis aðgangur að þeim auðgar enn frekar
þá skapandi borg sem Reykjavík er,“ segir hún.
Frítt inn í Lista-
safn Reykjavíkur
BJÓÐA FRÍTT Á SÖFNIN Hafþór safnstjóri, Dagur borgarstjóri og Svan-
hildur sviðsstjóri. MYND/LISTASAFN REYKJAVÍKUR